ߛߋߒߞߏߟߊߘߐߦߊ ߡߊ߬ߝߟߍ߬ߟߌ ߘߏ߫ ߟߋ߬ ߞߍߣߍ߲߫ ߕߙߎߞߌ߫ ߡߊ߬ߞߊ߲߬ߞߊ߲߬ߠߌ ߓߟߏ߫߸ ߡߍ߲ ߓߘߊ߫ ߞߍ߫ ߛߋ߲߬ߕߊ߬ߓߊ߫ ߘߌ߫ ߛߊ߲ߡߊ߫ ߣߊ߲ߕߌ߮ ߟߎ߬ ߟߊ߫ ߞߏ ߘߐ߫، ߞߊ߬ߕߎ߲߯߸ ߞߎߟߎ߲ߞߎߟߎ߲ ߘߏ߫ ߟߋ߬ ߊ߬ߟߎ߬ ߓߟߏ߫߸ ߡߍ߲ ߘߌ߫ ߛߋ߫ ߜߊ߲߫ ߠߊ߫߸ ߞߵߊ߬ ߛߐ߬ߘߐ߲߬ ߟߊ߬ߓߏ߬ߙߟߌ߬ߟߊ߫ ߕߴߊ߬ ߞߣߐ߫߸ ߏ߬ ߓߘߊ߫ ߞߍ߫ ߛߊ߲ߡߊ߫ ߗߋߦߊߟߌ ߟߊߣߐ߰ߦߊ ߝߙߍ߬ ߞߎߘߊ ߘߏ߫ ߘߌ߫.
ߞߟߍ߬ߞߍ߬ ߞߎߟߎ߲ߞߎߟߎ߲߫ ߝߌ߬ߟߊ߬߸ ߊ߰ ߝߐ߫ ߟߊ߫ ߡߍ߲ ߠߎ߬ ߡߊ߬ ߞߏ߫ ߞߖ߭ߌߟߋߟߑߡߊ߸ ߏ߬ ߟߎ߫ ߟߋ߬ ߛߋߣߍ߲߫ ߟߊߘߊ߲߫ ߠߊ߫ ߕߙߎߞߌ߫ ߓߟߏ߫߸ ߞߵߊ߬ ߟߊߜߊ߲߫ ߣߌ߫ ߓߌ߬ߟߊ߬ߒ߬ߘߐ߬ ߜߘߍ߫ ߛߌ߫ ߕߍ߫߸ ߞߵߊ߬ ߟߊߦߟߍ߬ ߛߊ߲ߡߊ߬ ߟߊ߬ߓߏ߬ߙߟߌ߬ߟߊ߫ ߕߴߊ߬ ߞߣߐ߫߸ ߝߏ߫ ߦߟߌߟߊ߲ߘߌߦߊ߫ ߝߙߍ ߡߍ߲ ߠߎ߬ ߓߌ߬ߟߊ߬ߣߴߊ߬ ߞߣߐ߫. ߓߍ߯ ߞߊ߬ ߡߍ߲ ߟߐ߲߫ ߞߘߐ߬ߡߊ߲߬߸ ߞߟߍ߬ߞߍ߬ ߛߊ߲ߡߊߞߎߟߎ߲ ߠߎ߬ ߟߋ߬ ߦߋ߲߬߸ ߟߊ߬ߓߏ߬ߙߟߌ߬ߟߊ߫ ߕߍ߫ ߡߍ߲ ߠߎ߬ ߟߊ߫، ߓߊ߬ߙߌ߬ ߞߎߟߎ߲ߞߎߟߎ߲߸ ߏ߬ ߝߟߐ ߟߋ߬ ߕߋ߲߬.
