ߖߊ߬ߡߊ߫ ߘߍ߬ߜߍ ߟߋ߬ ߕߘߍ߬ ߞߋߣߌߦߊ߫ ߕߏ߬ߟߊ߲߬ߕߊ߲߬ ߓߊߞߙߣߍ ߘߏ߫ ߘߐ߫ ߓߌ߬߸ ߡߍ߲ ߠߎ߬ ߕߊ߯ߣߍ߲߫ ߕߘߍ߬ ߢߊߖߌ߫ ߡߊߟߐ ߘߐ߫ ߞߋߣߌߦߊ߫ ߞߏߕߌ߯ ߝߟߐ߫ ߞߘߐ߫ ߛߊ߬ߓߊ߰ߕߐ߫ ߙߊߦߌߟߊ ߏߘߌ߲ߜ߭ߊ߫ ߝߎ߬ߙߋ ߦߋ߫، ߏ߬ ߟߋ ߞߏ ߟߊߓߊ߲ߣߍ߲߫ ߕߊ߬ߘߌ߬ߓߊ߬ߕߊߘߌߓߊ ߡߊ߬߸ ߞߊ߬ ߢߊߖߌߓߐߦߌ ߝߌ߬ߟߌ߫ ߖߊ߬ߡߊ ߏ߬ ߘߐ߫ ߕߐ߲ߓߟߏߡߊ ߟߎ߬ ߓߟߏ߫.
ߙߊߦߌߟߊ ߏߘߌ߲ߜ߭ߊ߫ ߛߎ߭ ߟߊߞߐߛߊ߬ߦߌ߲ ߞߍߣߍ߲߫ ߖߡߊ߬ ߞߏ ߘߊ߲߭ ߠߋ߬ ߘߌ߫ ߣߊߦߌߙߏߓߌ߫ ߞߣߐ߫ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߞߏ߲ߓߌߕߌ߮ ߕߟߋ߬ ߁߆، ߓߊ߬ߙߌ߬ ߖߊ߬ߡߊ ߟߊ߫ ߢߊߖߌ߫ ߡߊߟߐ ߟߊߓߊ߲߫ ߘߊ߫ ߢߊߖߌߓߐ߫ ߜߘߍ߫ ߟߋ߬ ߡߊ߬߸ ߡߍ߲ ߖߎ߯ߡߊ߫ ߘߐ ߏ߬ ߘߌ߫، ߓߊߏ߬߸ ߕߐ߲ߓߟߏߡߊ ߟߎ߫ ߞߊ߬ ߢߊߖߌߓߐߥߊߦߌ߲ ߠߋ߬ ߝߌ߬ߟߌ߫ ߡߐ߱ ߥߊ߯ ߦߙߌߞߊ ߣߌ߲߬ ߕߍߡߊ߬߸ ߡߊ߬ߙߌ߬ߝߊ߬ ߡߊ߲ߞߊ߲ ߠߎ߬ ߖߍ߬ߘߍ ߕߘߍ߬ ߡߍ߲߫ ߠߊ߫، ߖߊ߬ߡߊ ߏ߬ ߟߎ߬ ߓߍ߯ ߘߏ߲߬ ߣߊ߬ߣߍ߲߫ ߕߘߍ߬ ߢߊߖߌ߫ ߡߊߟߐ ߟߋ߬ ߟߊ߫ ߡߎߥߊ߫ ߓߙߊߞߣߍ ߘߐ߫߸ ߞߊߛߙߊߣߌ߫ ߞߌ߲߬ߘߊ ߟߊ߫.
ߛߙߋ߫ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫߸ ߡߍ߲ ߠߎ߬ ߖߍ߬ߘߍ ߕߘߍ߬ ߞߣߍ ߞߊ߲߬ ߦߋ߲߬߸ ߞߏ߫ ߖߊ߬ߡߊ ߟߋ߬ ߞߍ߫ ߘߊ߫ ߢߐ߲߮ ߘߐ߫ ߘߏ߲߬ߘߊ ߘߏ߫ ߟߊ߫߸ ߏ߬ ߟߋ ߡߊ߫ ߕߐ߲ߓߟߏߡߊ ߟߎ߬ ߕߏ߫ ߛߌ߰ ߘߐ߫߸ ߏ߬ ߟߎ߫ ߣߊ߬ ߘߊ߫ ߜߊ߬ߟߏ ߟߊ߫ ߡߐ߱ ߟߎ߫ ߞߊ߲߬ ߦߋ߲߬ ߞߏߛߓߍ߫، ߤߊߟߌ߬ ߡߐ߱ ߘߏ߫ ߟߎ߫ ߝߣߊ߫ ߕߘߍ߬ ߣߊ߬ߒ߬ߕߊ߲߬ ߝߊ߯ߣߌ߲ ߘߐ߫߸ ߏ߬ ߟߎ߬ ߝߣߊ߫ ߛߋ߫ ߘߊ߫ ߟߊߞߙߐ߬ߛߌ߬ ߟߊ߫߸ ߊ߬ߟߎ߬ ߦߋ߫ ߜߊ߬ߛߌ߬ߟߌ ߞߊ߲߬ ߣߊ߲߬ߕߌ߮ ߟߎ߬ ߟߊ߫ ߜߘߋ ߟߊ߫، ߡߐ߰ ߛߌߦߊߡߊ߲߫ ߠߋ߬ ߖߐߞߌ߫ ߘߊ߫߸ ߘߏ߫ ߟߎ߫ ߖߐߞߌ߫ ߞߏߖߎ߮ ߞߍ߫ ߘߴߊ߬ߟߎ߫ ߞߎ߲߭ ߘߐ߫، ߊ߬ ߖߍ߬ߘߍ ߦߌ߬ߘߊ߬ߣߍ߲߫ ߞߏ߫ ߡߐ߰ ߣߊ߯ߣߌ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫.
