ߖߌ߬ߣߍ߬ ߟߊ߫ ߛߋߓߊ߯ߦߊ ߛߐ߬ߘߐ߲߬ߣߍ߲ ߞߐ ߘߐ߫ ߂߀߂߅ ߞߏߟߌ߲ߞߏߟߌ߲߫ ߕߋ߬ߟߋ߫ ߂߈ ߞߊ߲ߕߌ߯ ߢߣߊߕߊߟߌ ߘߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߖߐ ߟߋ߬ ߝߍ߬ ߖߡߊ߬ߣߊ ߞߣߐ߫߸ ߝߊ߲߬ߞߊߛߌ߬ߣߊ ߛߋߟߎ߫ ߘߊߟߍ߲߬ ߖߊߟߏ߫ ߓߘߴߊ߬ ߦߌ߬ߘߊ߬ ߞߏ߫ ߊ߬ ߦߴߊ߬ ߝߍ߬ ߞߊ߬ ߞߎߡߊߢߐ߲߯ߦߊ ߘߏ߫ ߞߍ߫߸ ߡߍ߲ ߟߊ߬ߢߌߣߌ߲ ߦߴߊ߬ ߛߋ߬ߦߌ߲ ߘߌ߫ ߓߍ߯ߦߊ ߞߣߐ߫߸ ߓߊ߬ߙߌ߫߸ ߊ߬ ߞߊ߲߫ ߞߏ߫ ߖߡߊ߬ߣߊ ߡߊ߫ ߛߋ߬ߦߌ߲߬ ߓߍ߯ߦߊ߫ ߞߣߐ߫ ߞߊ߲ߕߌ߯ ߢߣߊߕߊߟߌ ߘߐ߫.
ߊ߬ߟߋ ߞߊ߬ ߡߍ߲ ߝߐ߫߸ ߞߏ߫ ߘߐ߬ߕߊߡߌ߲ ߠߋ߬ ߞߎ߲߬ߘߐߖߊ߲߰ߧߊ߫ ߘߊ߫߸ ߓߍ߯ ߞߵߊ߬ ߟߐ߲߫ ߞߏ߫ ߞߊ߬ ߛߌ߰ߞߊ߬ߝߐ ߞߍ߫ ߓߘߍ߬ߓߘߍ߬ߟߌ ߞߏߢߊ ߟߎ߬ ߞߊ߲߬߸ ߏ߬ ߦߋ߫ ߊ߬ߟߋ ߟߊ߫ ߟߊ߬ߢߌߣߌ߲ ߠߋ߬ ߘߌ߫ ߞߊ߬ߦߌ߯ ߥߊ߯ߕߌ߫ ߖߊ߲߫߸ ߓߊ߬ߙߌ߫߸ ߊ߬ߟߎ߬ ߡߊ߫ ߛߐ߲߬ ߏ߬ ߡߊ߬߸ <<ߒߠߋ ߘߌ߫ ߛߋ߫ ߕߊ߬ߟߌ ߞߍ߫ ߟߊ߫ ߞߎߡߊߢߐ߲߯ߦߊ ߟߎ߬ ߟߋ߬ ߞߣߐ߫߸ ߣߌ߫ ߟߊ߬ߢߌߣߌ߲ ߞߍ߫ ߘߊ߫ ߖߡߊ߬ߣߊ ߟߊߛߊ߬ߦߌ߲ ߘߌ߫ ߓߍ߯ߦߊ ߞߣߐ߫ ߞߊ߬ߣߌ߲߬.
ߞߊ߬ ߡߐ߱ ߟߎ߬ ߟߊ߫ ߞߍߒߖߘߍߘߌ ߘߴߊ߬ߟߎ߫ ߡߊ߬߸ ߊ߬ ߣߌ߫ ߞߊ߬ ߊߘߡߊߘߋ߲ ߠߎ߬ ߤߊߞߍ ߟߎ߬ ߟߊߞߊ߲ߘߊ߫߸ ߣߴߏ߬ ߞߍ߫ ߘߊ߫߸ ߒߠߋ ߘߌ߫ ߛߋ߫ ߕߊ߬ߟߌ ߞߍ߫ ߟߊ߫ ߏ߬ ߟߋ߬ ߘߐ߫߸ ߓߊ߬ߙߌ߫߸ ߡߐ߱ ߟߎ߬ ߟߊ߫ ߞߍߒߖߘߍߘߌ ߕߴߊ߬ߟߎ߬ ߓߟߏ߫߸ ߓߍ߯ߦߊ߫ ߝߣߊ߫ ߕߍ߫ ߦߋ߲߬، ߊ߬ߟߎ߫ ߦߴߊ߬ ߟߐ߲߫߸ ߞߏ߫ ߖߡߊ߬ߣߊ ߢߣߊߕߊߟߌ߫ ߕߊ߬ߡߌ߲߬ߣߍ߲ ߠߎ߬ ߘߐ߫߸ ߢߣߊߕߊߟߌ߫ ߖߍ߬ߘߍ ߡߊ߫ ߞߍ߫߸ ߖߡߊ߬ߣߊ߬ߘߋ߲ ߠߎ߬ ߡߊ߫ ߓߐ߫ ߞߊ߬ ߥߊ߫ ߢߣߊߕߊߟߌ߫ ߞߍ߫.
ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߖߊ߬ߕߋ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߡߐ߰ ߛߌߦߊߡߊ߲߫ ߓߐ߫ ߘߊ߫ ߟߋ߬ ߞߊ߬ ߕߊ߯ ߢߣߊߕߊߟߌ ߞߍ߫߸ ߓߊ߬ߙߌ߫߸ ߞߊ߲ߕߌ߯ ߦߴߊ߬ ߞߊ߬ߟߊߡߊ߬ ߕߊߦߌ߫߸ ߞߏ߫ ߊ߬ ߡߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߊ߲ ߛߐ߬ߘߐ߲߬߸ ߟߐ߬ߛߋ߲߬ ߝߏߛߌ߬ ߟߋ߬ ߕߍ߫ ߝߊ߲߬ߞߊ ߟߊ߫߸ ߊ߬ ߘߌ߫ ߛߋ߫ ߓߋ߬ ߟߊ߫ ߟߏ߲߫ ߣߴߊ߬ ߣߊ߬ߕߐ ߟߎ߬ ߘߐ߫߸ ߊ߲ ߘߌ߫ ߛߋ߬ߦߌ߲߬ ߓߍ߯ߦߊ ߞߣߐ߫߸ ߓߊ߬ߙߌ߫߸ ߊ߬ߟߎ߬ ߟߊ߫ ߘߐ߬ߕߊߡߌ߲ ߠߋ߬ ߞߎ߲߬ߘߐߖߊ߲߰ߧߊ߫ ߘߊ߫>> ߝߊ߲߬ߞߊߛߌ߬ߣߊ ߛߋߟߎ߫ ߘߊߟߍ߲߬ ߖߊߟߏ߫ ߟߋ߬ ߞߊ߲߫ ߕߋ߲߬.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
