ߗߊߦߌߣߊ߫ ߡߐߟ ߘߊ ߓߍߣߊ߬ ߟߊߞߊ߬ ߝߘߏ߬ߓߦߊ߬ ߓߟߏ ߡߊ߬ ߞߏ߲ߓߌߕߌ߮ ߕߟߋ߬ ߁߆ ߣߊ߬ߕߐ ߢߌ߲߬ ߡߊ߬ ߞߐߣߊߞߙߌ߫ ߞߣߐ߫߸ ߓߊ߬ߙߌ߬ ߡߐ߱ ߟߎ߬ ߞߙߐߕߐߣߍ߲߫ ߥߊ߯ߕߌ ߏ߬ ߡߊߞߐ߬ߣߐ߲ ߡߊ߬߸ ߖߊ߬ߡߊ߫ ߞߐ߬ߙߐ߲ߜߐ߲߬ߜߐ߲ ߠߋ߬ ߦߴߊ߬ ߞߎ߲߬ߛߌ߲߬ ߠߊ߫ ߦߋ߲߬ ߠߊ߫ ߕߋ߲߬، ߓߊ߬ߙߌ߬߸ ߡߊ߲߬ߞߊ߲߬ߓߊ ߣߌ߲߬ ߓߍ߯ ߞߐߝߍ߬߸ ߊߛߌߞߊ ߟߎ߬ ߟߊ߫ ߞߏߢߊ ߣߌ߲߬ ߦߋ߫ ߘߌ߬ߑ ߓߊߏ߬ ߊ߬ ߦߋ߫ ߝߘߊ߬ߝߌ߲߬ ߖߡߊߣߊ ߛߌߦߊߡߊ߲߫ ߠߋ߬ ߞߣߐ߫ ߕߋ߲߬، ߗߊߦߌߣߊ߫ ߡߐߟ ߣߌ߲߬ ߦߋ߫ ߡߎ߲߬ ߘߌ߫߸ ߊ߬ ߟߊ߫ ߞߏ ߦߋ߫ ߘߌ߬ ߖߌ߬ߣߍ߬ ߞߣߐ߫ ߦߊ߲߬؟
ߞߵߊ߬ ߝߐ߫ ߞߏ߫ <<ߗߊߦߌߣߊ߫ ߡߐߟ>>߸ ߏ߬ ߞߏ ߘߊߡߌ߬ߣߊ߬ ߘߊ߫ ߁߉߉߀ ߣߌ߫ ߂߀߀߀ ߕߍߟߊ ߟߋ߬ ߘߐ߫߸ ߛߌ߯ߣߌ߲߬ ߣߊ߲߬ߝߟߏ߬ߦߊ߬ߟߊ ߘߏ߫ ߟߎ߫ ߓߟߏ߫߸ ߞߵߊ߬ ߟߊߥߌ߬ߟߌ߫ ߖߎ߬ߟߦߊ߬ߘߊ߬ ߡߊ߲ߞߊ߲ ߠߎ߬ ߡߊߘߍ߬ߡߍ߲ ߣߴߊ߬ߟߎ߬ ߟߊߛߓߊ߬ߕߌ ߡߊ߬، ߊ߬ ߦߋ߫ ߝߐ߫ ߟߴߊ߬ ߡߵߊ߬ߟߎ߬ ߓߟߏ߫ ߕߎ߬ߡߊ ߘߏ߫ ߟߎ߫ ߟߊ߫ ߞߏ߫ <<ߗߊߦߌߣߊ߫ ߣߎߘ>>߸ ߝߎ߲ߞߎ߲߫ ߓߌ߫ ߦߙߌߞߊ߫ ߤߊ߲߯ ߗߡߍ߬ ߦߙߌߞߊ߫ ߟߋ߬ ߦߴߊ߬ߟߎ߬ ߓߟߏ߫߸ ߡߍ߲ ߠߎ߬ ߦߋ߫ ߛߌ߯ߣߌ߲߬ ߞߙߊ߬ߖߊߥߏ߫ ߜߊ߲߰ߛߊ߲ ߝߙߋ߬ ߟߊ߫.