ߊߟߎ߫ ߦߴߊ߬ ߟߐ߲߫߸ ߊ߬ߟߎ߬ ߟߊ߫ ߖߡߊ߬ߣߊ ߞߏߕߌ߯ ߝߟߐ߫ ߞߘߐ ߟߋ߬ ߛߊ߬ ߘߊ߫ ߤߌ߲ߘߌ߬ ߖߡߊ߬ߣߊ ߞߊ߲߬߸ ߞߵߊ߬ ߛߌ߭ ߕߏ߫ ߛߊ߲߬ ߈߀ ߢߐ߲߰ ߘߐ߫߸ ߏ߬ ߟߋ ߛߎ߭ ߟߊߞߐߛߊ߬ߦߌ߲߬ߣߍ߲߫ ߖߡߊ߬ߣߊ ߞߣߐ߫ ߓߌ߬ ߛߐ߱ ߢߌ߲߬ ߡߊ߬߸، ߊ߬ ߟߊ߫ ߞߙߎߞߊߘߋ߲ ߥߊ߯ ߦߙߌߞߊ߫ ߟߋ߬ ߛߐ߰ ߘߴߊ߬ ߝߎ߬ߙߋ ߞߎ߲߭ߓߍ߲߭ ߡߊ߬ ߖߡߏ ߞߋߣߌߦߕߊ߫ ߛߊ߲ߡߊߘߊ߲ ߠߊ߫ ߛߎߓߊ߮ ߝߍ߬ ߡߎߣߎ߲߬، ߏ߬ ߟߋ ߝߣߊ߫ ߕߊ߬ߡߌ߲߬ ߘߊ߫ ߟߊ߬ߡߊ߮ ߘߏ߲߬ ߠߊ߫ ߡߐ߱ ߟߎ߬ ߘߐ߫߸ ߝߏ߫ ߞߎ߲߬ߠߊ߬ߛߌ߮ ߟߎ߫ ߞߊ߬ ߛߊ߲ߡߊߞߎߟߎ߲ ߠߎ߬ ߟߊ߫ ߜߊ߲ߠߌ߲߫ ߞߏ ߓߍ߯ ߟߊߟߐ߬ ߛߊ߲ߡߊߘߊ߲ ߠߊ߫ ߦߋ߲߬ ߥߊ߯ߕߌߣߍ߲߫ ߞߘߐ߫ ߡߎߣߎ߲߬߸ ߞߵߏ߬ ߞߎ߲߭ ߞߍ߫ ߖߊ߬ߡߊ ߥߊ߬ߙߊ ߘߌ߫ ߦߋ߲߬ ߞߏߖߎ߯ߦߊ߫.
ߝߎ߬ߙߋ ߕߍ߬ߘߍ߫ ߕߐ߲߬ߕߐ߲ ߡߍ߲ ߘߐ߫߸ ߏ߬ ߡߊߟߐ߬ߟߊ ߟߎ߬ ߞߵߊ߬ ߕߍ߲߬ߕߍ߲߬ ߢߐ߲߮ ߝߍ߬ ߞߎߘߍ߫ ߕߊ߲߫ ߠߋ߬ ߢߐ߲߰ ߠߋ߬ ߟߊ߫߸ ߞߊ߬ ߛߴߊ߬ߟߎ߬ ߓߙߊߞߣߍ ߡߊ߬߸ ߓߊߘߍ ߞߍ߫ ߘߊ߫ ߦߋ߲߬ ߡߍ߲ ߘߐ߫ ߞߊ߬ߣߌ߲߬، ߣߴߏ߬ ߕߍ߫߸ ߊ߬ ߕߎ߲߬ ߝߐ߫ ߘߊ߫ ߞߏ߫ ߊ߬ ߓߊߘߍ ߞߍߕߐ߫ ߞߎߡߊߞߍߓߏ߲ ߠߋ߬ ߟߊ߫߸ ߓߊ߬ߙߌ߬ ߞߵߊ߬ ߓߍ߲߬ ߟߊ߬ߞߊ߲߬ߘߊ߬ߟߌ ߕߊ߫ ߝߊ߲߭ ߡߊ߬߸ ߊ߬ ߟߊߦߟߍ߬ߡߊ߲߬ ߘߊ߫ ߓߙߊߞߣߍ ߘߐ߫.
