ߞߊ߲ߞߊ߲߫ ߦߋ߫ ߛߎ߬ߣߎ߲ ߠߋ߬ ߘߐ߫ ߕߋ߲߬߸ ߞߵߊ߬ ߛߊߓߎ ߞߍ߫ ߡߏ߬ߛߏ ߘߏ߫ ߓߐ߬ߣߐ ߘߴߊ߬ ߣߌ ߘߐ߫߸ ߡߍ߲ ߕߐ߯ ߡߊߙߌߦߊߡ ߞߐ߲ߘߍ߫، ߊ߬ߟߋ ߘߐߓߛߏ߫ ߘߊ߫ ߘߎ߲߬ߘߎ߬ߡߊ߬ ߘߊ߲ߘߊߟߌ߫ ߓߏ߲ ߘߏ߫ ߟߋ߬ ߟߊ߫ ߡߌߛߌ߬ߙߊ߲߫ ߞߌ߲߬ߘߊ ߟߊ߫߸ ߛߊ߬ߦߊ ߞߵߊ߬ ߡߊߛߐ߬ߘߐ߲߫ ߘߐ߬ߓߛߏ߬ߟߌ ߏ߬ ߟߋ ߞߐ ߘߐ߫ ߛߊ߫، ߟߌ߬ߤߟߊ ߏ߬ ߡߍ߲ ߔߘߋߔߘߋߟߊߕߍ߰ ߘߊ߫ ߞߊ߲ߞߊ߲߫ ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߗߋߕߌ߮ ߓߟߏ߫߸ ߞߏ߲߬ߓߏ ߝߊ߬ߝߏߘߋ߫ ߞߐ߲ߘߍ߫.
ߟߌ߬ߤߟߊ߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߡߏ߬ߛߏ ߣߌ߲߬ ߦߋ߫ ߟߊߟߊ߫ ߟߊ߫ ߞߊ߲ߞߊ߲߫ ߕߌ߲߬ߞߎߘߎ߲ ߘߊ߲ߘߊߛߏ ߟߊ߫ ߕߎ߬ߡߊ ߡߍ߲߸ ߏ߬ ߞߵߊ߬ ߛߐ߬ߘߐ߲߫ ߠߋ߬ ߊ߬ ߓߘߊ߫ ߟߊ߬ߕߍ߰ ߞߍ߫، ߝߘߏ߬ߓߊ߬ ߗߋߕߌ߮ ߞߍߢߊ ߟߵߏ߬ ߘߌ߫ ߞߊ߬ ߞߍ߲ߘߍߦߊ ߞߏߟߊߕߍ߮ ߟߎ߬ ߟߊߟߐ߲ߠߌ߲߫߸ ߞߵߊ߬ ߦߌ߬ߘߊ߬ ߞߏ߫ ߛߊ߬ߓߊ߰ߕߐ ߘߐߓߛߏ߫ ߘߊ߫ ߘߎ߲߬ߘߎ߬ߡߊ߬ ߘߊ߲ߘߊߛߏ ߘߏ߫ ߟߋ߬ ߟߊ߫ ߡߎߣߎ߲߬߸ ߦߊ߬ߣߴߊ߬ ߕߊ߬ߕߐ߫ ߞߊ߬ ߥߴߊ߬ ߘߌ߫ ߘߊ߲ߘߊߛߏߓߊ ߟߊ߫.
