ߊ߬ ߦߋ߫ ߡߐ߱ ߝߊ߲߬ߓߊ ߢߣߊ߫ ߡߍ߲ߞߍ߭ ߞߏ߫ ߟߊ߬ߘߊ ߥߟߊ߫ ߟߊ߲߬ߘߊ ߦߋ߫ ߡߊ߲߬ߘߋ߲߬ ߞߊ߲ ߞߎߡߊߘߋ߲ ߘߏ߫ ߟߋ߬ ߘߌ߫߸ ߏ߬ ߟߋ ߣߐ߬ ߊ߲ ߟߐ߬ ߟߊ߫ ߢߊߝߐߟߌ߫ ߞߍ߫ ߟߴߊ߬ ߞߊ߲߬ ߞߊ߲ ߥߘߋ߬ߥߘߋ߬ߦߊ ߓߐߞߏ߫ ߄߲ ߣߌ߲߬ ߘߐ߫߸ ߞߵߊ߬ ߘߐߞߣߍ߫ ߥߊߚߊߕߊߕߊ߫، ߊߟߎ߫ ߦߋ߫ ߞߎߡߘߊ ߣߌ߲߬ ߞߊ߬ߙߊ߲߬ ߖߏߣߊ߫߸ ߞߵߊ߬ ߟߐ߲߫ ߞߊ߲ ߥߘߋ߬ߥߘߋ߬ߦߊ ߣߴߊ߬ ߢߐ߲߰ ߘߐ ߘߏ߫ ߟߎ߫ ߦߋ߫ ߡߐ߰ ߜߍߙߍ߲ߞߍ߫ ߟߊ߫ ߢߊ ߡߍ߲߸ ߞߵߌ ߟߊߘߍ߲߬ߞߣߍ߬ߦߊ߬ ߞߏ߫ ߡߊ߲߬ߘߋ߲߫ ߝߘߏ߬ߓߊ߬ ߞߊ߲ ߠߋ߬߸ ߞߵߊ߬ ߛߐ߬ߘߐ߲߬ ߏ߬ ߕߍ߫.
ߟߊ߬ߘߊ : ߊߙߊߓߎߞߊ߲߫ ߛߌ߲ߞߊߺߣߍ߲ ߡߍ߲ ߓߐߣߍ߲߫ ߊߙߊߓߎ߫ ߞߎߡߊߘߋ߲߫(ߊߟߑߊ߫ߺߊ߯ߺߘߊߕߎ߬=العادة) ߘߐ߫ ߊ߬ ߞߘߐ ߟߋ ߒ߬ ߠߊ߫ ߞߊ߲ ߘߐ߫ (ߘߋ߬ߙߌ߬ߣߊ߲߬ߞߏ) ߣߌ߫ (ߓߐߞߊߕߘߍ) ߣߌ߫ (ߦߋߢߐ߲߯ߠߊ) ߟߎ߬ ߘߌ߫.
ߡߊ߲߬ߘߋ߲߬ߞߊ߲ ߞߎ߬ߙߎ߲߬ߘߎ ߘߐ߫ ߞߎߡߊߘߋ߲߫ ߝߊ߲߬ߓߊ ߕߍ߫ ߘߊߡߌ߬ߣߊ߬ ߟߊ߫ (ߊ) ߡߊ߬ ߡߍ߲ߞߍ߬ ،ߏ߬ ߟߋ ߞߏߛߐ߲߬ ߸ ߞߎߡߊߘߋ߲߫ ߛߌ߲ߞߊߣߍ߲ ߏ߬ ߟߎ߬ ߝߕߐߟߊ ߛߓߍߘߋ߲ (ߟ) ߟߋ߬ ߓߎ߯ ߟߴߊ߬ ߞߊ߲߬ ߘߊߡߌߣߊ ߟߊ߫ ߦߏ߫ ߞߊ߬ (ߊ߯ߺߘߊ߬) ߞߍ߫ (ߟߊ߬ߘߊ) ߘߌ߫ ߞߊ߬ (ߊ߬ߙߊ߬ߓߎ) ߞߍ߫ (ߟߙߊ߬ߓߎ) ߘߌ߫ ߞߊ߬ (ߊߡߙߌߞߌ߬) ߞߍ߫ (ߟߊ߬ߡߙߌ߬ߞߍ߲߬ ߖߡߊߣߊ) ߘߌ߫ ߞߊ߬ (ߊ߬ߟߌ߬ߡߊߡߌ߲) ߞߍ߫ (ߟߊ߬ߟߌ߬ߡߊ߬ߡߌ߲) ߘߌ߫ ،ߒ߬ߞߊ߬ ߸ߣߴߌ ߦߴߊ߬ ߝߋ߲-ߋ-ߝߋ߲߫ (ߊ) ߕߏߣߍ߲߫ ߦߴߊ߬ ߛߎ߮ ߟߊ߫ ،ߛߌߞߊ߫ ߛߌ߫ ߕߴߊ߬ ߘߐ߫ (ߟߊ) ߘߟߊߞߡߊ ߟߋ߰ ߞߎߡߊߘߋ߲ ߏ߬ ߘߊߡߊߣߊ ߟߴߌߞߘߐ߫ ߛߓߍߘߋ߲߫ (ߊ) ߝߐߣߍ߲ ߞߐ߫ ،ߦߏ߫ (ߊߟߊ߫) (ߊ߬ߟߊ߬ߡߌߛߊ) ߏ߬ ߕߴߛߋ߫ ߞߊ߬ ߝߐ߫ ߡߎ߬ߕߎ߲߬ ߞߏ߫ (ߟߊߟߊ߫) (ߟߊ߬ߟߊ߬ߡߌߛߊ) ߘߟߊߞߡߊ߫ ߝߌ߬ߟߊ ߡߊߛߋ߬ߦߌ߲ ߡߊߕߊ߲߬ߞߊ ߞߏߛߐ߲߬ ،ߒ߬ߞߊ߬ ߸ߣߴߊ߬ ߛߌ߰ߙߊ߬ߟߊ߲ ߡߊߝߊ߬ߟߋ߲߬ ߠߴߌߞߘߐ߫ ߸ߊ߬ ߘߌ߫ ߛߐ߲߬ ߦߏ߫ (ߊ߬ߟߌ߬ߡߊߡߌ߲) ߏ߬ ߘߌ߫ ߝߐ߫ ߒߞߘߐ߫ ߞߏ߫ (ߟߊ߬ߟߌ߬ߡߊ߬ߡߌ߲)..