ߕߐ߲ߓߟߏߡߊ ߟߎ߬ ߓߊ߲ ߞߐ ߕߊ߬ߘߌ߬ߓߊ߬ߕߊߘߌߓߊ ߘߏ߲߬ ߠߊ߫ ߖߊ߬ߡߊ ߘߐ߫߸ ߡߊ߲߬ߞߊ߲ ߡߊߛߎߡߊ߫ ߘߊ߫ ߞߐ ߟߊ߫، ߏ߬ ߞߍ߸ ߞߊ߲ߕߌ߮ ߥߟߌߦߊߡ ߙߎߕߏ߫߸ ߊ߬ ߣߌ߫ ߖߡߊ߬ߣߊ ߡߐ߰ߓߊ ߡߍ߲ ߠ߬ߎ ߕߍ߬ߘߍ߫ ߦߋ߲߬߸ ߏ߬ ߟߎ߫ ߕߊ߬ߡߌ߲߬ ߘߊ߫ ߝߎ߬ߙߋ ߝߍ߬ ߞߵߊ߬ߟߎ߬ ߟߊ߫ ߕߌ߲ߞߌ ߟߎ߬ ߞߍ߫.
ߞߋߣߌߦߞߊ ߛߌߦߊߡߊ߲߫ ߠߊ߫ ߖߊ߬ߕߋ߬ ߘߐ߫߸ ߏߘߌ߲ߜ߭ߊ߫ ߞߍ߫ ߘߊ߫ ߖߡߊ߬ߣߊ ߣߌ߲߬ ߡߐ߰ߘߐ߬ߜߍ ߟߋ߬ ߘߌ߫ ߓߘߍ߬ߓߘߍ߬ߟߌ ߡߊ߬ߘߎ߮ ߘߐ߫، ߊ߬ߟߎ߫ ߕߍ߬ߘߍ߫ ߊ߬ߟߋ ߟߋ߬ ߞߟߌ߫ ߟߊ߫ ߞߏ߫ <<ߓߊߓߊ߬>> ߊ߬ ߕߍ߬ߘߍ߫ ߖߡߊ߬ߣߊ߬ߘߋ߲ ߠߎ߫ ߖߌ߱ ߟߋ߬ ߘߌ߫߸ ߊ߬ ߟߊ߫ ߕߡߌߣߊ߲ߘߌߦߊ߸ ߊ߬ ߟߊ߫ ߝߛߊ߬ߒ߬ߞߏ߬ߡߊ߬ߦߊ߸ ߊ߬ ߟߊ߫ ߛߍ߬ߘߏ߲ ߞߙߎߞߊ߫ ߥߙߍߦߊ ߡߙߌߦߊ ߓߊ߲ߓߊ߲ ߘߐ߫ ߓߍ߯ߦߊ ߞߣߐ߫، ߥߊߟߌߥߊߟߌ߫ ߓߏߙߌߟߊ ߘߏ߫ ߡߊߢߌ߬ߣߌ߲߬ߞߊ߬ߣߍ߲߸ ߏ߬ ߞߵߊ߬ ߦߌ߬ߘߊ߬ ߞߏ߫ <<ߓߌ߬߸ ߊ߲ ߓߘߊ߫ ߞߍ߫ ߝߊߙߌߕߊߣߍ߲ ߘߌ߫ ߓߌ߬، ߊ߬ߟߋ ߟߋ߬ ߕߘߍ߬ ߊ߲ ߝߊ߬ ߘߌ߫.>> ߏ߬ ߦߴߏ߬ ߝߐ ߞߊ߲߬߸ ߢߊߖߌ ߦߴߊ߬ ߢߊߘߎ߮ ߘߐ߫، ߘߏ߫ ߟߎ߫ ߖߍ߬ߘߍ ߞߵߊ߬ ߝߐ߫ ߟߋ߬ ߞߏ߫ ߝߏ߫ ߊ߬ߟߎ߬ ߢߊ ߟߋ߬ ߓߊ߯ ߟߊ߫ ߝߎ߬ߙߋ ߞߊ߲߬ ߕߘߋ߫، ߕߌ߲߬ߓߟߎ ߕߍ߬ߘߍ߫ ߡߐ߰ ߛߌߦߊߡߊ߲߫ ߓߟߏ߫ ߦߋ߲߬߸ ߏ߬ ߡߍ߲ ߦߋ߫ ߏߘߌ߲ߜ߭ߊ߫ ߓߐ߫ ߦߙߐ ߡߐ߱ ߟߎ߬ ߟߊ߫ ߟߊ߲߬ߘߊ ߘߏ߫ ߘߌ߫ ߞߊ߬ߣߌ߲߬.
