ߖߡߊ߬ߣߊ ߞߕߌߘߊ߫ ߛߊ߲ߘߐ ߓߘߊ߫ ߟߊ߬ߥߟߍ߬ߟߌ ߘߏ߫ ߞߐ߫ ߓߌ߬ ߥߎ߬ߙߊ ߢߌ߲߬ ߝߍ߬߸ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߟߊ߫ ߛߙߍߘߍ߫ ߘߍ߲߬ߞߍ߬ߕߎ߬ߣߍ߲ ߢߊߓߐ߫ ߞߊ߲ߡߊ߬.
ߞߵߊ߬ ߓߍ߲߬ ߖߌ߬ߣߍ߬ ߢߣߊߕߊߟߌ ߞߏߢߊߓߐ ߘߏ߫ ߟߎ߫ ߡߊ߬߸ ߞߕߌߖߌ߲ ߛߊ߲ߘߐߕߊ ߦߴߊ߬ ߘߐߓߍ߲߭ ߞߊ߲߬ ߟߊ߬ߥߟߍ߬ߟߌ ߘߐ߫ ߕߋ߲߬، ߖߡߊ߬ߣߊ ߞߕߌ ߛߊ߬ߙߌ߬ߦߊ߬ߟߐ߲߬ߠߊ߬ߓߊ ߟߎ߫ ߟߋ߬ ߞߵߊ߬ߟߎ߬ ߟߊߘߍ߬ ߓߌ߬ ߕߎ߬ߡߊ߬ߙߋ߲߫ ߛߓߊ߬ ߖߊ߬ߣߍ߲߬ ߞߘߐ߫߸ ߊ߬ߟߎ߬ ߦߴߊ߬ ߞߊ߲߬ ߞߊ߬ ߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߟߊ߫ ߛߙߍߘߍ߫ ߘߍ߲߬ߞߍ߬ߕߎ߬ߣߍ߲ ߘߐߢߌߡߌ߲߫߸ ߞߣߊ߬ߕߏ߫ ߊ߬ ߟߊߓߐ߫ ߟߊ߫.
ߊ߬ߟߎ߬ ߟߊ߫ ߟߊ߬ߘߍ ߣߌ߲߬ ߓߍߣߊ߬ ߞߎ߲߬ߠߊߛߌ߰ ߦߊߦߊ߬ ߓߎߥߊߙߏ߫ ߟߋ߬ ߓߟߏ߫߸ ߊߘߡߊߦߊ ߣߌ߫ ߣߊ߲߬ߒ߬ߕߊ߲߬ߧߊ ߓߏ߲ߘߋ߲߫ ߝߟߐ ߞߊ߲ߕߌ߮ ߣߌ߫ ߞߕߌߖߌ߲ ߛߊ߲ߘߐߕߊ ߞߊ߲ߕߌ߯ ߘߍ߲߬ߞߍ߬ߕߎ߬ߣߍ߲ ߝߟߐߡߊ، ߊ߬ߟߋ ߓߍߣߊ߬ ߟߊߡߌߣߌ߲߫ ߡߐ߰ ߥߐ߰ߙߐ߬ ߜߘߍ߫ ߟߋ߬ ߟߊ߫:
- ߓߐ߬ߟߐ߲߬ߞߊ߬ ߡߊߙߌߦߊߡ ߘߎ߲ߓߎߦߊ߫߸ ߓߏ߲ߘߋ߲ ߞߊ߲ߕߌ߮
- ߓߐ߬ߟߐ߲߬ߞߊ߬ ߡߊߞߐ߬ߦߊ߫ ߞߡߊ߬ߙߊ߬߸ ߓߏ߲ߘߋ߲ ߞߊ߲ߕߌ߮
- ߓߐ߬ߟߐ߲߬ߞߊ߬ ߝߊߕߎ߬ ߓߊ߲߬ߜ߭ߎߙߊ߬߸ ߓߏ߲ߘߋ߲ ߞߊ߲ߕߌ߮
- ߛߟߊߕߌ߯ ߊߓߘߎߟߊߦߌ߬ ߞߐ߲ߕߋ߬߸ ߓߏ߲ߘߋ߲ ߞߊ߲ߕߌ߮
- ߛߟߊߕߌ߯ ߌߓߙߊߤߌߡߊ߫ ߛߏߙߌ߬ ߁߭ ߕߎ߲߬ߞߙߊ߫߸ ߓߏ߲ߘߋ߲ ߞߊ߲ߕߌ߮
- ߛߟߊߕߌ߯ ߛߊߦߌߘߎ߬ ߖߊߟߏ߫߸ ߓߏ߲ߘߋ߲ ߞߊ߲ߕߌ߮.
ߟߌ߬ߤߟߊ ߡߍ߲ ߠߎ߬ ߛߐ߬ߘߐ߲߬ߣߍ߲߬ ߊ߲ ߓߟߏ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߟߊ߬ߥߟߍ߬ߟߌ ߕߎ߲߬ ߞߊ߫ ߞߊ߲߫ ߞߊ߬ ߞߍ߫ ߓߌ߬ ߥߎ߬ߙߊ ߢߌ߲߬ ߠߋ߬ ߟߊ߫߸ ߓߊ߬ߙߵߊ߬ߟߎ߫ ߞߵߊ߬ ߟߊߕߊ߯ ߞߐߝߍ߬ ߞߵߊ߬ ߕߏ߫ ߂߂ߙߋ߲ ߠߊ߫.
ߡߙߌߘߐ ߡߍ߲ ߦߋ߫ ߣߌ߲߬߸ ߓߍ߯ ߛߌ߰ߣߍ߲߫ ߞߵߏ߬ ߟߋ ߡߊߞߐ߬ߣߐ߲߬߸ ߊ߬ߟߋ ߟߋ߬ ߞߊ߫ ߞߊ߲߫ ߞߊ߬ ߝߌߘߊ ߓߐ߫ ߞߊ߲ߕߌ߯ ߢߣߊߕߊߟߌ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߕߐ߮ ߢߍߡߊ߬߸ ߛߐ߲߬ ߞߍߣߍ߲߫ ߡߍ߲ ߠߎ߬ ߕߊ ߡߊ߬ ߞߊ߬ߣߌ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
