ߜ߭ߊ߯ߖ߭ߊ߬ ߣߊ߬ߒ߬ߕߊ߲ ߠߎ߬ ߡߊߞߊ߲ߞߊ߲ߘߊ ߣߌ߫ ߘߊ߲ߘߊߛߏ߫ ߛߌߦߊߡߊ߲߫ ߓߘߴߊ߬ ߦߌ߬ߘߊ߬ ߞߏ߫ ߌߛߌ߬ߙߊ߬ߌߟߊ߫ ߣߐ߬ ߥߊ߬ߟߏ߲߬ߠߌ߲߬ ߛߌߦߊߡߊ߲߫ ߠߋ߬ ߞߍ߫ ߟߊ߫ ߢߐ߲߮ ߞߐ߫ ߊ߬ߟߎ߬ ߟߊ߫ ߘߎ߰ߞߣߍ ߞߊ߲߬ ߞߊ߬ ߡߐ߰ ߄߅ ߢߐ߲߰ ߓߐ߬ߣߐ߫ ߊ߬ ߣߌ ߘߐ߫ ߓߌ߬ ߞߊ߯ߙߌ ߣߌ߲߬ ߡߊ߬߸ ߞߊ߬ ߘߏ߫ ߝߊ߬ߙߊ߫ ߡߐ߰ ߃߃ ߝߊ߰ߣߍ߲߬ ߝߟߐ ߟߎ߫ ߞߊ߲߬ ߞߊ߬ߣߌ߲߬.
ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߣߐ߬ ߤߡߊߛߌ߬ ߟߊ߫ ߦߙߐ߫ ߘߏ߫ ߟߎ߫ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫ ߟߊ߫ ߜ߭ߊ߯ߖ߭ߊ߬ ߞߣߐ߫ ߓߌ߬، ߓߊߏ߬߸ ߌߛߌ߬ߙߊ߬ߌߟߊ߫ ߣߌ߫ ߤߡߊߛߌ߬ ߦߋ߫ ߢߐ߲߯ ߡߊߝߌ߲ ߠߋ߬ ߟߊ߫߸ ߞߏ߫ ߊ߬ߟߎ߬ ߕߍ߫ ߞߟߍ߬ߟߊ߬ߟߐ ߛߊ߬ߙߌ߬ߦߊ ߡߊߓߏ߲߬ߧߊ߬ ߟߊ߫߸ ߏ߬ ߡߍ߲ ߞߍߟߌ ߕߋ߬ߟߋ߫ ߞߐ߬ߣߐ߲߬ߘߐ ߦߋ߫ ߕߋ߲߬ ߞߊ߬ߣߌ߲߬߸ ߣߌ߫ ߊߡߙߌߞߌ߬ ߞߊ߲ߕߌ߯ ߘߏߣߊߟ ߕߑߙߐ߲ߔ ߞߵߊ߬ ߛߋߞߏ ߞߍ߫ ߊ߬ ߞߏ ߘߐ߫ ߞߏߛߓߍ߫.
ߡߊ߬ߡߎ߬ߘ ߓߊߛߛߊߟ ߡߍ߲ ߦߋ߫ ߣߊ߲߬ߒ߬ߕߊ߲ ߠߎ߬ ߡߊߞߊ߲ߞߊ߲ߘߊ ߓߋߟߋ߲ߕߌ߮ ߘߌ߫ ߜ߭ߊ߯ߖ߭ߊ߬ ߞߣߐ߫߸ ߏ߬ ߞߵߊ߬ ߟߊߛߋ߫ ߞߏ߫: <<ߡߐ߰ ߄߅ ߢߐ߲߰ ߠߋ߬ ߓߣߐ߬ߣߴߊ߬ ߣߌ ߘߐ߫ ߌߛߌ߬ߙߊ߬ߌߟߊ߫ ߟߊ߫ ߛߊ߲ߡߊ߫ ߥߊߟߏ߲ߠߌ߲ ߘߏ߫ ߞߐ ߘߐ߫ ߜ߭ߊ߫ߖ߭ߊ߬ ߘߌ߲߬ߞߌ߬ߙߊ߬ ߘߊ߲ߘߐ߫ ߞߣߐ߫>> ߡߍ ߣߐ߬ ߞߎߡߊ ߣߌ߲߬ ߝߐ߫ ߟߊ߫߸ ߏ߬ ߟߎ߫ ߟߋ߬ ߕߊ߯ ߘߊ߫ ߡߞߊ߬ߘߊ߲߬ߠߌ߲߬ ߘߊߞߎ߲ ߘߐ߫ ߤߡߊߛߌ߬ ߝߊ߰ߡߊ ߟߎ߬ ߕߐ߯ ߘߐ߫ ߦߋ߲߬.