ߊ߬ ߓߊ߯ߙߊ ߞߍ߫ ߘߊ߫ ߕߙߎߞߌ߫ ߓߊߦߌߞߊߙ ߥߊߟߌߘߊ ߟߋ߬ ߓߟߏ߫߸ ߊ߬ߟߎ ߦߋ߫ ߞߎߟߎ߲ߞߎߟߎ߲ ߓߐ߲ߛߐ߲ߘߊ߫ ߞߎߘߊ ߘߏ߫ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߟߊߘߊ߲ߣߍ߲߫ ߦߙߍߞߍߟߌ߫ ߢߊߞߍߣߍ߲ ߠߎ߬ ߞߊ߲ߡߊ߬، ߊ߬ߟߎ߬ ߟߊ߫ ߡߊ߬ߝߟߌ߬ߟߌ ߣߌ߲߬ ߛߋ߲߭ߝߍ߬߸ ߞߎߟߎ߲ߞߎߟߎ߲߫ ߝߌ߬ߟߊ ߢߌ߲߬ ߠߎ߬ ߛߋ߫ ߘߊ߫ ߥߟߌ߬ ߟߊ߫ ߞߋߟߋ߲ߘߌ߫ ߞߵߊ߬ߟߎ߬ ߟߊ߫ ߓߊ߯ߙߊ ߟߎ߬ ߞߍ߫ ߞߋߟߋ߲ߘߌ߫߸ ߓߍ߯ ߛߋ߫ ߘߴߊ߬ ߘߌ߲߬ߞߌ߬ߙߊ߬ ߡߊߡߙߊ߬ ߟߊ߫߸ ߞߵߊ߬ߟߎ߬ ߥߊ߫ ߦߙߐ ߟߎ߬ ߝߣߊ߫ ߘߊ߲߬ߠߊߕߍ߰ ߊ߬ ߕߎ߬ߡߊ߬ ߖߋߞߎ ߟߊ߫.
ߢߍߥߟߊ ߞߏߟߊߕߍ߮ ߘߏ߫ ߟߊ߫ ߝߐߟߌ߫ ߘߐ߫߸ ߞߏ߫ ߓߊ߯ߙߊ ߢߌ߲߬ ߠߋ߬ ߞߍߕߐ߫ ߕߙߎ߬ ߘߌ߫߸ ߊ߬ߟߎ߬ ߘߊ߫ ߛߋ߫ ߗߋߦߊߟߌ ߘߏ߫ ߟߎ߫ ߞߍ߫ ߟߊ߫ ߛߊ߲ߝߍ߬ ߞߊ߲ߞߋ߫ ߘߍߣߍ߲ߒߖߘߍ߬ߟߊ ߟߎ߬ ߟߊ߫߸ ߞߊ߬ ߘߏ߫ ߓߐ߫ ߡߐ߱ ߕߊ ߖߐ߬ߘߐ ߟߊ߫߸ ߞߊ߬ ߕߊ߬ߡߌ߲߬ ߞߏ ߟߎ߬ ߝߊ߲߬ߞߊ ߟߊߥߙߊ߬ ߟߊ߫.
ߣߌ߲߬ ߠߵߊ߬ ߦߌ߬ߘߊ߬ ߟߊ߫ ߞߏ߫ ߕߙߎߞߌ߫ ߦߋ߫ ߖߡߊ߬ߣߊ߬ ߟߎ߫ ߟߋ߬ ߞߊ߲߬ ߕߋ߲߬߸ ߡߍ߲ ߠߎ߬ ߦߋ߫ ߣߊ߲߬ߝߟߏ ߖߍ߬ߘߍߖߍ߬ߘߍ ߘߏ߲߬ ߠߊ߫ ߞߟߍ߬ߡߎ߬ߙߊ߲߬ ߞߏ ߘߟߊ߫ ߛߋߒߞߏߟߦߊ ߘߊߞߎ߲ ߘߐ߫߸ ߛߴߊ߬ߟߎ߬ ߘߌ߫ ߛߴߊ߬ߟߎ߬ ߘߍ߲߫ ߠߴߊ߬ߟߎ߫ ߖߘߍ߬ ߟߊ߫߸ ߊ߬ ߣߌ߫ ߞߊ߬ ߛߋ߫ ߞߏ ߟߎ߬ ߞߍߢߊ߫ ߞߘߐ߬ߡߊ߲ ߠߎ߬ ߡߊߝߊ߬ߟߋ߲߬ ߠߊ߫߸ ߞߊ߬ ߛߊ߲ߘߐ߫ ߞߟߍ ߝߍ߬ߙߍ ߟߎ߬ ߢߊߞߎߘߦߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
