ߞߐߣߊߞߙߌ߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߓߋߟߋ߲ ߓߘߴߊ߬ ߟߊߛߋ߫ ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߂߀߂߆ ߓߌ߲ߠߊߥߎߟߋ߲ ߕߟߋ߬ ߆߸ ߞߏ߫ ߞߑߟߏߘ ߔߌ߯ߝ߭ߌ߫ ߓߘߊ߫ ߝߊߕߏ߫߸ ߊ߬ߟߋ ߡߍ߲ ߖߊ߲߬ߞߌ߬ߣߍ߲߫ ߕߘߍ߬ ߥߛߎ߫ ߘߎߡߊߣߍ߲ ߠߊ߫߸ ߡߐ߰ߦߊ ߞߎ߲߬ߞߏ߬ߓߊ߬ߕߐ߬ߦߊ ߞߏߛߐ߲߬ ߂߀߀߉ ߕߎߟߊߝߌ߲ ߂߈ ߖߊ߲߬ߖߏ߲ ߘߐ߫، ߘߊ߲ߘߊߟߌ ߛߎ߬ߝߊ߬ߘߌ߬ߟߊ߬ߕߋ߬ ߞߏ ߖߊ߬ߡߊߙߌ ߓߘߊ߫ ߘߌ߫ ߞߕߌߘߊ ߓߟߏ߫߸ ߛߴߊ߬ ߟߊ߫ ߛߊ߬ߦߊ ߞߍߢߊ߫ ߖߐ߲ߖߐ߲ ߘߌ߫ ߟߐ߲߫.
ߝߘߏ߬ߓߊ߬ ߞߕߌߞߊ߲ߘߊ ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ ߘߏ߫ ߞߍ߫߸ ߞߏ߫ ߘߌ߬ߞߑߛߌߣ ߞߕߌߘߊ ߦߌߟߡߊ߫ ߝߟߐ ߞߊ߬ ߞߑߟߏߘ ߔߌ߯ߝ߭ߌ߫ ߡߍ߲ ߖߊ߲߬ߞߌ߲߫ ߞߎ߲߬ߞߏ߬ߓߊ߬ߕߐ߬ߦߊ߬ ߞߕߌ ߝߙߍߕߍ߫ ߀߁߉ ߟߊ߫ ߂߀߂߄ ߞߊ߬ߙߌ߬ߝߐ ߕߟߋ߬ ߃߁ ߡߊ߬، ߊ߬ ߖߊ߲߬ߞߌ߬ ߘߊ߫ ߡߐ߰ߦߊ ߞߎ߲߬ߞߏ߬ߓߊ߬ߕߐ߬ߦߊ ߟߋ߬ ߞߏߛߐ߲߬߸ ߞߵߊ߬ ߓߍ߲߬ ߂߀߀߉ ߕߎߟߊߝߌ߲ ߂߈ ߖߊ߲߬ߖߏ߲ ߡߊ߬ ߕߏ߬ߟߊ߲߬ߕߊ߲߬ ߓߙߊ ߘߐ߫ ߞߐߣߊߞߙߌ߫، ߊ߬ ߞߕߌ߫ ߘߊ߫ ߏ߬ ߟߋ ߘߐ߫ ߞߵߊ߬ ߓߌ߬ߟߊ߬ ߥߛߎ߫ ߘߎߡߊߣߍ߲ ߠߊ߫߸ ߘߊ߫ ߕߍ߫ ߓߌ߬ߟߊ߬ ߟߊ߫ ߡߍ߲ ߘߐ߫ ߝߏ߫ ߛߊ߲߭ ߡߎ߬ߥߊ߲ ߣߌ߫ ߟߏ߯ߟߎ߫.
ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߔߌ߯ߝ߭ߌ߫ ߞߵߊ߬ ߔߏ߬ߘߏ߲߬ߞߌ߬ ߥߛߎ ߟߊ߫ ߟߋ߬߸ ߊ߬ ߡߌ߬ߣߊ߬ ߘߊ߫ ߏ߬ ߞߐ ߘߐ߫ ߞߵߊ߬ ߟߊߘߏ߲߬ ߥߛߎ ߟߊ߫ ߂߀߂߄ ߕߎߟߊߝߌ߲ ߕߟߋ߬ ߁߉ ߡߊ߬߸ ߞߵߊ߬ ߟߊߘߏ߲߬ ߞߐ߰ߦߊ߬ ߥߛߎߖߌ߲ ߠߊ߫، ߊ߬ ߟߊ߫ ߥߛߎ ߞߎ߲߬ߕߊ߮ ߏ߬ ߞߣߐ߫߸ ߖߊ߲߬ߞߊ߬ߙߏ߬ ߛߌߦߊߡߊ߲߫ ߠߋ߬ ߕߍ߬ߘߍ߫ ߊ߬ ߞߊ߲߬߸ ߡߍ߲ ߠߎ߬ ߕߎ߲߬ ߓߘߊ߫ ߘߌ߯ ߊ߬ ߟߊ߫߸ ߗߊߥߎ߲ ߦߴߏ߬ ߘߏ߫ ߟߋ߬ ߘߌ߫߸ ߊ߬ ߣߌ߫ ߖߋ߬ߟߌ߬ߞߐ߬ߕߊ߲ ߣߌ߫ ߝߛߊ߬ ߖߊ߲ߞߊߙߏ ߟߎ߬، ߏ߬ ߞߏߛߐ߲߬߸ ߊ߬ ߕߘߍ߬ ߘߊ߲ߘߊߟߌ ߟߋ߬ ߘߊߞߘߐ߫ ߛߐ߲߬ ߞߘߊߎ߫.