ߊ߬ߟߎ߬ ߦߋ߫ ߥߙߏ߬ߘߎ߰ ߊߝߙߌߞߌ߬ ߝߊ߲߬ ߛߌߦߊߡߊ߲߫ ߠߋ߬ ߘߐ߫߸ ߝߎ߲ߞߎ߲߫ ߝߌ߬ߟߊ߬ ߦߴߊ߬ߟߎ߬ ߓߟߏ߫ ߖ߭ߎߥߊߣߍߛߑߓߎߙ߸ ߏ߬ ߟߎ߬ ߦߋ߫ ߖߎ߬ߟߊ߬ߦߊ ߞߍ߫ ߟߊ߫ ߦߋ߲߬ ߛߐ߲߬ߞߐ߬ ߣߐ߲߮ ߘߝߊߣߍ߲ ߠߋ߬ ߟߊ߫، ߊ߬ߟߎ߬ ߟߊ߫ ߝߋ߲ ߠߎ߬ ߦߋ߫ ߝߙߋ߬ ߟߴߊ߬ߟߎ߬ ߓߟߏ߫ ߘߊ߫ ߟߋ߬ ߟߊ߫߸ ߡߍ߲ ߖߌ߰ߣߍ߲߫ ߖߎ߬ߟߊ߬ ߛߌߦߊߡߊ߲߫ ߕߊ ߞߘߐ߫.
ߊ߬ߟߎ߬ ߟߊ߫ ߝߋ߲ ߠߎ߬ ߛߐ߲߬ߞߐ ߘߌ߫ ߡߐ߰ ߡߊߞߓߊ߫ ߕߎ߬ߡߊ ߘߏ߫ ߟߎ߫ ߟߊ߫߸ ߝߏ߫ ߊ߬ ߘߌ߫ ߞߴߌ ߢߣߊ߫ ߞߏ߫ ߕߎ߬ߢߊ߬ ߕߴߊ߬ ߘߐ߫ ߣߴߌ ߢߊ ߡߴߊ߬ ߦߋ߫، ߓߊ߬ߙߌ߬߸ ߊ߬ ߟߞߊ߬ߟߌ߬ߞߊ߲߬ߠߊ ߛߌߦߊߡߊ߲߫ ߠߋ߬ ߕߍ߫ ߕߎ߬ߢߊ߬ ߘߌ߫، ߞߊ߬ߕߎ߲߯߸ ߊ߬ߟߎ߫ ߣߊ߬ ߛߊ߲ ߠߋ߬ ߞߐߣߊߞߙߌ߫ ߕߋ߲߬߸ ߊ߬ߟߎ߬ ߞߊ߲߫ ߞߏ߫ ߊ߬ ߘߊ ߓߍߣߊ߬ ߟߊߞߊ߬ ߞߏ߲ߓߌߕߌ߮ ߣߌ߲߬ ߕߟߋ߬ ߁߆ ߣߊ߬ߕߐ ߡߊ߬، ߞߊ߬ ߞߐ߲߰ ߞߐߣߊߞߙߌ߫ ߢߍ߫߸ ߊ߬ߟߎ߬ ߦߋ߫ ߝߊ߲߬ ߛߌߦߊߡߊ߲߫ ߜߘߍ߫ ߟߎ߫ ߘߐ߫߸ ߦߏ߫ ߊߓߌߖߊ߲߬߸ ߣߊߦߌߙߏߓߌ߫߸ ߟߋߜ߭ߐߛ.
