ߡߊ߬ߙߐߞߎ߬ ߛߌ߲߬ߝߏ߲߬ߧߊ߬ߟߌ߬ ߘߍ߲ߓߊߟߌ߫ ߞߎ߲߬ߠߊ߬ߛߌ߰ߟߊ߫ ߝߌ߬ߟߊ߬ ߓߘߊ߫ ߡߊ߬ߜߍ߲߬ߠߌ߲߬ ߞߊߟߌߡߊ߲ ߢߌߣߌ߲߫ ߊ߬ߟߎ߬ ߟߊ߫ ߖߡߊ߬ߣߊ ߞߏߟߊߕߍ߮ ߟߎ߬ ߣߌ߫ ߞߐߞߊ߲߫ ߡߐ߮ ߟߎ߫ ߝߍ߬߸ ߖߐ߲߰ߛߊ߫ ߝߙߍ߬ ߘߌ߫ ߢߌߣߌ߲߫ ߞߊ߬ ߕߊ߯ߡߊߘߋ߲߫ ߡߐ߰ ߄߄ ߢߌ߲߬ ߠߎ߬ ߢߌߣߌ߲߫ ߞߵߊ߬ߟߎ߬ ߟߊߓߐ߫ ߢߊ ߡߍ߲ ߡߊ߬߸ ߏ߬ ߟߎ߬ ߡߍ߲ ߠߎ߬ ߣߴߊ߬ߟߎ߬ ߟߊ߫ ߕߊߞߎߟߎ߲ ߝߋ߬ߟߋ߲߬ߝߋ߬ߟߋ߲߬ߣߍ߲߫߸ ߊ߬ ߣߌ߫ ߞߊ߬ ߛߋ߫ ߘߍ߬ߡߍ߲ ߠߊߛߋ߫ ߟߴߊ߬ߟߎ߬ ߞߐߙߍ ߡߊ߬ ߢߊ ߡߍ߲ ߡߊ߬.
ߕߊ߯ߡߊߘߋ߲߫ ߢߊߣߌ߲ߣߍ߲ ߠߎ߬ ߡߊߘߍ߬ߡߍ߲ ߘߍ߬ߞߙߎ ߡߍ߲ ߦߋ߫ ߡߊ߬ߙߐߞߎ߬߸ ߎߖ߭ߑߘߊ߬ ߘߎ߱ ߞߣߐ߫߸ ߊ߬ ߣߌ߫ ߡߊ߬ߙߐߞߎ߬ ߕߊ߯ߡߊߘߋ߲ ߠߎ߬ ߣߌ߫ ߕߊ߯ߡߊߘߐߕߊ߮ ߛߌ߲߬ߝߏ߲߬ߘߊ ߡߍ߲ ߦߋ߫ ߊߜ߭ߊߘߌߙ߸ ߏ߬ ߟߎ߫ ߞߵߊ߬ ߟߊߖߍ߲ߛߍ߲߫ ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߘߍ߬ߒ߬ߡߊ߬ ߟߊ߬ߛߋ߬ߟߌ ߘߏ߫ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߞߍ߫ ߕߊߞߎߟߎ߲ ߘߏ߫ ߝߋ߬ߟߋ߲߬ߝߋ߬ߟߋ߲߬ ߞߏ ߞߊ߬ߟߊߡߊ߬߸ ߕߊ߯ߡߊߘߋ߲߫ ߄߄ ߦߋ߫ ߡߍ߲ ߞߣߐ߫߸ ߡߊ߬ߙߐ߬ߞߎ߬ߞߊ߫ ߂߇ ߦߴߏ߬ ߘߐ߫ (ߡߏ߬ߛߏ߫ ߛߓߊ߬ ߣߌ߫ ߘߋ߲ߣߍ߲߫ ߛߊ߲߬ ߁߁ ߘߏ߫ ߣߌ߫ ߛߊ߲߬ ߁߄ ߘߏ߫)߸ ߞߵߏ߬ ߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߡߐ߰ ߁߇ ߜߘߍ߫ ߞߊ߲߬.