ߞߏ߲߬ߓߏ ߝߊ߬ߝߏߘߋ߫ ߞߐ߲ߘߍ߫ ߞߵߊ߬ ߦߌ߬ߘߊ߬߸ ߞߏ߫: <<ߒ ߠߊߟߐ߲ߠߌ߲߫ ߘߊ߫ ߕߌ߲߬ߞߎߘߎ߲ ߘߊ߲ߘߊߛߏ ߝߘߏ߬ߓߊ߬ ߗߋߕߌ߮ ߓߟߏ߫߸ ߞߏ߫ ߡߏ߬ߛߏ߫ ߖߊ߲߬ߞߊ߬ߙߏ߬ߕߐ ߘߏ߫ ߓߘߊ߫ ߛߴߊ߬ߟߎ߫ ߡߊ߬ ߦߋ߲߬߸ ߡߍ߲ ߕߍ߫ ߟߌ߬ߤߟߊ߬ ߢߌߡߊ߫ ߘߐ߫، ߊ߬ ߘߐߓߛߏ ߞߐ ߘߐ߫ ߘߎ߲߬ߘߎ߬ߡߊ߬ ߘߊ߲ߘߊߟߌ߫ ߓߏ߲ߣߍ߲ ߘߏ߫ ߟߊ߫ ߡߌߛߌ߬ߙߊ߲߫ ߞߌ߲߬ߘߊ ߟߊ߫.>>
ߞߎߡߊ ߏ߬ ߓߊ߲ ߞߐ ߢߊߝߐ߫ ߟߊ߫ ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߗߋߕߌ߮ ߦߋ߫߸ ߜߋߙߋ߲ߜߋߙߋ߲ߧߊ ߝߘߏ߬ߓߊ߬ ߜߋ߬ߟߎ߲߬ߠߌ߲߬ߠߊ ߞߊ߬ ߣߌ߲߬ ߞߏ ߘߐߛߏ߯ߙߋ߫ ߞߏ ߖߊ߬ߡߊߙߌ ߘߴߌߞߘߐ߫، ߏ߬ ߟߋ ߘߐ߫߸ ߊ߬ߟߎ߫ ߞߊ߬ ߘߍ߬ߡߊ߬ ߗߋߦߊߟߌ ߘߏ߫ ߟߊߥߟߌ߬߸ ߡߍ߲ ߘߐߞߍߣߍ߲߫ ߕߌ߲߬ߞߎߘߎ߲ ߜߋߙߋ߲ߜߋߙߋ߲ߧߊ ߜߋ߬ߟߎ߲߬ߠߌ߲߬ߘߊ ߟߊ߫߸ ߊ߬ ߣߌ߫ ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߗߋߕߌ߯ߘߊ߸ ߞߊ߬ ߥߊ߫ ߛߋ߫ ߘߊ߲ߘߊߟߌ߫ ߓߏ߲ߣߍ߲ ߢߌ߲߬ ߠߊ߫ ߡߌߛߌ߬ߙߊ߲߬.
ߊ߬ߟߎ߬ ߛߋ ߦߋ߲߬߸ ߊ߬ߟߎ߫ ߞߵߊ߬ ߛߐ߬ߘߐ߲߬ ߘߊ߲ߘߊߟߌ߫ ߓߏ߲ߣߍ߲ ߘߊ ߕߎ߲߯ߣߍ߲߫.
ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߝߘߏ߬ߓߊ߬ ߗߋߕߌ߮ ߛߎ߬ߣߎ߲߬ߣߍ߲ ߞߵߊ߬ ߦߌ߬ߘߊ߬߸ ߞߏ߫ <<ߊ߲ ߞߊ߬ ߞߊߘߊ߲ ߓߍ߯ ߞߍ߫ ߛߴߊ߲ ߘߌ߫ ߛߋ߫ ߕߊ߲ߓߊ߲ ߞߏߟߊߕߍ߮ ߡߊߛߐ߬ߘߐ߲߬ ߠߊ߫߸ ߊ߬ ߡߊ߫ ߛߋ߫ ߡߊߛߐ߬ߘߐ߲߬ ߠߊ߫ ߝߋߎ߫.>> ߏ߬ ߟߋ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߣߌ߫ ߘߊ߲ߘߊߟߌ߫ ߓߏ߲ߣߍ߲ ߣߌ߲߬ ߘߊ߲ߘߊߟߌߟߊ ߡߊ߫ ߛߋ߫ ߞߏ ߟߎ߬ ߟߊ߫ ߟߊ߫ ߢߐ߲߮ ߘߟߊ߫.
ߜߋߙߋ߲ߜߋߙߋ߲ߧߊ ߞߏߟߊߕߍ߮ ߟߎ߫ ߞߏ߬ߣߌ߲ ߓߘߴߊ߬ߟߎ߬ ߞߊ߲߫ ߘߌ߫߸ ߞߏ߫ ߊ߬ߟߎ߬ ߘߌ߫ ߣߌ߲߬ ߞߏ ߢߊߢߌߣߌ߲߫ ߞߵߊ߬ ߘߐߛߏ߯ߙߋ߫߸ ߛߴߊ߬ߟߎ߬ ߘߴߊ߬ ߞߍߢߊ߫ ߖߐ߲ߖߐ߲ ߟߐ߲߫߸ ߞߊ߬ ߛߊ߬ߦߊ ߕߎ߬ߙߎ ߟߐ߲߫߸ ߊ߬ ߣߌ߫ ߞߵߊ߬ ߡߊߝߟߍ߫ ߣߌ߫ ߘߊ߲ߘߊߟߌ߫ ߓߏ߲ߣߍ߲ ߦߋ߫ ߘߐ߬ߓߛߏ߬ߟߌ ߞߍߢߊ߫ ߛߎ߮ ߏ߬ ߟߎ߫ ߝߊ߬ߘߌ߬ ߢߌߡߊ ߘߐ߫.