ߖߌ߬ߣߍ߬ ߞߣߐ߫߸ ߗߊߦߌߣߊ߫ ߡߐߟ ߣߐ߬ ߊ߬ ߟߊ߫ ߘߊ ߟߊߞߊ߬ ߟߊ߫ ߔߙߌߡߊ߫ ߛߍ߲ߕߊ߬ ߟߋ߬ ߞߣߐ߫ ߞߌߔߋ߬، ߊ߬ ߘߊ ߡߊ߫ ߟߊߞߊ߬ ߡߎߣߎ߲߬ ߝߋߝߋ߫߸ ߞߏ߬ߣߌ߲߬ ߖߊ߬ߡߊ߫ ߝߌ߬ߙߌ߲ߞߐ߲߬ߞߐ߲ ߠߵߊ߬ ߞߣߐ߫ ߦߋ߲߬ ߕߋ߲߬، ߞߵߏ߬ ߞߎ߲߭ ߞߍ߫ ߛߘߊ ߟߊ ߘߴߊ߬ ߟߊ߫ ߘߍ߬ߞߙߏߝߏ ߟߎ߫ ߞߊ߲߬߸ ߊ߬ ߦߌ߬ߘߊ ߞߏߛߐ߲߬ ߡߐ߰ ߛߌߦߊߡߊ߲߫ ߓߟߏ߫ ߞߏ߫ ߝߋ߲ ߠߎ߬ ߦ߫ߋ ߝߙߋ߬ ߟߊ߫ ߛߐ߲߬ߞߐ߫ ߟߋ ߟߊ߫ ߦߋ߲߬߸ ߡߍ߲ ߛߎ߮ ߦߋ߫ ߜߏߡߊ߲߫، ߘߏ߫ ߟߎ߫ ߦߴߊ߬ ߝߐ߫ ߟߊ߫ ߞߏ߫ ߊߦߌߝߏߣ ߦߋ߫ ߛߐ߬ߘߐ߲߬ ߠߊ߫ ߂ ߀߀߀ ߀߀߀ ߟߊ߫ ߦߋ߲߬߸ ߞߏ߫ ߓߊ߲ߘߦߊߟߊ߲ ߦߋ߫ ߖߕ ߁߅߀߸ ߝߏ߫ ߘߏ߫ ߟߎ߫ ߘߴߊ߬ ߝߐ߫ ߞߏ߫ ߘߏ߬ߝߙߏ ߟߎ߬ ߦߋ߫ ߃߀߀ ߀߀߀ ߟߋ߬ ߘߌ߫ ߦߋ߲߬߸ ߊ߬ ߣߌ߫ ߞߊ߲߫ ߛߌߦߊߡߊ߲߫.
ߓߊ߬ߙߌ߬ ߣߴߌ ߛߋ߫ ߘߊ߫ ߞߣߍ ߞߊ߲߬߸ ߌ ߘߴߊ߬ ߦߋ߫ ߞߏ߫ ߞߊ߲ ߡߍ߲ ߦߋ߫ ߝߐ߫ ߟߊ߫ ߛߊ߲ߡߊ߬߸ ߊ߬ ߣߌ߫ ߡߍ߲ ߦߴߊ߬ ߞߣߐ߫ ߦߋ߲߬߸ ߏ߬ ߟߎ߬ ߕߍ߫ ߞߋߟߋ߲߫ ߘߌ߫، ߡߊߡߊߘߎ߬ ߛߏ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߫ ߕߘߍ߬ ߝߋ߲ ߠߎ߬ ߛߐ߲߬ߞߐ ߖߌ߰ ߟߊ߫ ߢߊ ߡߍ߲ ߡߊ߬߸ ߊ߬ ߡߊ߫ ߣߵߊ߬ ߛߐ߬ߘߐ߲߫ ߕߋ߲߬، ߊ߬ߟߋ߫ ߘߍ߬ߢߐ߲߮ ߠߎ߫ ߟߋ߬ ߞߊ߬ ߗߊߦߌߣߊ߫ ߡߐߟ ߟߊ߫ ߞߏ ߟߊߞߊ߬ߟߌ߫ ߊ߬ ߦߋ߫߸ ߊ߬ ߓߕߐߟߊ ߟߎ ߡߊ߬߸ ߊ߬ ߞߵߊ߬ ߝߐ߫ ߡߏ߬ߛߏ ߦߋ߫ ߞߏ߫ ߞߵߊ߬ߟߎ߬ ߟߊ߫ ߓߏ߲߫ ߞߣߐ߫ ߝߋ߲ ߓߍ߯ ߟߊߓߐ߫߸ ߊ߬ ߥߊߕߐ߫ ߞߎߘߊ ߡߍ߲ ߠߎ߬ ߛߊ߲߬ ߠߊ߫߸ ߏ߬ ߟߎ߬ ߘߌ߫ ߟߊߘߏ߲߬ ߓߏ߲ ߠߊ߫، ߓߊ߬ߙߵߊ߬ ߛߋ ߦߋ߲߬߸ ߊ߬ ߞߵߊ߬ ߛߐ߬ߘߐ߲߬ ߝߋ߲ ߏ߬ ߟߎ߬ ߦߋ߫ ߞߋ߲߬ߥߟߎ߬ ߥߐ߯ߙߐ߫ ߢߐ߲߰ ߠߋ߬ ߘߐ߫، ߝߊߦߌߘߊ߫߸ ߊ߬ߟߋ ߛߋ߫ ߘߊ߫ ߡߍ߲ ߛߊ߲߬ ߠߊ߫ ߡߎ߬ߕߎ߲߬߸ ߏ߬ ߟߋ ߞߍ߫ ߘߊ߫ ߝߙߋߕߟߏ ߘߏ߫ ߘߌ߫߸ ߊ߬ ߞߵߏ߬ ߡߍ߲ ߛߊ߲߬ ߖߕ ߅߇ ߀߀߀ ߟߊ߫.