ߊ߬ߟߋ߬ ߘߍ߬ߞߙߎ ߢߌ߲߬ ߠߎ߬ ߟߊ߫ ߝߐߟߌ߫ ߘߐ߫߸ ߕߊߞߎߟߎ߲ ߓߐ߫ ߘߊ߫ ߥߊߘߌ߫ ߟߊߞߑߙߊ߯ ߟߋ߬߸ ߘߊߞߑߟߊ߬ ߘߊߝߍ߬߸ ߏ߬ ߡߍ߲ ߞߍ߫ ߘߊ߫ ߂߀߂߄ ߕߎߟߊߝߌ߲ ߕߋ߬ߟߋ߫ ߂߄ ߡߊ߬ ߝߌ߬ߟߊ߬ߙߋ߲߸ ߞߵߊ߬ ߞߎ߲߬ߛߌ߲߫ ߞߣߊߙߌ߫ ߕߌ߲ ߠߊ߫، ߊ߬ߟߎ߬ ߟߊ߫ ߞߏ ߓߘߊ߫ ߢߊߢߌߣߌ߲߫ ߢߊ߫ ߛߌߦߊߡߊ߲߫ ߡߊ߬߸ ߊ߬ߟߎ߬ ߟߊ߫ ߡߐ߱ ߟߎ߬ ߓߟߏ߫ ߞߛߊߓߑߟߊ߲ߞߊ߫ ߣߌ߫ ߡߌߘߍߟ߸ ߒ߬ߞߊ߬ ߢߊ߫ ߞߋߟߋ߲߫ ߛߌ߫ ߡߊ߫ ߦߴߊ߬ߟߎ߬ ߟߊ߫ ߞߏ ߡߊ߬ ߡߎߣߎ߲߬.
ߊ߬ߟߋ߬ ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߘߐ߫߸ ߘߍ߬ߞߙߎ߫ ߝߌ߬ߟߊ ߢߌ߲߬ ߠߎ߬ ߞߊ߲߫ ߞߏ߫ ߕߊߞߎߟߎ߲߫ ߜߘߍ߫ ߝߣߊ߫ ߓߍ߫߸ ߕߊ߯ߡߊߘߋ߲߫ ߡߐ߰ ߅߁ ߕߘߍ߬ ߡߍ߲ ߞߣߐ߫߸ ߡߊ߬ߙߐ߬ߞߎ߬ߞߊ ߟߎ߬ ߣߌ߫ ߕߟߋ߬ߓߋ߬ ߘߐ߬ ߝߊ߲ ߡߐ߱ ߘߏ߫ ߟߎ߫ ߦߋ߫ ߡߍ߲ ߞߣߐ߫߸ ߏ߬ ߟߎ߫ ߥߟߌ߬ ߘߊ߫ ߞߏ߲ߓߌߕߌ߮ ߕߟߋ߬ ߁߃ ߟߋ߬ ߡߊ߬ ߟߌ߲ߓߊ߲߫ ߡߊ߲ߞߊ߲ ߝߊ߲߭ ߝߍ߬߸ ߏ߬ ߟߎ߬ ߝߣߊ߫ ߦߋ߫ ߘߊ߫ ߕߟߋ߬ ߛߋߦߌ߲߫ ߢߐ߲߰ ߠߋ߬ ߊ߬ߟߎ߫ ߥߌ߬ߟߌ ߞߐ ߘߐ߫، ߓߊ߬ߙߌ߬߸ ߡߐ߰ ߞߋߟߋ߲߫ ߠߋ߬ ߛߊ߬ ߘߴߏ߬ ߟߎ߬ ߘߐ߫.
ߘߍ߬ߞߙߎ ߢߌ߲߬ ߠߎ߬ ߞߊ߲߫ ߞߏ߫ ߊ߬ߟߎ߬ ߦߴߊ߬ ߢߌߣߌ߲߫ ߠߊ߫ ߡߊ߬ߙߐߞߎ߬ ߕߍߓߊ߯ߦߟߊ ߟߎ߫ ߝߍ߬߸ ߡߊ߲߬ߛߊ߬ߟߊ ߛߡߐ߬ߣߐ ߟߎ߬߸ ߊ߬ ߣߌ߫ ߡߐ߰ߦߊ ߤߊߞߍ߫ ߡߞߊߘߊ߲ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ߸ ߞߵߏ߬ ߟߊ߫ ߊߛߌߔߊ߲߫ ߖߌߘߟߊ߫ ߡߞߊߘߊ߲ߠߌ߲ߠߊ ߟߎ߫ ߞߊ߲߬߸ ߊ߬ ߣߌ߫ ߞߙߏߥߊߛߊ߲߫ ߙߎߖ߭ ߣߌ߫ ߓߊߙߊ߲ߕߏ߲߫ ߥߎߟߋ߲߫ ߡߊ߲߬ߕߏ߲߬ߕߍ߬ߟߊ߬ߞߊ߸ ߞߏ߫ ߊ߬ߟߎ߬ ߦߋ߫ ߞߊߘߊ߲߫ ߞߊ߬ ߛߋ߫ ߡߐ߰ ߄߄ ߢߌ߲߬ ߠߎ߬ ߟߊ߫ ߞߏ ߢߊߢߌߣߌ߲߫ ߠߊ߫߸ ߏ߬ ߟߎ߬ ߡߍ߲ ߠߎ߬ ߕߎߣߎ߲ߣߍ߲߫ ߕߊߞߎߟߎ߲ ߘߐ߫ ߞߊ߬ߣߌ߲߬.