<<ߢߊߢߌߣߌ߲ߠߌ߲ ߠߎ߬ ߦߋ߫ ߛߋ߲߬ߠߊ߫، ߞߊ߲߬ߞߎ߬ߡߊ߬ ߞߙߍߞߙߍߣߍ߲߫ ߘߌߣߊ߬ ߞߍ߫ ߊ߬ ߞߏ ߞߊ߲߬߸ ߞߊ߬ ߖߊ߬ߡߊ ߟߊߟߐ߲ߠߌ߲߫ ߞߏ ߞߎ߲߭ߘߏ߲߬ ߢߊ ߟߊ߫.>> ߞߏ߲߬ߓߏ߫ ߝߊ߬ߝߏߘߋ߫ ߞߐ߲ߘߍ߫ ߟߋ߬ ߞߊ߬ ߣߌ߲߬ ߝߐ߫.
ߕߋ߲߭ߕߋ߲߭ ߣߌ߲߬ ߘߐ߫߸ ߟߊ߬ߛߋ߬ߟߌ߬ ߞߟߊߒߞߋ߫ ߡߊ߫ ߞߍ߫ ߊ߬ ߞߏ ߞߊ߲߬ ߡߎߣߎ߲߬ ߞߊ߬߸ ߞߊ߬ ߘߊ߲ߘߊߟߌ ߛߎ߯ߦߊ ߝߐ߫ (ߡߏ߬ߛߏ ߘߐߓߛߏߣߍ߲߫ ߞߎ߲߬ ߞߋߟߋ߲ ߡߍ߲ ߠߊ߫)߸ ߊ߬ ߡߊ߫ ߦߌ߬ߘߊ߬ ߝߣߊ߫ ߣߴߊ߬ ߞߍߓߊ߮ ߣߌ߫ ߓߊ߯ߙߊ߫ ߛߎ߮ ߏ߬ ߞߍߟߌ ߦߊ߫ ߞߊ߲߫߸ ߞߎߡߊߕߍ߫ ߞߵߊ߬ ߟߐ߲߫ ߣߌ߫ ߘߊ߲ߘߊߟߌ߫ ߓߏ߲ߣߍ߲ ߦߋ߫ ߘߐ߬ߓߛߏ߬ߟߌ ߝߊ߬ߘߌ߬ ߘߐ߫ ߛߊ߬ߙߌ߬ߦߊ߬ ߕߊ߫ ߓߟߏ ߡߊ߬ ߞߍ߲ߘߍߦߊ ߡߊ߬ߘߎ߮ ߘߐ߫.
ߡߙߊ߬ߓߊ߰ߘߊ ߜߋߙߋ߲ߜߋߙߋ߲ߧߊ ߗߋߕߌ߮ ߞߊ߬ ߓߍ߲߬ߒ߬ߛߋ߲߬ߡߊ ߣߌ߲߬ ߕߣߐ߬ߓߐ߬߸ ߞߵߊ߬ ߞߊ߲ߠߊߘߌ߫ ߖߡߊ߬ߣߊ߬ߘߋ߲ ߠ߬ߎ ߡߊ߬، ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߴߊ߬ ߞߎ߲߬ߛߌ߲߫ ߘߊ߲ߘߊߟߌ߫ ߓߏ߲߫ ߠߋ߬ ߟߊ߫߸ ߡߍ߲ ߠߊߘߌ߬ߢߍ߬ߣߍ߲߫ ߞߎ߲߬ߠߊ߬ߛߌ߮ ߓߟߏ߫، ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ߫ ߦߙߐ ߡߍ߲ ߠߎ߬ ߦߋ߫ ߦߋ߲߬߸ ߏ߬ ߟߎ߬ ߓߊ߯ߙߊߞߍߟߊ ߟߎ߬ ߓߊ߬߸ ߊ߬ ߣߌ߫ ߓߊ߯ߙߊ߫ ߡߎߙߊ߲ ߠߎ߬ ߓߊ߬߸ ߏ߬ ߟߎ߬ ߓߍ߯ ߓߘߊ߫ ߡߊߞߊ߬ߝߏ߫ ߞߵߊ߬ߟߎ߬ ߛߋߞߏߦߊ ߟߎ߬ ߡߊߞߊ߬ߝߏ߬߸ ߊ߬ ߕߌ߯ߕߌ߯ ߞߊ߲ߞߊ߲߫ ߕߌ߲߬ߞߎߘߎ߲ ߘߊ߲ߘߊߛߏ ߕߊ߬ߣߍ߲ ߞߵߊ߬ ߟߊ߫ ߛߏ ߘߊ߲ߘߊߟߌ߫ ߕߊ߲ߓߊ߲ ߠߎ߬ ߞߊ߲߬.