ߏ߬ ߓߍ߯ ߣߴߊ߬ ߕߊ߫߸ ߛߌߞߊ ߦߋ߫ ߘߏ߫ ߟߎ߫ ߘߐ߫ ߡߎߣߎ߲߬، ߡߊ߬ߦߌߡߎߣߊ߬ ߞߐ߲ߘߍ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߥߊ߫ ߘߊ߫ ߦߋ߲߬ ߞߊ߬ߦߌ߯ ߛߎߓߊ߮ ߝߍ߬ ߟߋ߬، ߓߊߏ߬߸ ߊ߬ߟߋ ߟߊ߫ ߖߊ߬ߕߋ߬ ߘߐ߫߸ ߥߊߘߌ߫ ߛߌߦߊߡߊ߲߫ ߕߍ߫ ߡߍ߲ ߠߎ߬ ߞߎ߲߬߸ ߏ߬ ߟߎ߬ ߥߊ߫ ߦߙߐ ߟߋ߬ ߗߊߦߌߣߊ߫ ߡߐߟ ߘߌ߫، ߊ߬ߟߋ߫ ߖߍ߬ߘߍ ߞߵߊ߬ ߟߊߢߌߣߌ߲߫ ߠߋ߬߸ ߞߏ߫ ߝߏ߫ ߖߡߊ߬ߣߊ ߞߊ߲ߕߌ߮ ߦߋ߫ ߞߊߘߊ߲߫ ߞߊ߬ ߗߊߦߌߣߊ߫ ߡߐߟ ߣߌ߲߬ ߛߎ߮ ߟߊߛߌߦߊߦߊ߫ ߖߡߊ߬ߣߊ ߞߣߐ߫߸ ߓߊߏ߬ ߓߟߏߞߏߟߏ߲ ߠߎ߬ ߕߊ ߟߋ߬.
ߒ ߞߵߊ߬ ߡߍ߲ ߠߋ߬ ߞߊ߫ ߛߌߦߊ߫ ߗߊߦߌߣߊ߫ ߡߐߟ ߞߏ ߢߌ߲߬ ߘߐ߫ ߞߏߛߓߍ߫، ߏ߬ ߟߋ ߘߐ߫߸ ߊ߬ߟߎ߬ ߟߊ߫ ߗߋߕߌ߯ߘߊ ߡߍ߲ ߦߋ߫ ߔߙߌߡߊ߫ ߛߊ߲ߕߊ߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߎߡߊ߫ ߛߌߦߊߡߊ߲߫ ߦߋ߫ ߝߐ߫ ߟߊ߫߸ ߏ߬ ߕߍ߫ ߕߎ߬ߢߊ߬ ߘߌ߫، ߊ߬ ߞߊ߲߫ ߞߏ߫ ߡߐ߱ ߟߎ߬ ߦߴߊ߬ ߟߐ߲߫ ߞߏ߫ ߗߊߦߌߣߊ߫ ߡߐߟ ߦߋ߫ ߡߣߐ߬ߓߏ߲߫ ߠߋ߬ ߘߌ߫߸ ߡߍ߲ ߓߟߏߡߊߞߊ߬ߣߍ߲߫ ߓߏ߲߫ ߞߣߐ߫ ߝߋ߲ ߠߎ߬ ߝߙߋ߬ ߞߊ߲ߡߊ߬߸ ߊ߬ ߣߌ߫ ߟߊ߬ߗߋ߲߰ߧߊ߬ߟߌ߬ ߝߋ߲ ߠߎ߬ ߣߌ߫ ߓߊ߯ߙߊ߫ ߡߎߙߊ߲߫ ߡߌߛߍ߲ ߠߎ߬، ߓߊ߬ߙߌ߬߸ ߝߋ߲ ߘߏ߫ ߟߎ߫ ߦߋ߫ ߞߏߝߐ߫ ߟߊ߫߸ ߏ߬ ߟߎ߫ ߛߊ߲߬ߕߊ߬ ߕߴߊ߬ߟߎ߬ ߓߟߏ߫ ߦߋ߲߬ ߝߋߎ߫.
