ߖߌ߬ߣߍ߬ ߞߊ߲ߕߌ߯ ߞߘߐ ߊߟߌߝߊ߫ ߞߐ߲ߘߍ߫ ߓߘߊ߫ ߛߐ߫ ߞߐ߲ߘߐ߲߫ ߘߐߜߍ߫ ߟߊ߫ ߊ߲ߜ߭ߏߟߊ߫ ߖߡߊ߬ߣߊ ߞߊ߲ߕߌ߯ ߖ߭ߎߥߊߎ߲ ߟߏߙߊ߲ߛߛߏ߫ ߓߟߏ߫߸ ߘߏ߫ ߞߍ ߞߏߛߐ߲߬ ߝߘߊ߬ߝߌ߲߬ߠߊ߬ߟߊ߲߬ߘߌ߬ߦߊ ߡߙߌߦߊ߫ ߞߋߟߋ߲ߧߊ ߘߐ߫߸ ߊ߬ ߣߌ߫ ߝߘߊ߬ߝߌ߲߬ߠߊ߫ ߖߘߍ߬ߕߌ߰ߦߊ ߡߊߞߊ߲ߞߊ߲، ߟߕߊ߬ߡߌ߲߬ߒ߬ߡߊ߬ߟߌ߬ ߖߊ߲ߖߏ߲ ߣߌ߲߬ ߞߍ߫ ߘߊ߫ ߟߎߥߊ߲ߘߊ߫ ߟߋ߬߸ ߊ߲ߜ߭ߏߟߊ߫ ߟߊ߫ ߖߘߍ߬ߕߌ߰ߦߊ ߛߊ߲߬ ߓߌ߬ߟߏ߰ߟߎ߬ߣߊ߲ ߢߊ߰ߢߊ߮ ߝߍ߬.
ߓߌ߬ ߂߀߂߅ ߣߍߣߍߓߊ ߕߟߋ߬ ߆ ߣߌ߲߬ ߡߊ߬߸ ߊ߲ߜ߭ߏߟߊ߫ ߞߊ߲ߓߍ߲ ߞߵߊ߬ ߟߊ߫ ߖߘߍ߬ߕߌ߰ߦߊ ߛߊ߲߬ ߅߀߲ ߢߊ߰ߢߊ߮ ߞߍ߫߸ ߝߊ߯ߘߐߞߍ߫ ߕߟߊ߫ ߕߟߊ߫ ߖߘߍ߬ߕߌ߰ߦߊ ߣߌ߫ ߞߊ߲ߠߊߓߌߟߊ ߛߍ߬ߘߏ߲ ߞߐߝߍ߬، ߝߘߊ߬ߝߌ߲߬ߠߊ߫ ߡߐ߰ߘߐ߬ߜߍ߬ ߛߌߦߊߡߊ߲߫ ߕߘߍ߬ ߞߣߍ ߞߊ߲߬߸ ߡߍ߲ ߠߎ߬ ߞߊ߬ ߞߐ߲ߘߐ߲ ߛߐ߬ߘߐ߲߫ ߞߊ߬ ߝߘߊ߫ ߊ߲ߜ߭ߏߟߊ߫ ߞߊ߲ߕߌ߮ ߖ߭ߎߥߊߎ߲߫ ߟߏߙߊ߲ߛߛߏ߫ ߟߊ߫، ߞߐ߲ߘߐ߲ߓߊ߯ߕߐ ߏ߬ ߟߎ߬ ߘߐ߫߸ ߊߟߌߝߊ߫ ߞߐ߲ߘߍ߫ ߦߴߊ߬ ߘߐ߫߸ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߞߘߐ.
ߊ߲ߜ߭ߏߟߊ߫ ߖߡߊ߬ߣߊ ߞߊ߬ ߡߙߌߘߐ߫ ߛߓߍ ߘߏ߫ ߟߋ߬ ߞߟߊ߬ߣߐ߬ߦߊ߬ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߉ ߡߊ߬߸ ߣߴߊ߬ ߞߟߊ߬ߣߐ߬ߦߊ߬ ߘߊ߫ ߊߘߊߎ߲߬ ߝߑߙߊ߲ߛߌߛߑߞߎ߫ ߞߏߙߋߦߊ߫ ߓߟߏ߫߸ ߏ߬ ߡߍ߲ ߦߋ߫ ߞߊ߬ߝߏ ߞߏߕߌ߮ ߣߌ߫ ߞߊ߲ߜ߭ߏߟߊ߫ ߞߊ߲ߓߍ߲ ߞߊ߲ߕߌ߮ ߣߊ߬ߒ߬ߕߊ߲߬ ߓߏ߲ߓߊ ߞߎ߲߬ߕߌ߮ ߘߌ߫، ߊ߲ߜ߭ߏߟߊ߫ ߞߎ߲߬ߠߊ߬ߛߌ߮ ߞߵߊ߬ ߟߊߛߋ߫ ߛߓߍ ߣߌ߲߬ ߞߣߐ߫߸ ߞߏ߫ ߊ߬ߟߎ߬ ߓߍߣߊ߬ ߊߟߌߝߊ߫ ߞߐ߲ߘߍ߫ ߡߊߛߘߌ߬ ߞߎ߲߬ߠߊ߬ߦߋߙߋ߲ ߞߊߡߊ߲ ߞߣߐ߫.