<<ߒ ߧߋ߫ ߒ ߞߊ߲ߠߊߘߌ߫ ߟߊ߫ ߡߌ߬ߙߌ߲߬ߘߌ ߡߊ߬߸ ߓߍ߯ ߦߴߊ߬ ߖߊ߲߬ߕߏ߬߸ ߞߊ߬ ߕߏ߫ ߥߊ߫ ߟߊ߫ ߘߊ߲ߘߊߟߌ߫ ߦߙߐ߫ ߟߎ߫ ߟߋ߬ ߘߐ߫߸ ߡߍ߲ ߠߎ߬ ߡߊߟߐ߲ߣߍ߲߫ ߞߎ߲߬ߠߊ߬ߛߌ߮ ߓߟߏ߫.>> ߊ߬ ߞߊ߬ ߣߌ߲߬ ߦߙߐ ߡߊߜߟߍ߬ߦߊ߬ ߞߏߛߓߍ߫.
ߦߊ߬ߣߌ߫ ߢߊߢߌߣߌ߲ߠߌ߲ ߠߎ߬ ߞߐߝߟߌ ߟߐ߲ߕߐ߫߸ ߡߊ߬ߛߎߓߊ ߣߌ߲߬ ߓߘߊ߫ ߕߊ߬ߡߌ߲߬ ߘߊ߲ߘߊߟߌ߫ ߓߏ߲ ߠߎ߬ ߟߊ߫ ߞߏ ߓߌ߬ߟߊ߬ ߟߊ߫ ߖߊ߭ ߟߊ߫ ߡߐ߱ ߟߎ߬ ߓߟߏ߫، ߊ߬ߝߐ߫ ߊ߬ߟߎ߬ ߟߊ߫ ߞߏ ߟߎ߬ ߘߝߊߣߍ߲߫ ߓߊ߬߸ ߞߊ߬ ߛߋ߫ ߘߊ߲ߘߊߟߌ ߛߎ߯ߦߊ ߘߏ߫ ߟߎ߫ ߞߍ߫ ߟߊ߫؟ ߒ߬ߓߊ߬߸ ߞߊ߲ߞߊ߲߫ ߞߣߐ߫ ߕߋ߲߭ߕߋ߲߭ ߣߌ߲߬ ߘߐ߫߸ ߢߊ ߡߊߖߌ߰ ߕߎߡߊ ߓߘߊ߫ ߛߴߊ߬ ߞߏ ߝߍ߬، ߓߊߏ߬߸ ߖߊ߲߬ߖߏ߲ ߣߌ߲߬ ߢߐ߲߰ ߜߘߍ߫ ߝߣߊ߫ ߞߍ߫ ߘߊ߫ ߞߎߣߎ߲ߟߏ߲ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߄ ߡߊ߬߸ ߡߍ߲ ߞߊ߬ ߡߛߏ߬ ߞߋߟߋ߲߫ ߝߣߊ߫ ߓߐ߬ߣߐ߫ ߊ߬ ߣߌ ߘߐ߫ ߘߐ߬ߓߛߏ߬ߟߌ ߘߏ߫ ߞߐߝߍ߬، ߏ߬ ߘߐ߫߸ ߝߊ߰ߡߊ ߟߎ߬ ߞߊ߫ ߞߊ߲߫ ߞߵߊ߬ߟߎ߬ ߢߊ ߡߊߖߌ߰ ߊ߬ ߞߏ ߝߍ߬߸ ߞߊ߬ ߖߊ߲߬ߕߏ߬ ߞߍ߫ ߘߎ߲߬ߘߎ߬ߡߊ߬ ߘߊ߲ߘߊߟߌ߫ ߓߏ߲ ߠߎ߬ ߣߴߊ߬ ߓߎ߬ߙߋ ߟߎ߬ ߘߐ߫ ߛߏ ߢߊߝߍ߬߸ ߛߊ߫ ߕߊ߲߬ߞߊ߬ ߘߌ߫ ߞߍ߫ ߣߌ߲߬ ߞߊ߬ߛߙߊ߬ ߛߎ߮ ߡߊ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.
ߞߊ߬ߙߌߝߊ߬ ߞߊ߲ߛߊ߲߫ ߘߎ߲߬ߓߎ߬ߦߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫ߞߊ߲ߞߊ߲߫
