ߞߊߙߏ߫ ߞߋߟߋ߲߫ ߣߌ߫ ߞߐ߫ ߟߞߊ߬ߙߊ߲߬ߠߌ߲ ߝߛߏ߬ߝߛߊ ߞߐ ߘߐ߫߸ ߟߞߊ߬ߙߊ߲߬ߠߌ߲ ߕߐ߰ߕߐ߰ߟߌ߬ߟߊ ߟߎ߬ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߴߊ߬ߟߎ߬ ߟߊ߫ ߝߎ߬ߙߎ߲߬ߞߎ߬ߟߌ߬ ߞߏ ߟߊߘߎ߲߫߸ ߡߍ߲ ߛߌ߰ ߘߴߊ߬ߟߎ߬ ߓߟߏ߫ ߛߋ߲߬ߠߊ߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߭ ߡߊ߬، ߡߙߌߘߐ ߏ߬ ߕߊ߬ ߘߊ߫ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߢߌ߲߬ ߠߋ߬ ߡߊ߬߸ ߞߵߊ߬ ߕߎ߬ߙߎ ߞߍ߫ ߓߍ߲߬ߞߊ߲ ߘߏ߫ ߞߟߊ߬ߣߐ߬ߦߊ ߘߌ߫ ߞߎ߲߬ߠߊ߬ߛߌ߮ ߣߌ߫ ߕߐ߰ߕߐ߰ߟߌ߬ߟߊ ߟߎ߬ ߕߍ߫߸ ߏ߬ ߟߋ ߞߊ߬ ߛߌߟߊ ߟߊߞߊ߬߸ ߞߏ߫ ߞߊ߬ߙߊ߲ ߦߋ߫ ߘߊߡߌ߬ߣߊ߬ ߓߌ߲ߠߊߥߎߟߋ߲ ߕߟߋ߬ ߅ ߡߊ߬ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫.
ߜߟߍ߬ߦߊ ߡߍ߲ ߕߍ߬ߘߍ߫ ߖߌ߬ߣߍ߫ ߟߞߊ߬ߙߊ߲߬ߠߌ߲ ߘߐ߫ ߞߎ߲߬ߢߐ߲߰ ߘߊ߲ߘߐ ߣߌ߲߬ ߞߣߐ߫߸ ߏ߬ ߓߘߊ߫ ߛߴߊ߬ ߞߎ߲߬ߘߏ߲ ߡߊ߬ ߡߎ߬ߕߎ߲߬، ߓߊߏ߬߸ ߟߞߊ߬ߙߊ߲߬ߠߌ߲ ߕߐ߰ߟߌ߬ߘߊ߬ ߟߊߞߊ߬ߝߏ߬ߣߍ߲ ߡߍ߲ ߠߎ߬ ߦߋ߫ ߟߊ߬ߞߟߏ߬ߞߟߏ߬ߟߌ ߕߐ߰ߕߐ߰ߟߌ߬ߘߊ߬ ߓߊ߯ߙߊߟߞߊ ߟߎ߬ ߟߊ߫ ߞߙߎߝߊ (FSPE) ߊ߬ ߣߌ߫ ߖߌ߬ߣߍ߫ ߕߌߙߌ߲ߠߌ߲ߠߊ ߟߎ߬ ߣߴߊ߬ ߟߞߊ߬ߙߊ߲߬ߠߌ߲߬ߠߊ ߟߎ߬ ߟߊ߫ ߕߐ߰ߕߐ߰ߟߌ߬ߘߊ߬ ߟߊߓߌ߬ߟߊ߬ߣߍ߲ (SLECG)، ߊ߬ ߣߌ߫ ߝߊ߬ߛߏ ߟߊ߬ߞߟߏ߬ߞߟߏ߬ߟߌ ߕߐ߰ߕߐ߰ߟߌ߬ߘߊ (SNE)، ߏ߬ ߟߎ߬ ߞߊ߲߫ ߞߏ߫ ߊ߬ߟߎ߫ ߞߵߊ߬ ߝߐ ߡߍ߲ߞߍ߬ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߭ ߡߊ߬߸ ߞߏ߫ ߊ߬ߟߎ߬ ߓߘߊ߫ ߝߘߏ߬ߓߊ߬ ߝߎߙߎ߲ߞߎߟߌ߫ ߘߊ߲߬ߓߊߟߌ ߛߌ߰ ߛߋ߲߬ߠߊ߫، ߒ߬ߓߊ߬߸ ߞߏ߫ ߝߎ߬ߙߎ߲߬ߞߎ߬ߟߌ߬ ߞߏ ߏ߬ ߓߘߊ߫ ߟߊߘߎ߲߫.