ߊ߬ߟߋ߬ ߘߍ߬ߞߙߎ߬ ߞߋߟߋ߲ ߢߌ߲߬ ߠߎ߬ ߞߊ߲߫ ߝߣߊ߫߸ ߞߏ߫ ߊ߬ߟߎ߫ ߡߊ߬ߞߏ ߦߋ߫ ߡߍ߲ ߠߊ߫߸ ߏ߬ ߟߋ ߞߏ ߟߎ߬ ߕߎ߬ߢߊ ߟߊߓߐ ߘߌ߫ ߜߍ ߘߐ߫ ߡߎ߬ߕߎ߲߬، ߡߍ߲ ߠߎ߬ ߦߋ߫ ߜߊ߬ߟߏ ߟߊ ߞߊ߲߬ ߡߐ߱ ߟߎ߫ ߞߊ߲߬ ߛߐ߲߬߸ ߞߊ߬ ߞߏ߫ ߟߊߕߐ߲߫ ߏ߬ ߟߎ߬ ߟߊ߫، ߓߊߏ߬߸ ߜߊߣߊ߲ ߘߏ߫ ߟߎ߫ ߗߋ ߟߋ߬ ߞߎߡߊ ߟߎ߬ ߛߓߍ ߘߌ߫ ߘߍ߬ߞߙߏߝߏ ߟߎ߫ ߞߊ߲߬ ߛߐ߲߬߸ ߡߍ߲ ߠߎ߬ ߕߍ߫ ߛߥߊ߬ߓߊ߬ ߘߌ߫.
ߏ߬ ߟߋ ߖߍ߬ߘߍ ߞߏߛߐ߲߬߸ ߊ߬ߟߎ߫ ߞߵߊ߬ ߝߐ߫ ߞߏ߫ ߡߐ߰ߦߊ ߤߊߞߍ߫ ߡߞߊߘߊ߲ߠߊ ߟߎ߬ ߣߌ߫ ߞߌ߬ߓߊ߬ߙߏ߬ߘߊ ߟߎ߬ ߦߴߊ߬ߟߎ߬ ߘߐߖߊ߬߸ ߞߊ߬ ߛߋ߫ ߘߋ߲ߓߦߊ ߟߎ߫ ߘߍ߬ߡߍ߲߬ ߠߊ߫ ߕߎ߬ߢߊ ߟߊߓߐ ߘߐ߫، ߓߊߏ߬߸ ߞߐߙߍ߫ ߛߌߦߊߡߊ߲߫ ߠߋ߬ ߕߙߐߣߍ߲߫ ߓߌ߬ <<ߊ߬ߟߎ߬ ߘߋ߲ ߠߎ߬ ߟߊ߫ ߞߏ ߤߊߡߌ߲ ߡߊ߬.>> ߊ߬ߟߎ߬ ߡߴߊ߬ ߟߐ߲߫ ߊ߬ߟߎ߬ ߘߋ߲ ߠߎ߬ ߦߋ߫ ߓߟߏ߫ ߛߌ߫ ߞߘߐ߫، ߊ߬ߟߎ߬ ߘߌ߫ ߕߊ߯ߡߊߘߋ߲ ߠߎ߫ ߡߌ߬ߘߊ߬ ߞߊ߬ ߖߊߟߌߞߊ ߟߴߊ߬ߟߎ߫ ߞߊ߲߲߬߸ ߞߵߏ߬ ߟߎ߬ ߟߊ߫ ߡߐ߱ ߟߎ߫ ߓߌ߬ߟߊ߫ ߞߣߐ߬ߘߐ߬ߝߟߌ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
