ߡߏ߬ߛߏ ߡߍ߲ ߕߍ߫ ߘߋ߲ ߛߐ߬ߘߐ߲߬ ߠߊ߫ ߸ ߏ߬ ߟߋ ߞߏ߬ߣߊ ߘߌ߫.
ߡߐ߱ ߡߍ߲ ߘߋ߲ ߕߍ߫ ߓߊߟߏ߫ ߟߊ߫ ߸ ߏ߬ ߦߋ߫ ߣߊ߬ߘߌ߬ߕߐ ߘߌ߫.
ߡߐ߱ ߡߍ߬ ߓߊ߯ ߣߊ߲߬ߝߟߏ ߛߐ߬ߘߐ߲߬ ߸ ߏ߬ ߘߌ߫ ߡߣߊ߬ߡߣߊ߬ ߕߟߴߊ߬ ߟߊ߫ ߸ ߏ߬ ߦߋ߫ ߞߘߊߕߐ ߘߌ߫.
ߡߐ߱ ߞߍ ߞߊ߬ ߓߌ߲߬ߓߊߏ ߛߐ߬ߘߐ߲߬ ߊ߬ ߡߊ߫ ߞߏ߫ ߘߐߕߍ߰ ߸ ߏ߬ ߦߋ߫ ߜߙߍߜߙߍ ߘߌ߫.
ߡߐ߱ ߕߏ ߞߏ ߢߍ߬ߣߎ߬ߡߊ ߘߐ߫ ߥߟߊ߫ ߞߏ߫ ߘߐ߫ ߸ ߡߍ߲ ߡߊ߫ ߘߊߓߐ߫ ߸ ߊ߬ߟߋ ߞߊ߲ߡߊ߬ ߏ߬ ߦߋ߫ ߞߟߊߞߟߊ ߘߌ߫.
ߘߋ߲ߡߛߏ ߡߍ߲ ߡߊ߫ ߝߘߎ߫ ߛߐ߬ߘߐ߲߫ ߜߊ߬ߟߊ ߓߟߏߡߊ߬ ߟߎ ߡߊ߬ ߸ ߏ߬ ߦߋ߫ ߓߊߞߘߐߕߏ ߘߌ߫.
ߘߋ߲ߞߍ ߡߍ߲ ߦߋ߫ ߝߎ ߘߌ߫ ߸ ߡߍ߲ ߞߍߣߍ߲ ߓߐ߬ߣߐ ߘߌ߫ ߊ߬ ߡߏߦߌߓߊ߮ ߟߎ߫ ߞߊ߲߬ ߸ ߏ߬ ߦߋ߫ ߡߊ߲ߞߍ߬ߣߍ߲ ߘߌ߫.
ߡߏߦߌߓߊ߮ ߟߊ߫ ߕߌ߲ߞߌ߲ ߕߍ߫ ߘߋ߲ ߡߍ߲ ߞߐ߫ ߸ ߏ߬ ߦߋ߫ ߘߊ߲ߞߊߘߋ߲ ߘߌ߫.
ߝߘߎߡߊ ߝߌ߬ߟߊ ߟߋ߬ ߝߌ߬ߟߊ߬ߓߊ߮ ߘߌ߫.
ߝߌ߬ߟߊ߬ߓߊ߮ ߘߏ߫ ߓߊ߯ ߛߊ߬ ߞߊ߬ ߘߐ ߕߏ߫ ߸ ߏ߬ ߦߋ߫ ߜߐ߮ ߘߌ߫، (ߗߍ߬ ߜߐ߮ ߥߟߊ߫ ߡߛߏ߬ ߜߐ߮).
ߘߋ߲ߣߍ߲ ߡߍ߲ ߣߊ߫ ߥߟߴߊ߬ ߝߊ߬ ߘߏ߫ ߘߐ߫ ߞߋߟߋ߲߫ ߓߘߊ߫ ߛߊ߬ ߸ ߏ߬ ߟߋ߬ ߝߊߙߌߕߊ ߘߌ߫، ߒ߬ߞߵߊ߬ ߝߛߊ߬ߣߍ߲߫ ߣߊ ߟߋ ߡߊ߬ ߓߊߞߍ߬ ߡߊ߲߬ߘߋ߲߬ ߟߐ߲ߠߌ߲ߧߊ ߘߐ߫ ،ߤߊߟߌ߬߸ ߌ ߓߊ߯ ߝߊߙߌߕߊߣߍ߲߫ ߕߏߟߌ ߟߊߡߍ߲߫ ߡߊ߲߬ߘߋ߲߫ ߊ߬ ߛߌߦߊߡߊ߲߫ ߟߐ߬ߣߍ߲߫ ߣߊ ߟߊ߫ ߛߊ߬ߦߊ ߟߋ ߡߊ߬ ߞߊ߬ ߘߋ߲ߣߍ߲ ߕߏ߫ ߊ߬ ߣߊ ߛߌ߬ߣߊ߬ߡߛߏ ߓߟߏ߫ ߟߊ߬ߡߐ ߘߐ߫…ߏ߬ ߣߴߊ߬ ߘߋ߲ ߠߎ߬ ߘߌ߫ ߢߊߣߌ߲ ߓߍ߯ ߟߴߊ߬ ߞߊ߲߬…،ߞߊ߬ߡߊߛߐ߬ߘߐ߲߬ ߝߊߙߌߕߊߣߍ߲ ߝߍ߬ ߣߊߟߌߡߎ߲߫ ߣߊ ߟߊ߫ ߛߊ߬ߦߊ ߘߌ߫.