ߡߙߌߘߐ ߏ߬ ߕߊ߬ ߘߊ߫ ߝߘߏ߬ߓߊ߬ ߜߙߊ ߟߋ߬ ߘߐ߫ ߊ߬ߟߎ߬ ߓߟߏ߫ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߃ ߡߊ߬ ߣߐ߲ߜ߭ߐ߫߸ ߞߐߣߊߞߙߌ߫ ߛߏ ߞߣߐ߫، ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߞߍ߫ ߘߊ߫ ߟߋ߬߸ ߞߵߊ߬ ߛߐ߬ߘߐ߲߬ ߕߐ߰ߕߐ߰ߟߌ߬ߟߊ ߟߎ߬ ߟߊ߫ ߞߏߟߊߕߍ߮ ߟߎ߬ ߕߍ߬ߘߍ߫ ߦߋ߲߬߸ ߊ߬ ߣߌ߫ ߟߞߊ߬ߙߊ߲߬ߠߌ߲߬ߠߊ߬ ߛߌߦߊߡߊ߲߫߸ ߏ߬ ߞߍ߫ ߘߊ߫ ߓߍ߲߬ߞߊ߲ ߞߟߊ߬ߣߐ߬ߦߊ ߞߐ ߕߎ߬ߡߊ߬ߙߋ߲߬ ߘߊ߲ߘߐ ߟߋ߬ ߡߊ߬߸ ߕߐ߬ߕߐ߰ߟߌ߬ߟߊ ߟߎ߬ ߣߌ߫ ߖߌ߬ߣߍ߫ ߞߎ߲߬ߠߊ߬ߛߌ߮ ߕߍ߫.
ߊ߬ߟߎ߬ ߟߊ߫ ߟߊ߬ߛߋ߬ߟߌ ߘߐ߫߸ ߕߐ߰ߕߐ߰ߟߌ߬ߟߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߟߊ߬ߘߎ߲߬ߠߌ߲ ߣߌ߲߬ ߞߍߣߴߊ߬ߟߎ߬ ߓߟߏ߫ <<ߕߐ߰ߕߐ߰ߟߌ߬ߘߊ߬ ߟߊߞߊ߬ߝߏ߬ߣߍ߲ ߠߎ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߓߍ߲߬ߞߊ߲ ߞߟߊ߬ߣߐ߬ߦߊ ߞߏߛߐ߲߬.>> ߏ߬ ߟߋ ߣߐ߬ ߘߊ߲߭ߛߌ߰ ߟߊ߫ ߡߊ߬ߝߐ߬ߦߌ߲߬ߝߐ߬ߦߌ߲߬ߠߌ߲߬ ߕߏ߯ߝߏ ߓߍ߯ ߟߊ߫߸ ߏ߬ ߡߍ߲ ߕߎ߲߬ ߓߘߊ߫ ߟߊ߬ߡߊ߮ ߘߏ߲߬ ߞߊ߬ߙߊ߲ ߢߍߥߟߊ ߘߐ߫ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫، ߘߐ߬ߛߙߋ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߞߏ߫߸ ߡߙߌߘߐ ߣߌ߲߬ ߡߍ߲ ߦߋ߫ ߣߌ߲߬߸ ߛߐ߲߬ ߞߍߣߴߊ߬ ߡߊ߬ ߕߐ߬ߕߐ߰ߟߌ߬ߘߊ ߞߏߟߊߕߍ߮ ߟߋ߬ ߓߟߏ߫.