ߞߕߌߓߋߟߋ߲ ߠߊ߫ ߝߐߟߌ߫ ߘߐ߫߸ ߞߑߟߏߘ ߔߌ߯ߝ߭ߌ߫ ߟߊ߫ ߘߊ߲ߘߊߟߌ ߡߊ߫ ߓߐ߫ ߊ߬ ߛߌߟߊ ߝߍ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫߸ ߊ߬ ߟߊ߫ ߟߌߞߐ߮ ߖߌ߰ ߘߊ߫ ߞߏߖߎ߯ߦߊ߫߸ ߞߵߊ߬ ߟߊ߫ ߖߊ߲߬ߞߊߙߏ ߜߟߍ߬ߦߊ߬، <<ߘߊ߲ߘߊߟߌ ߛߙߊߕߌ ߟߎ߬ ߡߝߊߓߊߟߌߦߊ ߞߍ߫ ߘߊ߫ ߕߙߎ߬ ߘߌ߫߸ ߞߵߊ߬ ߟߊ߫ ߟߌߞߐ߮ ߖߌ߰ ߂߀߂߆ ߓߌ߲ߠߊߥߎߟߋ߲ ߕߟߋ߬ ߄ ߡߊ߬߸ ߊ߬ ߕߊ߬ ߘߊ߫ ߞߊߟߌߦߊ߫ ߘߐ߫ ߏ߬ ߟߋ ߘߐ߫ ߞߵߊ߬ ߟߊߣߊ߬ ߣߊ߲߬ߕߌ߰ ߘߊ߲ߘߊߛߏ ߟߊ߫ ߘߊ߯ ߛߊ߭ߡߏ߬ߙߌ߬ ߕߎ߬ߙߋ.>> ߟߊ߬ߛߋ߬ߟߌ ߞߵߏ߬ ߟߋ ߝߐ߫ ߞߵߊ߬ ߟߊߕߍ߰.
ߕߋ߬ߟߋ߫ ߝߌ߬ߟߊ߬ ߘߊ߲ߘߊߟߌ߫ ߤߏߞߌ ߞߐ ߘߐ߫߸ ߊ߬ ߝߊߕߏ߫ ߘߊ߫ ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߓߌ߲ߠߊߥߎߟߋ߲ ߕߟߋ߬ ߆، <<ߥߛߎߟߊߘߋ߲ ߛߊ߬ ߘߊ߫ ߓߌ߬ ߢߐ߲߰ ߟߏ߲߫ ߠߋ߬߸ ߞߵߊ߬ ߕߏ߫ ߜߘߎ ߘߐ߫ ߟߌߞߐ߯ߘߐߦߊߕߜߋ ߞߏߛߐ߲߬߸ ߊ߬ ߘߊ߲ߘߊߓߊ߮ ߟߊ߫ ߝߐߟߌ߫ ߘߐ߫.>> ߞߕߌߓߋߟߋ߲ ߠߋ߬ ߞߊ߲߫ ߕߋ߲߬.
ߞߵߊ߬ ߓߍ߲߬ ߛߊ߬ߙߌ߬ߦߊ߬ ߟߊ߫ ߞߏ߫ ߟߊߕߊ߯ߡߊ߫ ߢߊ ߟߎ߫ ߡߊ߬߸ ߊ߬ ߣߌ߫ ߕߎ߬ߢߊ ߟߊߓߐ ߞߏߛߐ߲߬ ߜߍߟߊ߫߸ ߊ߬ ߓߘߊ߫ ߝߐ߫ ߞߏ߫ ߞߵߊ߬ ߛߊ߬ ߢߊ ߢߊߢߌߣߌ߲߫߸ ߏ߬ ߖߊ߬ߡߊߙߌ ߓߘߊ߫ ߘߌ߫ ߞߐ߰ߦߊ߬ ߞߕߌߘߊ ߦߌߟߡߊ߫ ߝߟߐ ߞߊ߲ߓߍ߲ ߞߕߌߞߊ߲ߘߊ ߓߟߏ߫߸ ߛߴߊ߬ ߟߊ߫ ߛߊ߬ߦߊ ߞߍߢߊ߫ ߖߐ߲ߖߐ߲ ߘߌ߫ ߟߐ߲߫، ߝߘߏ߬ߓߊ߬ ߞߕߌߓߋߟߋ߲ ߞߊ߲߫ ߞߏ߫ ߣߌ߫ ߡߍ߲ ߓߐ߫ ߘߴߏ߬ ߢߊߢߌߣߌ߲ߠߌ߲ ߘߐ߫߸ ߏ߬ ߘߌߣߊ߬ ߞߍ߫ ߊ߬ ߕߊ߫ ߟߊ߬ߛߋ߬ߟߌ߬ ߓߟߏߡߊߞߊ߬ߣߍ߲߬ ߘߌ߫.
ߊ߬ߟߎ߬ ߟߊ߫ ߟߊ߬ߛߋ߬ߟߌ ߘߐ߫߸ ߞߕߌߘߊ ߞߵߊ߬ ߟߊߓߊ߲ ߞߍ߫ ߛߊ߲߬ߞߊ߬ ߝߏߟߌ ߟߋ߬ ߘߌ߫ ߛߊ߬ߓߊ߰ߕߐ ߞߐߙߍ ߡߊ߬߸ ߊ߬ ߣߌ߫ ߖߌ߬ߣߍ߫ ߡߌ߬ߙߌ߲߬ߘߌ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