ߊ߬ ߛߎ߬ߞߏ߬ߦߊ߫ ߝߊ߬ߛߏ߬ߟߊ߬ߞߊ ߓߘߊ߫ ߟߐ߯ߟߊ߫ ߞߵߊ߬ ߕߏ߫ ߛߌ߬ߣߌ߲߬ߟߏ߲߫ ߣߊ߬ߕߐ ߟߊ߫߸ ߒߦߊߦߏ߫ ߓߙߊߞߣߍ ߘߐ߫߸ ߣߊߦߌߙߏߓߌ߫، ߏ߬ ߟߋ ߞߐߝߍ߬߸ ߊ߬ ߓߊߘߍ߫ ߟߊߓߊ߲ ߓߍߣߊ߬ ߞߍ߫ ߞߍ߲ߘߍߟߏ߲ ߡߊ߬ ߞߌߛߡߎ߫߸ ߊ߬ ߝߊ߬ ߓߘߊ ߦߋ߫ ߦߋ߲߬ ߡߍ߲ ߘߌ߫ ߞߋߣߌߦߊ߫ ߞߣߐ߫ ߦߋ߲߬ ߞߊ߬ߣߌ߲߬، ߊ߬ ߘߌ߫ ߕߊ߬ ߦߋ߲߬ ߝߣߊ߫ ߞߊ߬ ߥߴߊ߬ ߘߌ߫ ߓߏ߲ߘߏ߫߸ ߊ߬ ߟߊ߫ ߡߐ߱ ߟߎ߬ ߟߊ߫ ߦߙߐߓߊ ߘߏ߫ ߟߋ߬ ߦߴߏ߬ ߘߌ߫߸ ߊ߬ ߛߎ߭ ߘߏ߲߬ߕߐ߫ ߦߋ߲߬ ߠߋ߬ ߡߎ߬ߕߎ߲߬ ߛߊ߫، ߊ߬ ߞߍ߲ߘߍ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ ߛߎ߭ ߞߊߣߊ߬ ߟߊߡߍ߲߫ ߓߟߏߟߊ߫، ߏ߬ ߟߋ ߞߏߛߐ߲߬߸ ߊ߬ ߛߎ߬ߞߏ߬ߦߊ ߟߞߊߟߌߦߊߕߐ߫ ߣߌ߲߬ ߢߊ ߞߵߊ߬ ߓߍ߲߬ ߕߎ߬ߡߊ߬ߙߋ߲߬ ߇߂ ߡߊ߬.
ߏߘߌ߲ߜ߭ߊ߫ ߕߏ߫ ߘߊ߫ ߡߊ߬ߕߊ߰ߡߊ߬ߟߌ ߟߋ߬ ߟߊ߫ ߤߌ߲ߘߌ߬߸ ߊ߬ ߓߋ߬ ߘߊ߫߸ ߝߊߦߌߘߊ߫ ߏ߬ ߟߋ ߞߍߣߴߊ߬ ߟߊ߫ ߛߊ߬ߦߊ ߘߌ߫، ߊ߬ ߦߋ߫ ߞߋߣߌߦߊ߫ ߓߘߍ߬ߓߘߍ߬ߟߌ ߡߐ߰ߓߊ ߘߏ߫ ߟߋ߬ ߘߌ߫߸ ߡߍ߲ ߞߵߊ߬ ߕߐ߮ ߕߏ߫ ߢߣߊߕߊߟߌ ߛߍ߬ߘߏ߲ ߠߎ߬ ߘߐ߫߸ ߞߕߌ߫ ߞߏ߫ ߛߌߦߊߡߊ߲߫ ߛߌ߰ ߘߊ߫ ߛߋ߲߬ߠߊ߫߸ ߛߊ߫ ߞߏ ߟߎ߬ ߥߊ߫ ߢߊ ߟߋ߬ ߘߌ߫ ߡߊߝߊ߬ߟߋ߲߫ ߖߡߊ߬ߣߊ ߢߣߊߕߊߟߌ߫ ߞߏ ߘߐ߫ ߘߍ߯.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