ߕߐ߰ߕߐ߰ߟߌ߬ߟߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߟߞߊ߬ߙߊ߲߬ߠߌ߲߬ߠߊ ߟߎ߫ ߝߏ߬ ߟߊ߫߸ ߊ߬ߟߎ߬ ߟߊ߫ ߓߐߟߌ߫ ߞߐߟߌߞߐߟߌ ߟߎ߬ ߞߏߛߐ߲߬ ߝߎ߬ߙߎ߲߬ߞߎ߬ߟߌ ߞߎ߲߬ߕߊ߮ ߞߣߐ߫، ߊ߬ߟߎ߬ ߓߊ߲߫ ߘߊ߫ ߞߊ߬ ߟߊ߬ߞߟߏ߬ߞߟߏ߬ߟߌ߬ߟߊ ߟߎ߫ ߝߏ߬߸ ߊ߬ߟߎ߬ ߞߍ ߘߐ߫ ߞߊ߬ ߝߎ߬ߙߎ߲߬ߞߎ߬ߟߌ ߟߊߓߊ߬ߕߏ߬ <<ߡߊ߬ߛߌ߬ߟߊ߲߬ߠߌ߲ ߣߌ߫ ߡߊ߬ߓߊ߰ߓߊ߰ߟߌ ߟߎ߬ ߣߴߊ߬ ߕߊ߫.>> ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߞߍ ߡߍ߲ ߞߍ߫ ߘߊ߫ ߞߋߟߋ߲߫ ߘߌ߫ ߕߏ߰ߝߏ ߣߌ߲߬ ߘߐ߫߸ ߓߍ߯ ߞߍ ߞߵߊ߬ ߟߐ߲߫ ߞߏ߫ <<ߛߍ߬ߘߏ߲߬ ߓߘߍ>> ߟߋ߬߸ ߏ߬ ߟߋ ߣߐ߬ ߊ߬ߟߎ߬ ߛߋ߫ ߟߊ߫ ߣߌ߲߬ ߡߊ߬.
ߏ߬ ߟߋ ߘߐ߫߸ ߊ߬ߟߎ߬ ߞߊ߲߫ ߞߏ߫ ߖߡߊ߬ߣߊ ߟߞߊ߬ߙߊ߲߬ߠߌ߲߬ߠߊ ߟߎ߬߸ ߓߍ߯ ߟߊߘߍ߬ߣߍ߲ ߦߋ߫ ߞߊ߬ߙߊ߲ ߘߊߡߌ߬ߣߊ߫ ߞߐ߬ߓߊ߬ߟߏ߲ ߣߊ߬ߕߐ ߂߀߂߆ ߓߌ߲ߠߊߥߎߟߋ߲ ߕߟߋ߬ ߅ ߡߊ߬ ߈ߙߋ߲߸ ߖߌ߬ߣߍ߫ ߖߡߊ߬ߣߊ ߝߊ߭ ߓߍ߯ ߘߐ߫، ߞߎ߲߬ߢߐ߲߰ ߦߙߌߞߊ߫ ߓߊ߬ߛߊ߲ ߞߐߝߍ߬ ߟߞߊ߬ߙߊ߲߬ߠߌ߲ ߘߐ߫߸ ߞߎߡߊ߫ ߞߋߟߋ߲ ߣߌ߲߬ ߓߘߊ߫ ߣߊ߬ ߘߊ߲߭ߛߌ߰ ߏ߬ ߞߏ ߟߎ߬ ߟߊ߫ ߕߋ߲߬ ߝߛߊߦߌ߫.
ߒ߬ߓߊ߬߸ ߊ߬ߟߎ߬ ߓߊ߲ ߞߐ ߊ߬ ߦߌ߬ߘߊ߬ ߟߊ߫ ߞߏ߫ ߊ߬ߟߎ߬ ߓߘߊ߫ ߛߐ߲߬ ߘߊߘߐߖߊߥߏ ߞߣߐߞߏ ߟߎ߫ ߡߊ߬߸ ߞߊ߬ ߞߊ߬ߙߊ߲ ߘߊߡߌ߬ߣߊ߬ ߞߏ ߝߐ߫، ߛߌ߰ ߞߍߣߍ߲߫ ߞߊ߬ ߡߎ߲߬ ߡߊߞߐ߬ߣߐ߲߬ ߛߍߣߍ߲߬߸ ߏ߬ ߟߋ ߞߎ߲߬ߠߊ߬ߛߌ߮ ߟߊ߫ ߞߎߡߊ߫ ߝߐߣߍ߲ ߠߎ߬ ߡߊߞߐ߬ߣߐ߲ ߘߌ߫߸ ߣߴߊ߬ߟߎ߬ ߘߌ߫ ߞߍ߫ ߦߏ߫ ߊ߬ ߝߐ߫ ߘߊ߫ ߢߊ ߡߍ߲ ߡߊ߬߸ ߖߐ߲߰ߛߊ߫ ߞߛߌ߫ ߘߌ߫ ߞߍ߫ ߜߟߍ߬ߦߊ߬ ߜߘߍ߫ ߟߎ߫ ߡߊ߬ ߞߊ߬ߙߊ߲߬ ߞߏ ߘߐ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
