ߞߊ߲ߕߌ߯ ߓߐߕߊ ߔߏߟ ߓߌߦߊ߫ ߓߘߊ߫ ߘߊ߬ߘߌ߬ߟߌ ߞߍ߫ %߅߃،߆߆ ߢߐ߲߰ ߠߊ߫߸ ߞߵߊ߬ ߓߍ߲߬ ߖߊ߬ߕߋ߫ ߞߎ߲߬ߝߟߐ߬ ߟߊߓߐߣߍ߲ ߠߎ߬ ߡߊ߬، ߊ߬ ߟߊ߫ ߛߎߘߊ߲ߠߌ߲ ߏ߬ ߡߍ߲ ߢߊ߱ ߓߘߊ߫ ߛߌߦߊߦߊ߫ ߝߊ߲߬ߞߊߛߌ߬ߣߊ ߟߎ߬ ߓߟߏ߫߸ ߊ߬ߟߎ߫ ߓߍ߲߬ߣߍ߲߬ ߕߴߊ߬ ߡߊ߬ ߢߊ ߺ ߊ ߺ ߢߊ߫ ߟߋ߬ ߡߊ߬، ߊ߬ ߞߏ߬ߣߌ߲߸ ߛߌ߰ߞߊ߲߬ ߞߕߌߖߌ߲ ߠߋ߬ ߟߊ߫ ߞߐߝߟߌ߫ ߓߊ߲ߝߟߍ߬ߟߍ ߡߊߞߐ߬ߣߐ߲ ߦߴߌߘߐ߫ ߡߎ߬ߕߎ߲߬.
ߔߏߟ ߓߌߦߊ߫ ߡߍ߲ ߦߟߍ߬ߘߐ߬ߞߍ߬ ߣߊ߯ߣߌ߲ ߦߋ߫ ߝߊ߲߬ߞߊ ߟߊ߫ ߕߋ߲߬߸ ߏ߬ ߟߋ ߦߋ߫ ߢߍ ߘߐ߫ ߂߀߂߅ ߞߏ߲ߓߌߕߌ߮ ߕߟߋ߬ ߁߂ ߞߊ߲ߕߌ߯ ߢߣߊߕߊߟߌ ߖߋ߬ߓߌ߬ ߟߊߓߐߣߍ߲ ߠߎ߬ ߟߊ߫ ߦߌ߬ߘߊ߬ߟߌ߬ ߘߐ߫ ߡߎߣߎ߲߬ ߞߊ߬ߣߌ߲߬߸ ߏ߬ ߡߍ߲ ߝߐ߫ ߘߊ߫ ߢߣߊߕߊߟߌ ߝߘߏ߬ߓߊ߬ ߛߙߍߘߍߦߊߟߌ ߥߛߊ߬ߓߊ߰ߦߊ߫ ߝߊ߬ߛߏ߬ߟߊ߬ߞߊ ߓߟߏ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬. ߞߊߡߋߙߎߣ ߡߌ߬ߙߌ߲߬ߘߌ ߟߊ߫ ߓߍ߯ߦߊ ߟߊ߬ߘߍ ߡߊ߬ߡߌ߬ߘߊ߬ߟߌ߬ߟߊ ߔߏߟ ߓߌߦߊ߫ ߣߐ߬ %߅߃،߆߆ ߟߋ߬ ߛߐ߬ߘߐ߲߬ ߠߊ߫߸ ߞߊ߬ ߥߎߟߊ߫ ߘߏ߲߬ ߊ߬ ߣߌ߫ ߌߛߊ߫ ߗߌ߬ߙߏ߬ߡߊ߬ ߕߍ߫߸ ߏ߬ ߡߍ߲ ߣߐ߬ %߃߅،߁߉ ߛߐ߬ߘߐ߲߬ ߠߊ߫ ߞߊ߬ߣߌ߲߬߸ ߌߛߊ߫ ߞߐߡߊߓߌ߲ߓߌ߲ߣߍ߲߫ ߂߀߂߅ ߞߏߘߐߦߟߍߡߊ߲ ߞߋ߬ߟߋ߲߬ߧߊ ߟߋ߬ ߓߟߏ߫.