ߊ߬ߟߎ߬ ߟߊ߫ ߗߋߕߌ߯ߘߊ ߟߊ߫ ߝߐߟߌ߫ ߘߐ߫߸ ߞߏ߫ ߞߎߡߊ߫ ߛߌߦߊߡߊ߲߫ ߦߋ߫ ߝߐ߫ ߟߊ߫ ߡߐ߱ ߟߎ߬ ߓߟߏ߫߸ ߕߎ߬ߢߊ ߞߌ߬ߛߍ߬ ߞߋߟߋ߲ ߕߴߊ߬ ߘߐ߫، ߓߊߏ߬߸ ߊ߬ ߞߎߡߊ߫ ߘߐߞߏߟߏ߲ ߠߎ߬ ߟߋ߬ ߞߍߕߐ߫ ߛߊߓߎ߫ ߘߊ߫ ߞߊ߬ ߡߊ߬ߝߌ߲߬ߠߌ߲ ߛߌߦߊߦߴߊ߬ ߞߏ ߘߐ߫.
ߖߊ߬ߡߊ ߟߊ߫ ߓߐߟߌ ߞߏߛߐ߲߬߸ ߊ߬ߟߎ߬ ߟߊ߫ ߘߎ߬ߡߊ ߘߏ߫ ߕߋ߬ ߘߊ߫߸ ߝߏ߫ ߊ߬ߟߎ߫ ߞߵߊ߬ ߦߙߐ ߘߊߕߎ߯ ߞߎߣߎ߲߬ ߕߋ߬ߟߋ ߕߐ߭ ߡߊ߬.
ߒ߬ߓߊ߬߸ ߡߐ߱ ߟߎ߬ ߦߋ߫ ߡߍ߲ ߡߊߝߟߍ ߟߊ߫ ߛߍߣߍ߲߬߸ ߝߋ߲ ߠߎ߬ ߛߐ߲߬ߞߐ ߟߊߖߌ߰ ߢߊ߬ ߛߎ߮ ߡߍ߲ ߦߋ߫ ߣߌ߲߬߸ ߦߊ߯ߟߊ߫ ߊ߬ ߝߋ߲ ߠߎ߬ ߓߊ߲ߓߊ߲ߣߍ߲߫ ߓߊ߬؟ ߊ߬ߝߐ߫ ߊ߬ߟߎ߬ ߦߋ߫ ߕߊ߬ߡߌ߲߬ߘߊ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ߬ ߟߊ߫ ߓߊ߬؟ ߊ߬ߟߎ߬ ߟߊ߫ ߓߏ߲߬ ߛߙߊ߫ ߞߏ ߟߎ߬ ߝߣߊ߫ ߘߏ߲߬؟ ߢߌ߬ߣߌ߲߬ߞߊ߬ߟߌ߬ ߜߘߍ߫ ߖߍ߬ߘߍ ߦߴߊ߬ ߞߏ ߘߐ߫ ߌߞߐ߫߸ ߊ߬ߟߎ ߟߊ߫ ߣߊ߬ߟߌ ߡߍ߲ ߦߋ߫ ߣߌ߲߬߸ ߏ߬ ߞߐ ߘߌ߫ ߘߌߦߊ߫ ߖߎ߬ߟߊ߬ ߡߌߛߍ߲ ߘߏ߫ ߟߎ߫ ߟߊ߫ ߓߊ߬߸ ߢߌ߬ߣߊ߬ ߡߊ߲߫ ߞߊ߲߫ ߞߊ߬ ߞߍ߫ ߦߙߐ ߢߌ߲߬ ߠߎ߬ ߞߐ߫ ߘߋ߬. ߦߊ߯ߟߊ߫߸ ߖߡߊ߬ߣߊ ߝߊ߰ߡߊ ߟߎ߬ ߦߋ߫ ߛߍ߱ ߡߍ߲ ߟߊ߫ ߟߊ߫ ߒ߬ ߓߘߊ߫ ߖߎ߬ߟߊ ߟߎ߫ ߞߊ߲߬ ߟߊ߲ߞߎ߲߫ ߞߏ ߣߌ߫ ߞߏ ߕߐ߭ ߟߎ߬ ߘߐ߫߸ ߏ߬ ߢߐ߲߰ ߦߋ߫ ߟߊ߫ ߟߊ߫ ߢߌ߲߬ ߠߎ߬ ߝߣߊ߫ ߞߊ߲߬ ߓߊ߬؟
