ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߃߸ ߛߌ߯ߙߌ߲߫ ߞߊ߬ߙߊ߲߬ߕߊ߬ ߛߌߦߊߡߊ߲߫ ߞߊ߬ߙߊ߲ ߝߛߏ߬ߝߛߊ߬ ߘߊ߫ ߟߋ߬߸ ߕߐ߰ߕߐ߰ߟߌ߬ߘߊ ߘߏ߫ ߟߎ߫ ߣߌ߫ ߞߎ߲߬ߠߊ߬ߛߌ߮ ߟߊ߫ ߓߍ߲߬ߘߐ ߣߴߊ߬ ߕߊ߫، ߝߎ߬ߙߎ߲߬ߞߎ߬ߟߌ ߟߋ߬ ߟߊߓߌ߬ߟߊ߬ ߘߊ߫ ߕߐ߰ߕߐ߰ߟߌ߬ߘߊ߬ ߜߘߍ߫ ߓߟߏ߫ ߞߏߟߌ߲ߞߏߟߌ߲ ߕߟߋ߬ ߁߭ ߡߊ߬߸ ߏ߬ ߞߏ ߦߋ߫ ߛߋ߲߬ߠߊ߫ ߤߊߟߌ߬ߛߊ߫.
ߣߴߌ ߞߊ߬ ߞߊ߲߬ߞߎ߲߬ ߡߎߛߊ߫ ߞߊ߬ߙߊ߲߬ߘߊ߬ߓߊ ߕߊ߬߸ ߞߵߊ߬ ߛߌ߰ ߣߊ߬ߣߊ߬ߡߘߎ߬ߞߙߐ߫ ߞߊ߬ߙߊ߲߬ߘߊ ߟߊ߫߸ ߊ߬ ߣߌ߫ ߝߙߊ߬ߡߐߦߌ߫ ߓߙߋߕߋ߫ ߞߊ߬ߙߊ߲߬ߕߊ ߕߊ߬ߣߍ߲ ߞߵߊ߬ ߟߊ߫ ߙߏ߬ߥߊ߬ ߤߛߊߣ ߂߲ ߞߊ߬ߙߊ߲߬ߘߊ߫ ߞߊ߬ߙߊ߲߬ߘߊ߬ߓߊ ߞߊ߲߬߸ ߊ߲ ߠߊ߫ ߞߐߦߌߘߊߓߊ߮ ߞߊ߬ ߝߛߏ߬ߝߛߊ ߟߊߞߙߐ߬ߛߌ߫ ߟߋ߬ ߏ߬ ߟߎ߬ ߘߐ߫ ߦߋ߲߬. ߞߊ߬ߙߊ߲߬ߓߏ߲ ߠߎ߬ ߞߣߐߟߊ ߟߊߞߏߟߏ߲ ߦߋ߫ ߦߙߐ ߘߏ߫ ߟߎ߫ ߘߐ߫߸ ߞߊ߬ߙߊ߲߬ߘߋ߲ ߘߏ߫ ߟߎ߫ ߦߋ߫ ߞߐߛߊߦߌ߲ߠߌ߲ ߛߌߟߊ ߞߊ߲߬߸ ߦߙߐ߫ ߜߘߍ߫ ߟߎ߫ ߖߍ߬ߘߍ ߘߐ߫߸ ߡߊ߲߬ߞߊ߲߬ ߓߘߎߓߘߎ ߟߎ߬ ߞߍ߫ ߘߊ߫ ߞߊ߬ߙߊ߲ ߠߊߟߐ߬ ߞߎ߲ ߘߌ߫.