ߊ߬ߟߎ ߞߐߝߍ߬߸ ߞߊߓߙߊߟ ߟߊߓߌ߯߸ ߏ߬ ߞߊ߬ %߃،߄߁ ߠߋ߬ ߡߊߕߍ߬߸ ߓߋߟߏ߫ ߓߎߓߊ߬ ߡߊߦߌߜ߭ߊߙߌ߫ ߞߊ߬ %߂،߄߅ ߛߐ߬ߘߐ߲߬، ߏ߬ ߟߎ߬ ߦߋ߫ ߞߊߡߋߙߎߣ ߞߊ߬ߝߏ߬ ߅߈ ߠߊ߫ ߢߣߊߕߊߟߌ߫ ߛߓߍ ߟߎ߫ ߝߙߊ߬ߣߍ߲ ߠߋ߬ ߘߌ߫ ߢߐ߲߮ ߞߊ߲߬، ߏ߬ ߟߎ߫ ߟߋ߬ ߕߊ߬ߕߐ߫ ߛߍߣߍ߲߬ ߞߊ߬ ߥߴߊ߬߬ ߟߊ߫ ߛߌ߰ߞߊ߲߬ ߞߕߌߖߌ߲ ߞߘߐ߫߸ ߏ߬ ߦߴߊ߬ ߟߊߘߌ߬ߢߍ߬ ߞߊ߬ ߖߋ߬ߓߌ ߓߊ߲ߝߟߍ߬ߟߍ ߟߊߓߐ߫، ߊ߬ ߓߘߊ߫ ߦߌ߬ߘߊ߬ ߞߏ߫ ߛߌ߰ߞߊ߲߬ ߞߕߌߖߌ߲ ߏ߬ ߓߍߣߊ߬ ߞߐߝߟߌ߫ ߓߊ߲ߝߟߍ߬ߟߍ ߏ߬ ߟߊߓߐ߫ ߓߌߟߏ߲߫ ߣߊ߬ߕߐ ߡߊ߬߸ ߡߊ߬ߝߟߍ߬ߟߌ ߓߍ߯ ߞߐߝߍ߬.
ߓߊ߬ߙߌ߬߸ ߖߋ߬ߓߌ߫ ߘߍ߲߬ߞߍ߬ߣߎ߬ߣߍ߲ ߢߌ߲߬ ߠߎ߬ ߟߊߓߐ߫ ߘߊ߫ ߟߋ߬߸ ߞߵߊ߬ ߛߐ߬ߘߐ߲߬ ߓߌ߬ߡߊ߫ ߞߎߡߊ ߓߌ߬ߟߴߊ߬ ߞߏ ߖߌߟߊ߫، ߓߊߏ߬߸ ߂߀߂߅ ߞߏߘߐߦߟߍߡߊ߲ ߞߋ߬ߟߋ߲߬ߧߊ ߦߋ߫ ߌߛߊ߫ ߗߌ߬ߙߏ߬ߡߊ߬ ߡߍ߲ ߞߐߡߊߓߌ߲ߓߌ߲߫ ߠߊ߫߸ ߏ߬ ߟߎ߬ ߞߊ߲߫ ߞߏ߫ ߕߎ߬ߢߊ ߦߋ߫ ߡߍ߲ ߘߌ߫߸ ߖߋߘߌ߫ ߡߊ߫ ߛߎߘߊ߲߫߸ ߡߙߐ߬ ߡߊ߫ ߛߎߘߊ߲߫߸ ߌߛߊ߫ ߗߌ߬ߙߏ߬ߡߊ߫ ߟߋ߬ ߟߋ߬ ߛߎߘߊ߲ߓߊ߮ ߘߌ߫، ߊ߬ߟߎ߫ ߞߵߊ߬ ߦߌ߬ߘߊ߫ ߟߋ߬ ߖߍ߬ߘߍ߸ ߞߏ߫ ߌߛߊ߫ ߗߌ߬ߙߏ߬ߡߊ߫ ߞߊ߬ <<%߆߀>> ߟߋ߬ ߛߐ߬ߘߐ߲߬ ߝߛߊߦߌ߫، ߊ߬ߟߎ߬ ߞߊ߲߫ ߝߣߊ߫߸ ߞߏ߫ <<ߞߏߢߊ߯ߡߌ߲ ߡߍ߲ ߠߎ߬ ߜߘߌߛߌ߰ߣߍ߲߫>> ߞߏ߫ ߊ߬ߟߎ߬ ߦߴߏ߬ ߓߍ߯ ߞߊ߬ߟߊߡߊ߬߸ ߊ߬ߟߎ߫ ߘߏ߲߬ ߓߘߊ߫ ߥߛߊ߬ߓߊ߰ߦߊ ߡߊߝߌ߲߬ ߞߊߕߌ߫߸ ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߏ߫ ߘߐߞߙߎ ߡߊ߬߸ ߛߊ߫ ߔߏߟ ߓߌߦߊ߫ ߣߴߊ߬ ߟߊ߫ ߡߐ߱ ߟߎ߬ ߘߌ߫ ߕߏ߫ ߝߊ߲߬ߞߊ ߟߊ߫ ߢߊ ߡߍ߲ ߡߊ߬. ߏ߬ ߟߋ ߘߐ߫߸ ߊ߬ߟߎ߬ ߞߊ߲߫ ߞߏ߫ <<ߛߌ߰ߞߊ߲߬ ߞߕߌߖߌ߲ ߦߴߊ߬ ߞߊߘߊ߲߫ ߞߊ߬ ߕߎ߬ߢߊ ߟߊߓߐ߫߸ ߕߎ߬ߢߊ ߡߍ߲ ߠߎ߬ ߓߌ߬ߟߊ߬ ߘߊ߫ ߢߣߊߕߊߟߌ߫ ߞߏ߲ߘߏ ߞߣߐ߫.>> ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߘߎߢߊ߫ ߓߍ߯ ߦߋ߫ ߞߍ߫ ߊ߬ߟߎ߬ ߛߙߋ߫ ߘߌ߫ ߣߌ߲߬ ߞߏ ߘߐ߫߸ ߞߏ߫ ߊ߬ ߦߋ߫ ߞߍ߫ ߓߍ߯ ߢߣߊ߫.