ߘߊ߲ߘߊߛߏ߫ ߣߊ߯ߣߌ߲߫ ߢߐ߲߰ ߞߊ߬ ߝߊ߰ߟߌ߬ ߞߏ ߣߌ߲߬ ߠߊߛߙߋߦߊ߫߸ ߞߏ߫ ߛߎ߭ ߟߎ߬ ߣߌ߫ ߡߊ߬ߘߌ߬ߡߌ߲߬ߓߊ߰ߕߐ ߟߎ߬ ߛߋ߫ ߘߴߊ߬ߟߎ߫ ߝߍ߬ ߦߋ߲߬ ߝߛߊߦߌ߫.
ߣߴߌ ߞߊ߬ ߊ߬ߟߑߥߊ߯ߌ߬ߘߊ߬ ߘߊ߲ߘߊߛߏ ߕߊ߬ ߣߎߛߋߦߌߙߊ߫ ߘߎ߱ ߞߣߐ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߎ߭ ߂߄ ߣߌ߫ ߖߐߞߌߓߊ߯ߕߐ߫ ߇߃ ߟߋ߬ ߛߋ߫ ߘߴߊ߬ߟߎ ߝߍ߬ ߦߋ߲߬߸ ߥߊ߬ߟߏ߲߬ߠߌ߲߬ ߛߌߦߊߡߊ߲ ߞߐߝߍ߬ ߜ߭ߊ߯ߖ߭ߊ߬ ߞߣߐ߫ ߦߋ߲߬ ߞߊ߬ߣߌ߲߬.
ߣߴߌ ߘߏ߲߬ ߞߊ߬ ߊ߬ߟߑߊߞߑߛߊ߬ ߘߊ߲ߘߊߛߏ ߡߊߝߟߍ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߎ߬ ߁߂ ߟߋ߬ ߛߋ߫ ߘߴߊ߬ߟߎ ߝߍ߬ ߦߋ߲߬߸ ߡߍ߲ ߠߎ߬ ߓߐ߫ ߘߴߊ߬ߟߎ߬ ߟߊߡߌߣߌ߲ ߘߐ߫ ߌߞߘߐ߫߸ ߝߏߘߏ߲ߠߌ߲ ߡߍ߲ ߠߎ߬ ߞߍ߫ ߘߴߊ߬ߟߎ߬ ߘߊߝߍ߬ ߦߋ߲߬ ߞߊ߬ߣߌ߲߬، ߞߵߊ߬ ߛߐ߬ߘߐ߲߬ ߕߎ߬ߡߊ߬ߣߍ߲߬ ߞߋߟߋ߲ ߏ߬ ߝߣߊ߫ ߟߊ߫߸ ߣߊߛߍߙ ߘߊ߲ߘߊߛߏ ߡߍ߲ ߦߋ߫ ߞߊ߲ߣ ߦߎ߬ߣߍߛ߸ ߏ߬ ߟߎ߫ ߞߵߊ߬ ߦߌ߬ߘߊ߬ ߛߎ߬ ߟߏ߯ߟߎ߫ ߛߋ߫ ߘߴߊ߬ߟߎ߫ ߝߍ߬ ߦߋ߲߬، ߊ߬ߟ ߛ߭ߌ߯ߝߊ߬ ߘߊ߲ߘߊߛߏ ߡߍ߲ ߝߣߊ߫ ߦߋ߫ ߜ߭ߊ߯ߖ߭ߊ߬ ߘߎ߱ ߖߍ߬ߘߍ ߞߣߐ߫߸ ߏ߬ ߞߊ߬ ߡߐ߰ ߣߊ߯ߣߌ߲߫ ߠߋ߬ ߝߊ߰ ߞߏ ߝߐ߫߸ ߡߍ߲ ߠߎ߬ ߛߎ߭ ߛߋ߫ ߘߴߊ߬ߟߎ߫ ߡߊ߬ ߦߋ߲߬.
ߓߊߛߛߊߟ ߣߐ߬ ߥߊ߬ߟߏ߲߬ߠߌ߲߬ ߛߌߦߊߡߊ߲߫ ߠߋ߬ ߞߏߝߐ߫ ߟߊ߫، ߝߏ߫ ߊ߬ߟߎ߫ ߖߍ߬ߘߍ ߞߵߊ߬ ߦߌ߬ߘߊ߬ ߞߏ߫ ߡߐ߰ ߥߐ߯ߙߐ߫ ߟߋ߬ ߝߊ߰ ߘߊ߫ ߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߘߏ߫ ߖ߭ߎ߬ߥߊߦߌߘߊ߬ ߞߣߐ߫߸ ߞߊ߬ <<ߣߊ߲߬ߒ߬ߕߊ߲߬ ߛߌߦߊߡߊ߲߫>> ߛߎߡߊ߲߫ ߖߐ߲ߖߐ߲ ߞߍ߫ ߦߋ߲߬ ߜ߭ߊ߯ߖ߭ߊ߬ ߛߏ߫ ߕߍߡߊ߬.