ߛߟߊߕߌ߮ ߓߙߋߕߋ߫ ߦߋ߫ ߟߞߊ߬ߙߊ߲߬ߠߌ߲߬ߠߊ ߟߋ߬ ߘߌ߫ ߞߊ߬ߙߊ߲߬ߕߊ ߘߏ߫ ߟߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߓߌ߬ ߛߐ߱ ߢߌ߲߬ ߡߊ߬߸ ߊ߲ ߟߞߊ߬ߙߊ߲߬ߠߌ߲߬ߠߊ߫ ߛߊ߬ߓߊ߫ ߟߋ߬ ߕߍ߬ߘߍ߫ ߞߊ߬ߙߊ߲߬ߕߊ ߟߊ߫، ߊ߲ ߕߍ߬ߘߴߊ߬ ߝߍ߬ ߞߊ߬ ߞߊ߬ߙߊ߲߬ߘߋ߲߬ ߘߊ߲ߘߐ߫ ߟߊߘߍ߬ ߞߊ߬ߙߊ߲߬ߓߏ߲߬ ߣߊ߯ߣߌ߲߫ ߢߐ߲߰ ߞߣߐ߫߸ ߞߵߊ߬ ߕߊ߬ ߇߲ ߡߊ߬߸ ߊ߬ ߣߌ߫ ߈߲ ߣߌ߫ ߉߲، ߓߊ߬ߙߌ߬߸ ߌߞߘߐ߫ ߕߋ߲߬߸ ߞߓߊ߫ ߟߊߝߟߌ ߘߊߡߌ߬ߣߊ߬ ߘߊ߫ ߞߊ߬ߙߊ߲߬ߓߏ߲ ߏ߬ ߟߎ߬ ߞߣߐ߫، ߓߍ߯ ߖߍ߲ߛߍ߲߫ ߘߊ߫ ߛߎߋ߬.>>
ߣߴߌ ߘߏ߲߬ ߞߊ߬ ߙߏ߬ߥߊ߬ ߤߛߊߣ ߂߲ ߞߊ߬ߙߊ߲߬ߘߊ߫ ߞߊ߬ߙߊ߲߬ߘߊ߬ߓߊ ߕߊ߬߸ ߟߞߊ߬ߙߊ߲߬ߠߌ߲߬ߠߊ߬ ߝߏߦߌ߬ ߟߋ߬ ߡߊ߫ ߛߋ߫ ߦߋ߲߬߸ ߓߊ߯ߙߊ ߓߍ߯ ߟߋ߬ ߟߊߟߐ߬ߣߍ߲߫ ߕߍ߬ߘߍ߫ ߦߋ߲߬.
<<ߓߌ߬߸ ߞߊ߬ߙߊ߲߬ߘߋ߲߬ ߘߊ߲ߘߐ߫ ߟߎ߬ ߣߊ߬ ߘߊ߫߸ ߞߊ߬ߙߊ߲߬ߘߊ߬ߓߊ ߣߌ߫ ߞߊ߬ߙߊ߲߬ߘߊ ߞߊ߬ߙߊ߲߬ߘߋ߲ ߘߏ߫ ߟߎ߫ ߞߊ߬ߣߌ߲߬߸ ߓߊ߬ߙߌ߬ ߟߞߊ߬ߙߊ߲߬ߠߌ߲߬ߠߊ߬ ߝߏߦߌ߬ ߡߊ߫ ߛߋ߫ ߦߊ߲߬، ߓߍ߯ ߝߣߊ߫ ߞߵߊ߬ ߞߐߛߊ߬ߦߌ߲߬.>> ߛߟߊߕߌ߯ ߖߊߥߙߊ߫ ߟߋ߬ ߞߵߏ߬ ߝߐ߫.
ߒ߬ߓߊ߬߸ ߊߓߎߓߞߊߙ ߛߎߡߊ߬ ߟߊ߫ ߛߑߟߍߜ߭ ߣߌ߫ ߞߎ߲߬ߠߊ߬ߛߌ߮ ߟߊ߫ ߓߍ߲߬ߘߐ߬ ߞߏ ߡߍ߲ ߦߋ߫ ߣߌ߲߬߸ ߏ߬ ߢߊ߬ߞߏ߬ ߡߊ߫ ߞߍ߫ ߞߊ߬ߙߊ߲߬ ߞߏ ߣߌ߲߬ ߘߐ߫ ߡߎߣߎ߲߬ ߘߋ߬߸ ߓߊߏ߬ ߕߐ߰ߕߐ߰ߟߌ߬ߘߊ ߕߐ߭ ߟߎ߬ ߓߊ߲߬ߣߍ߲߫ ߞߊ߬ߙߊ߲߬ ߘߊ߬ߡߌ߬ߣߊ߬ ߞߏ ߡߊ߬߸ ߊ߬ߟߎ߬ ߦߋ߫ ߝߎ߬ߙߎ߲߬ߞߎ߬ߟߌ߬ ߞߏ ߟߋ߬ ߞߊ߲߬ ߡߎߣߎ߲߬.
ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫.