ߕߋ߲߭ߕߋ߲߭ ߣߌ߲߬ ߘߐ߫߸ ߡߊ߬ߡߌ߬ߘߊ߬ߟߌ߬ߟߊ߬ ߛߌ߫ ߡߊ߫ ߡߞߊ߬ߛߟߌ߬ ߟߊߘߏ߲߬ ߛߌ߬ߞߊ߲߬ ߞߕߌߖߌ߲ ߠߊ߫ ߡߎߣߎ߲߬ ߞߵߊ߬ ߓߍ߲߬ ߡߊ߬ߛߐ߬ߛߐ߬ߟߌ ߘߏ߫ ߡߊ߬، ߖ߭ߏߛߎߥߊ ߏߛߌ߫߸ ߏ߬ ߡߍ߲ ߦߋ߫ ߓߍ߯ߦߊ ߣߌ߫ ߘߍ߭ ߞߟߊߘߊ ߞߐߦߌߘߊ ߘߌ߫߸ ߏ߬ ߕߎ߲߬ ߞߊ߬ ߡߞߊ߬ߛߌ߬ߟߌ ߡߍ߲ ߠߊߘߏ߲߬߸ ߏ߬ ߞߵߏ߬ ߟߊߓߐ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬.
ߢߣߊߕߊߟߌ ߣߌ߲߬ ߞߏ߬ߣߌ߲ ߞߍߣߍ߲߫ ߟߊ߬ߡߊ߮ ߘߝߊߣߍ߲ ߠߋ߬ ߘߐ߫߸ ߛߌߞߊߢߐ߲߯ߡߊ ߘߝߊߣߍ߲ ߘߐ߫߸ ߞߵߏ߬ ߞߎ߲߭ ߞߍ߫ ߓߍ߯ ߦߟߌ ߞߍ ߘߌ߫ ߞߏ߫ ߔߏߟ ߓߌߦߊ߫ ߞߍߕߐ߫ ߟߋ߬ ߝߊ߲߬ߞߊ ߡߊߣߡߊߙߊ߫ ߟߊ߫، ߖߡߊ߬ߣߊ߬ߘߋ߲ ߝߊ߲߬ߓߊ ߘߏ߲߬ ߓߌߣߍ߲߫ ߝߏ߲߬ߘߏ߬ ߞߊ߲߬ ߓߐߟߌ ߟߊ߫߸ ߞߏ߫ ߝߏ߫ ߕߎ߬ߢߊ ߟߋ߬ ߦߋ߫ ߟߊߓߐ߫߸ ߔߏߟ ߓߌߦߊ߫ ߦߋ߫ ߛߐ߲߬ ߊ߬ ߟߊ߫ ߗߌߙߏ߲ ߡߊ߬ ߞߊ߬ ߝߊ߲߬ߞߊ ߓߌ߬ߟߊ߫ ߞߵߊ߬ ߘߌ߫ ߌߛߊ߫ ߗߌ߬ߙߏ߬ߡߊ߫ ߡߊ߬، ߊߟߎ߫ ߞߏ߬ߣߌ߲ ߦߴߊ߬ ߟߐ߲߫ ߞߏ߫ ߌߛߊ߫ ߗߌ߬ߙߏ߬ߡߊ߫ ߣߌ߲߬ ߝߣߊ߫ ߦߋ߫ ߗߍ߬ ߇߆ ߘߏ߫ ߟߋ߬ ߘߌ߫߸ ߛߘߊ ߦߋ߫ ߡߍ߲ ߕߋ߲߬ ߞߏߛߓߍ߫.
ߞߊߡߋߙߎߣ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߯ߘߊ ߓߘߴߊ߬ ߟߊߛߋ߫ ߞߏ߫ ߓߍ߯ ߦߋ߫ ߕߏ߫ ߡߊ߬ߝߊ ߘߐ߫߸ ߤߊ߲߯ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ ߦߋ߫ ߟߊߥߊ߲߬ߞߊ߲߫ ߛߌ߰ߞߊ߲߬ ߞߕߌߖߌ߲ ߓߟߏ߫ ߕߎ߬ߡߊ ߡߍ߲ ߠߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