ߡߐ߰ ߥߐ߯ߙߐ߫ ߜߘߍ߫ ߝߣߊ߫ ߝߊ߰ ߞߏ ߝߐ߫ ߘߊ߫߸ ߘߋ߲ߣߍ߲ ߘߏ߫ ߟߎ߫ ߦߋ߫ ߡߍ߲ ߘߐ߫߸ ߊ߬ ߣߌ߫ ߞߊ߬ ߡߐ߰ ߁߃ ߖߐߞߌ߫، ߏ߬ ߟߎ߬ ߞߍ߫ ߘߊ߫ ߥߊ߬ߟߏ߲߬ߠߌ߲߫ ߝߌ߬ߟߊ߫ ߟߋ߬ ߘߐ߫ ߣߎߛߋߦߌߙߊ߫߸ ߊ߬ ߣߌ߫ ߜ߭ߊ߯ߖ߭ߊ߬ ߛߏ߫ ߕߍߡߊ߬.
ߡߛߏ߬ ߞߋߟߋ߲߫ ߣߌ߫ ߘߋ߲ߣߍ߲߫ ߝߌ߬ߟߊ߫ ߟߋ߬ ߝߣߊ߫ ߝߊ߰ ߘߊ߫ ߞߎߟߎ߲ߞߎߟߎ߲ ߠߊ߫ ߥߊ߬ߟߏ߲߬ߠߌ߲ ߘߏ߫ ߘߐ߫߸ ߝߎ߲ߘߌߓߊ߯ߕߐ ߟߎ߬ ߡߊߞߍ߫ ߦߌߟߊ ߘߏ߫ ߘߐ߫ ߊߛߑߘߊ߯ ߘߎ߱ ߡߊߜߍ߲ ߘߐ߫߸ ߞߊ߲ߣ ߦߎߣߍߛ ߞߐ߰ߘߎ߮ ߘߐ߫.
ߡߐ߰ ߝߌ߬ߟߊ߬ ߝߣߊ߫߸ ߝߐ߰ߓߍ߬ߦߟߊ߬ ߞߋߟߋ߲߫ ߦߴߏ߬ ߘߐ߫߸ ߏ߬ ߟߎ߬ ߖߐߞߌ߫ ߘߊ߫ ߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߘߏ߫ ߟߋ߬ ߘߐ߫ ߖ߭ߎ߬ߥߊߦߌߘߊ߬ ߘߎ߱ ߡߊߜߍ߲ ߘߐ߫ ߕߟߋ߬ߓߋ߬ ߝߊ߲ ߝߍ߬߸ ߜ߭ߊ߯ߖ߭ߊ߬ ߕߊ߲ߓߊ߲ ߘߐ߫.
ߊ߬ ߘߊ߲߬ ߕߴߏ߬ ߘߌ߫ ߘߋ߬߸ ߡߐ߰ ߝߌ߬ߟߊ߬ ߝߣߊ߫ ߝߊ߰ ߘߊ߫ ߞߊ߬ ߓߊ߲߫ ߞߊ߬ ߛߌߦߊߡߊ߲߫ ߖߐߞߌ߫ ߌߛߌ߬ߙߊ߬ߌߟߊ߫ ߟߊ߫ ߥߊ߬ߟߏ߲߬ߠߌ߲ ߘߏ߫ ߘߐ߫ ߊ߬ߟ ߊߤߑߟߌ߬ ߘߌ߲߬ߞߌߙߊ ߘߐ߫ ߣߎߛߋߦߌߙߊ߫߸ ߣߌ߲߬ ߓߍ߯ ߝߐ߫ ߘߊ߫ ߓߊߛߛߊߟ ߟߋ߬ ߓߟߏ߫.
ߡߐ߰ ߝߌ߬ߟߊ߬ ߝߣߊ߫ ߝߊ߰ ߘߊ߫ ߥߊ߬ߟߏ߲߬ߠߌ߲ ߘߏ߫ ߘߐ߫ ߖߊߓߊ߬ߟߌ߬ߦߊ߬، ߝߊߦߌߘߊ߫ ߞߵߊ߬ ߕߊ߬ ߞߎߣߎ߲߬ ߡߊ߬ ߤߊ߲߯ ߕߋ߲߬߸ ߊ߬ߟߎ߬ ߦߋ߫ ߥߊ߬ߟߏ߲߬ߠߌ߲ ߞߊ߲߬ ߊ߬ ߢߊ ߡߊ߬، ߓߊߏ߬߸ ߊ߬ߟߎ߫ ߞߊ߬ ߡߐ߰ ߞߋߟߋ߲߫ ߝߣߊ߫ ߝߊ߰ ߓߏ߲ߓߊ ߘߏ߫ ߟߊ߫ ߜ߭ߊ߯ߖ߭ߊ߬ ߕߟߋ߬ߓߋ ߘߐ߫، ߏ߬ ߕߐ߭ ߘߏ߫ ߟߎ߫ ߖߍ߬ߘߍ ߝߊ߰ ߘߊ߫ ߓߌ߬ ߞߊ߯ߙߌ ߢߌ߲߬ ߠߋ߬ ߡߊ߬، ߏ߬ ߓߍ߯ ߝߐ߫ ߘߊ߫ ߓߊߛߛߊߟ ߟߋ߬ ߓߟߏ߫.
ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߫ ߞߏ߬ߣߌ߲ ߞߊ߲߫߸ ߞߏ߫ ߞߟߍ߬ߟߊ߬ߟߐ ߕߴߛߋ߫ ߞߍ߫ ߟߊ߫ ߝߊ߲߬ ߞߋߟߋ߲߸ ߝߊ߲߬ ߘߐ ߦߴߊ߬ ߓߊ߲߬، ߓߊߏ߬߸ ߞߏ߫ ߤߡߊߛߌ߬ ߓߘߊ߫ ߞߟߍ߬ߟߊ߬ߟߐ ߓߍ߲߬ߞߊ߲ ߕߌߢߍ߫ ߛߋ߲߬ߢߊ߬ ߛߌߦߊߡߊ߲߫ ߠߋ߬، ߣߴߌ ߞߵߊ߬ ߡߊߝߟߍ߫߸ ߞߏ߫ ߊ߬ ߝߐ ߡߍ߲ ߞߍ߫ ߘߊ߫ ߞߏ߫ ߞߊ߬ ߕߏ߬ߟߌ߬ߡߊߛߌ߰ߣߍ߲߫ ߡߐ߰ ߄߈ ߟߊߛߊ߬ߦߌ߲߫ ߕߎ߬ߡߊ߬ߙߋ߲߬ ߇߂ ߞߘߐ߫߸ ߊ߬ߟߎ߬ ߡߊ߫ ߛߐ߲߬ ߏ߬ ߓߐ߫ ߟߴߊ߬ ߛߌߟߊ ߝߍ߬ ߤߊ߲߯ ߕߋ߲߬، ߊ߬ ߣߌ߫ ߝߣߊ߫߸ ߊ߬ ߝߐ ߡߍ߲ ߞߍ߫ ߘߊ߫ ߞߏ߫ ߤߡߊߛߌ߬ ߦߋ߫ ߡߙߊ߬ߒ߬ߡߊ߬ߟߌ ߓߍ߯ ߟߊߟߐ߬ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߞߊ߲ߡߊ߬ ߞߍ߬ߙߍ߲߬ߘߍ߬ ߛߊߦߌߡߊ ߟߊ߫، ߊ߬ߟߎ߬ ߡߴߏ߬ ߓߐ߫ ߊ߬ ߛߌߟߊ ߝߍ߬، ߊ߬ ߝߐ ߡߍ߲ ߞߍ߫ ߘߊ߫ ߝߣߊ߫ ߞߏ߫ ߊ߬ߟߎ߬ ߦߋ߫ ߡߙߊ߬ߒ߬ߡߊ߬ߝߋ߲ ߓߌ߬ߟߊ߬߸ ߞߊ߬ ߝߘߊ߫ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߡߊߛߌߟߊ߲߫ ߠߊ߫߸ ߊ߬ߟߎ߬ ߡߴߏ߬ ߝߣߊ߫ ߞߍ߫، ߏ߬ ߘߐ߫߸ ߞߏ߫ ߡߐ߰ ߞߊߣߵߊ߬ ߦߟߌߛߌ߰ ߞߟߍ߬ߟߊ߬ߟߐ߬ ߞߏ ߟߊ߫ ߘߋ߬߸ ߣߴߏ߬ ߟߎ߬ ߡߊ߫ ߞߍ߫ ߦߏ߫ ߊ߬ ߝߐߣߍ߲߫ ߢߊ ߡߍ߲ ߡߊ߬، ߊ߬ߟߎ߫ ߞߏ߬ߣߌ߲ ߞߵߊ߬ ߦߌ߬ߘߊ߫ ߓߌ߬ ߞߊ߯ߙߌ ߢߌ߲߬ ߕߐ߬ ߟߊ߬ߓߊ߲ ߘߐ߫߸ ߞߏ߫ ߊ߬ߟߎ߬ ߓߘߊ߫ ߛߐ߲߬ ߞߟߍ߬ߟߊ߬ߟߐ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