ߘߋ߲ߣߍ߲ ߡߍ߲ ߝߊ߬ ߓߘߊ߫ ߛߊ߬ -ߏ߬ ߟߋ ߕߎ߲ߞߐ ߘߌ߫،ߘߋ߲ ߛߎ߮ ߏ߬ ߖߍ߬ߘߍ ߕߐ߮ ߦߋ߫ ߟߊߟߊ߫ ߟߋ߬ ߞߏ߫ ߕߎ߲ߞߐ߬ ߡߊ߲߬ߘߋ߲߫ ߝߊ߲߬ ߏ߬ ߟߎ߬ ߘߐ߫.
ߡߍ߲ ߡߏߦߌߓߊ߮ ߝߌ߬ߟߊ ߓߍ߯ ߓߘߊ ߛߊ߬ ߞߵߊ߬ ߕߏ߫ ߘߋ߲ߣߍ߲ߧߊ ߘߐ߫ ߸ ߏ߬ ߟߋ ߝߟߊߕߐ ߘߌ߫.
ߘߋ߲ ߡߍ߲ ߣߊ߫ ߣߴߊ߬ ߝߊ߬ ߕߍ߫ ߛߎ߯ ߞߋߟߋ߲߫ ߘߌ߫ ߸ ߏ߬ ߟߋ ߖߊ߰ߕߙߊ ߘߌ߫.
ߡߐ߱ ߡߍ߲ ߡߊ߫ ߡߐ߬ ߊ߬ ߝߊ߬ߛߏ ߟߊ߫ ߸ ߏ߬ ߦߴߊ߬ ߛߌ߰ ߦߌߟߊ ߣߴߊ߬ ߝߊ߬ ߓߘߊߞߊ߲ ߠߎ߫ ߓߊ߬ߛߊ߲߬ߣߍ߲ ߡߍ߲ ߝߐ߫ ߟߊ߫ ߸ ߏ߬ ߟߋ ߕߊ߬ߓߎ߬ߛߌ߬ߞߊ߲ ߘߌ߫ ߸ ߊ߬ ߝߐߓߊ߮ ߦߋ߫ ߕߊ߬ߓߎ߬ߛߌ ߘߌ߫.
ߣߴߊ߬ ߛߐ߬ߘߐ߲߬ߣߍ߲߬ ߞߍ߫ ߘߊ߫ ߦߋ߲߬ ߸ ߏ߰ ߣߊ߬ߓߎ߬ߛߌ ߘߌ߫.
ߘߋ߲߫ ߝߌ߬ߟߊ ߛߐ߬ߘߐ߲ ߞߣߐߢߊ߫ ߞߋߟߋ߲߫ ߘߐ߫ ߸ ߏ߬ ߟߋ ߝߌ߬ߟߊ߬ߣߍ߲ ߘߌ߫ ߸ ߊ߬ ߛߊ߬ߓߊ ߟߋ ߛߓߊ߬ߣߍ߲ ߘߌ߫ ߞߊ߬ ߕߊ߯ ߏ߬ ߢߊ…
ߝߌ߬ߟߊ߬ߣߍ߲ ߠߎ߬ ߣߘߐ߬ߟߊ ߟߋ߬ ߛߊ߯ߦߏ߲ ߘߌ߫،ߏ߬ ߞߘߐ ߟߋ߬ ߞߏ߫ ߊ߬ߟߎ߫ ߣߘߐ߬ߛߊ߯ߟߏ߲.
ߝߌ߬ߟߊ߬ߣߍ߲ ߕߐ߬ ߞߋߟߋ߲ ߠߴߊ߬ ߓߐ ߘߌ߫.
ߡߟߊߓߌߘߌ߲߫ ߛߎ߬ߞߊ߬ߣߍ߬ ߓߟߏ߫߸ ߕߊߦߌߘߎ߯