ߝߘߊ߬ߝߌ߲߬ߠߊ߬ ߞߣߐ߫߸ ߓߍ߯ ߦߋ߫ ߜߘߌ߫ ߟߊ߫ ߛߐ߲߬ߞߐ߬ ߣߐ߲߮ ߠߋ߬ ߝߍ߬، ߣߴߌ ߞߊ߬ ߜߋ߲ߞߐ߰ߖߌ߬ߘߊ ߡߊߝߟߍ߫߸ ߗߊߦߌߣߊ߫ ߡߐߟ ߣߌ߫ ߔߙߏߛߎ߳ߡߊ ߟߋ߬ ߦߋ߫ ߛߊ߲ߞߊߢߐ߲߯ߦߊ ߟߊ߫ ߦߋ߲߬، ߣߴߌ ߘߏ߲߬ ߞߊ߬ ߞߋߣߌߦߊ߫ ߡߊߝߟߍ߫߸ ߊ߬ߟߎ߬ ߡߊߓߎ߬ߙߎ߲߬ߕߌ߬ߣߍ߲߫ ߞߵߏ߬ ߞߎ߲߭ ߞߍ߫ ߝߋ߲߫ ߠߎ߫ ߟߋ߬ ߝߋ߬ߙߋ ߘߴߊ߬ߟߎ߬ ߓߟߏ߫߸ ߡߍ߲ ߠߎ߬ ߕߴߊ߬ ߓߘߍߓߘߍ߫ ߘߌ߫، ߏ߬ ߞߘߐ ߦߋ߫ ߡߎ߲߬ ߘߌ߫߸ ߊ߬ߟߎ߬ ߦߋ߫ ߝߋ߲߫ ߓߘߍ ߘߏ߫ ߟߎ߫ ߟߊߒߡߊ ߟߋ߬ ߟߊߘߊ߲߫ ߠߊ߫ ߛߐ߲߬.
ߒ߬ߓߊ߬߸ ߖߌ߬ߣߍ߬ ߝߣߊ߫ ߦߴߊ߬ ߕߊ ߏ߬ ߟߋ ߘߐߜߍ ߞߊ߲߬ ߕߋ߲߬߸ ߞߵߊ߬ ߟߐ߲߫ ߊ߬ ߞߐߝߟߌ ߓߍߣߊ߬ ߞߍ߫ ߘߌ߬، ߣߴߊ߬ߟߎ߬ ߟߊ߫ ߝߋ߲ ߠߎ߬ ߞߍ߫ ߘߊ߫ ߝߋ߲߫ ߓߘߍߓߘߍ ߘߌ߫߸ ߖߎ߬ߟߊ ߡߍ߲ ߠߎ߬ ߦߋ߫ ߛߏ߬ ߛߐ߲ߞߐ ߟߊ߫ ߟߊ߫ ߝߋ߲ ߠߎ߬ ߞߎ߲߬߸ ߏ߬ ߞߐ ߓߍߣߊ߬ ߞߍ߫ ߘߌ߬، ߊ߬ ߞߏ߬ߣߌ߲߸ ߊ߬ ߥߊ߯ߕߌ ߓߘߊ߫ ߛߋ߫߸ ߝߊ߰ߡߊ ߟߎ߬ ߦߴߊ߬ ߡߊߝߟߍ߫߸ ߊ߬ߟߎ߬ ߟߊ߫ ߝߋ߲ ߠߎ߬ ߟߊ߫ ߓߘߍ߬ߦߊ ߦߋ߫ ߘߌ߬߸ ߣߌ߫ ߖߏ߫ ߞߍ߫ ߘߴߊ߬ߟߎ߫ ߝߍ߬ ߏ߬ ߛߋߕߐ߫ ߟߊߕߐ߲߫ ߠߊ߫ ߖߎ߬ߟߊ ߕߐ߭ ߟߎ߬ ߝߣߊ߫ ߝߍ߬ ߘߌ߬، ߢߌ߲߬ ߠߎ߬ ߓߍ߯ ߦߋ߫ ߢߌ߬ߣߌ߲߬ߞߊ߬ߟߌ߫ ߖߋ߬ߓߌ߬ ߜߏ ߟߎ߬ ߟߋ߬ ߘߌ߫߸ ߞߏ߫ ߟߊߞߙߐߛߌ ߣߌ߫ ߥߊ߯ߕߌ ߞߍߕߐ߫ ߡߍ߲ ߞߕߌ ߕߍ߰ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