ߊ߬ߟߎ߬ ߟߊ߫ ߡߊ߬ߛߘߌ߬ߟߌ ߣߌ߲߬ ߞߍߣߍ߲߫ ߥߊߟߢߌߡߊߟߐ߲ ߛߌߟߊ ߟߋ߬ ߝߍ߬ ߓߘߍ߬ߓߘߍ߬ߟߌ ߡߊ߬ߘߎ߮ ߘߐ߫߸ ߞߊ߬ ߡߐ߰ ߟߎ߬ ߞߏߢߌߡߊߟߐ߲߫߸ ߡߍ߲ ߠߎ߬ ߞߵߊ߬ߟߎ߬ ߛߋߞߏ ߞߍ߫ ߊ߬ߟߎ߬ ߘߊߝߍ߬߸ ߊ߬߬ ߣߌ߫ ߥߎߟߊ ߟߊ߫߸ ߊ߬ߟߎ߬ ߟߊ߫ ߞߊ߲ߠߊߓߌߟߊ ߛߍ߬ߘߏ߲ ߘߐ߫߸ ߖߘߍ߬ߕߌ߰ߦߊ ߛߐ߬ߘߐ߲ ߘߐ߫߸ ߊ߬ ߣߌ߫ ߝߘߊ߬ߝߌ߲߬ߠߊ߫ ߞߍߞߋߟߋ߲ߘߌ ߟߊߛߓߊ߬ߕߌ ߘߐ߫.
ߞߐ߲ߘߐ ߣߌ߲߬ ߓߌ߬ߟߊ߬ ߘߊ߫ ߛߋ߲߬ߠߊ߫ ߛߊ߬ߙߌ߬ߦߊ ߡߍ߲ ߠߊ߫߸ ߏ߬ ߝߙߍߕߍ ߟߋ߬ ߂/߂߅ ߘߌ߫ ߂߀߂߅ ߕߙߊߓߊ ߁߈ ߠߊ߫߸ ߞߊ߬ ߛߌ߲߬ߓߏ߲߬ߧߊ߬ ߞߐ߲ߘߐ߲ ߘߏ߫ ߟߊߘߊ߲߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߘߍ߬ߕߌ߰ߦߊ ߛߊ߲߬ ߅߀߲ ߢߊ߰ߢߊ߮ ߡߊ߬ <<ߝߊߘߌ߲ߧߊ ߣߌ߫ ߞߟߊߓߎ߸ ߊ߬ ߣߌ߫ ߖߘߍ߬ߘߌ ߞߏߢߌߡߊߟߐ߲ ߞߏߛߐ߲߬߸ ߊ߬ߟߎ߫ ߞߊ߬ ߡߍ߲ ߞߍ߫ ߊ߲ߜ߭ߏߟߊ߫ ߡߌ߬ߙߌ߲߬ߘߌ ߦߋ߫ ߖߘߍ߬ߕߌ߰ߦߊ ߛߐ߬ߘߐ߲ ߓߊ߯ߙߊ ߘߐ߫.>>
ߊߟߌߝߊ߫ ߞߐ߲ߘߍ߫ ߟߊ߫ ߞߐ߲ߘߐ߲߫ ߠߕߊߡߌ߲ ߣߌ߲߬ ߞߍ߫ ߘߊ߫ ߂߀߂߅ ߣߍߣߍߓߊ ߕߟߋ߬ ߆ ߟߋ߬ ߡߊ߬߸ ߟߎߥߊ߲ߘߊ߫ ߍ߲ߕߍߙߑߞߐ߲ߕߌߣߊ߲ߕߊߟ ߖߌ߰ߦߊ߬ߓߏ߲ ߠߊ߫߸ ߖߡߊ߬ߣߊ߬ ߛߌߦߊߡߊ߲߫ ߞߊ߲ߕߌ߯ ߞߘߐ ߣߴߊ߬ ߕߍߓߊ߯ߦߊ ߞߏߕߌ߮ ߟߎ߬ ߢߊ ߕߘߍ߬ ߜߍ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