ߟߊ߬ߘߊ ߦߋ߫ ߞߎߡߊߘߋ߲߫ ߛߌ߲ߞߊߺߣߍ߲ ߠߎ߬ ߘߏ߫ ߟߋ߬ ߘߌ߫ ߣߊߺߡߎ߲ ߛߌߟߊߝߍ߬ ،ߓߊ ߸ߓߊ߬ߕߏ ߣߌ߫ ߟߊ߬ߘߊ ߞߕߌ ߟߎ߬ ߝߎߟߋ߲ ߞߎߡߊ ߞߊ߫ ߛߌߦߺߊ߫ ߞߏߛߓߍ߫ ߣߊߡߎ߲ ߘߐ߫ ،ߊ߬ ߡߏߙߌ߫ ߞߏ߲ߓߏ ߟߎ߬ ߝߣߊ߫ ߦߴߊ߬ ߞߎߡߊߘߋ߲ ߊߙߊߓߎߞߊ߲ߠߡߊ ߏ߬ ߟߋ ߝߐ߫ ߟߴߊ߲ ߧߋ߫ ߒߞߘߐ߫߸ ߞߴߊ߲ ߕߊ ߏ߬ ߕߏ߫ ߦߋ߲߬ ߥߟߴߊ߬ߟߎ߬ ߡߴߊ߬ ߟߐ߲߫ ߠߋ߫ ߝߊ߲߭.
ߖߊ߲߬ߕߏ߬ߒߘߐ߫ : ߓߌ߬ ߥߊߟߌߞߊ߲߫ ߘߞߋ ߓߎ߮ ߡߍ߲ ߞߍ߫ ߘߊ߫ ߸ߏ߬ ߦߴߊ߬ ߕߏ߫ ߡߐ߱ ߟߎ߬ ߦߋ߫ ߛߋ߫ ߟߊ߫ ߞߎߡߊߘߋ߲߫ ߛߌߦߊߡߊ߲߫ ߝߐ߫ ߟߴߊ߬ ߢߊ ߡߊ߬ ߥߊߟߌߞߊ߲߫ ߘߞߋߟߊ ߏ߬ ߟߎ ߓߟߏ߫،ߓߊ ߸ߝߘߊ߬ߝߌ߲ ߠߋ߬ ߞߋߟߋ߲߫ ߕߌߡߌ߲ߣߊ߲ ߞߊ߫ ߘߌ߫ ߸ߊ߬ ߡߌ߬ߙߌ߲߬ߘߌ ߣߍ߲߭ ߛߊߞߍ ߘߐ߫ ߥߊߟߌ߫ ߞߎߡߊߘߋ߲ ߝߐ ߘߐ߫ ߞߊ߬ ߢߊ߬ ،ߞߊ߬ߛߐ߬ߘߐ߲߫ ߘߎߢߊ߫ ߡߐ߱ ߕߐ߭ ߟߎ߫ ߢߌ߬ߣߊ߬ߣߍ߲߫ ߞߏ߫ ߛߎ߮ ߏ߬ ߞߐ߫ ߡߍߣߍ߲ߎ߲߫ ߞߵߊ߬ ߟߐ߬ ߝߘߊ߬ߝߌ߲߬ߞߊ߲ ߡߊ߬ ߸ߊ߬ߟߎ߬ ߦߴߏ߬ ߘߐߕߌߢߍ߫ ߟߊ߫ ߦߏ߫ ߊ߬ ߞߊ߫ ߘߴߊ߬ߟߎ߬ ߦߋ߫ ߢߊ ߡߍ߲ ،ߊ߬ߟߎ߬ ߣߴߊ߬ߟߎ߬ ߟߊ߫ ߘߞߋ߬ߘߋ߲߬ ߝߌ߲ߡߊ߲ ߠߎ߫ ߓߍ߯.
ߌ ߣߌ߫ ߖߐ߫
ߡߟߊߓߌߘߌ߲߫ ߛߎ߬ߞߊ߬ߣߍ߫ ߓߟߏ߫ ߓߊ߲߬ߞߎ߬ߡߊ߲߬ߠߊ߫
