ߛߌ߬ߣߌ߲߬ߟߏ߲ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߃ ߣߌ߲߬ ߡߊ߬ ߸ ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߡߊߟߐ߬ ߟߴߊ߬ ߟߊ߫ ߛߊ߬ߙߌ ߘߐ߫ ߸ ߏ߬ ߡߍ߲ ߡߊ߫ ߝߐ߫ ߞߌ߲ߘߌߦߊ߫ ߡߊ߬ߞߟߐ ߟߎ߬ ߛߌ߫ ߞߐ߫.
ߝߊ߬ߛߏ ߕߊ߬ߡߌ߲߬ߘߊ ߗߋߕߌ߯ ߛߙߍߞߍ߸
ߏ߬ ߟߋ߬ ߛߐ߬ߘߐ߲߬ ߣߊ ߟߊ߬ ߛߦߊ߬ߞߏ ߝߐ߫ ߞߊ߲߫ ߣߌ߲߬ ߞߌ߲ߘߌߦߊ߫.
ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߛߊ߬ߘߊ߫ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬ ߓߌ߲ߠߊߥߎߟߋ߲ ߕߋ߬ߟߋ߫ ߂߁ ߸ ߞߵߊ߬ ߛߎ߬ߞߏ߬ߦߊ ߞߍ߫ ߓߌ߬ ߓߌ߲ߠߊߥߎߟߋ߲ ߕߋ߬ߟߋ߫ ߂߃ ߡߊ߬.
ߕߋߙߌ ߟߎ߬ ߣߌ߫ ߛߌ߬ߢߐ߲߮ ߠߎ߬ ߣߌ߫ ߘߍ߲߬ߞߏ߬ߡߊ߬ߢߐ߲߮ ߠߎ߬ ߸ߞߵߏ߬ ߟߊ߫ ߕߐ߲ߓߟߏߡߊ ߟߎ߬ ߣߌ߫ ߕߊ߬ߡߌ߲߬ߘߊ ߟߎ߬ ߞߊ߲߬ ߸ ߏ߬ ߟߎ߬ ߛߌ߫ ߡߊ߫ ߕߏ߫ ߣߌ߲߬ ߞߏ ߘߊߝߍ߬.
ߊ߬ߟߎ߫ ߞߵߊ߬ߟߎ߫ ߕߏ߲߬ߘߊ ߕߊ߬ ߞߵߊ߬ߟߎ߫ ߞߎ߲߬ߛߌ߫ ߞߌ߲ߘߌߦߊ߫ ߕߌ߲߬ߞߎߘߎ߲ ߘߊ߲ߘߊߛߏߓߊ ߟߊ߫ ߁߂ ߙߋ߲ ߝߊ߲߭ ߝߍ߬ ߸ߞߊ߬ ߕߊ߯ ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߛߎ߭ ߕߊ߬ ߛߎ߬ߓߏ߲ ߠߊ߫ ߸ߞߵߊߓߊߕߎߥߊߙ ߁߭ ߡߌ߬ߛߙߌ ߡߊߜߍ߲߫.
ߤߊߖߊ߬ ߖߣߊ߬ߓߊ߫ ߛߋ߬ߙߌߝ(ߊ. ߘ) ߸ ߊ߬ ߛߎ߬ߞߏ߬ ߖߡߊ ߥߊ߬ߙߊ ߣߴߊ߬ ߕߊ߸ߖߊ߬ߡߊ ߘߍ߬ߜߍ ߏ߬ ߟߎ߬ ߓߍ߯ ߟߊߘߍ߬ߣߍ߲ ߘߌ߬ߢߍ߬ ߘߊ߫ ߞߵߊ߬ ߛߎ߭ ߡߛߊߟߌ߫ ߊߓߊߕߎߥߊߙ ߁߭ ߡߌ߬ߛߙߌ ߟߋ߬ ߟߊ߫ ߸ߞߊ߬ ߓߊ߲߫ ߞߊ߬ ߞߌ߲ߘߌߦߊ߫ ߛߊ߬ߙߌ߬ߟߏ ߡߊߜߍ߲߫ ߛߎ߬ߡߊ߬ߛߊߟߌ ߞߐߝߍ߬ ߁߅ ߙߋ߲ ߁߂ ߡߊ߬߸ߛߎ߬ߘߏ߲ ߓߊ߲߫ ߘߊ߫ ߁߅ ߙߋ߲ ߄߈ ߠߋ߬ ߡߊ߬.
ߏ߬ ߟߋ߬ ߞߐߝߍ߬ ߛߊ߫ ߸ ߖߊ߬ߡߊ ߝߌ߬ߙߌ߲߫ ߞߐ߲߬ߜߍ ߞߊ߬ ߛߊߡߏߙߌߦߊ߫ ߞߌ߲߬ߘߊ ߡߊߜߍ߲߫߸ ߛߌ߬ߢߐ߲߮ ߠߎ߬ ߣߌ߫ ߣߊ߬ߓߊ߮ ߟߎ߬ ߥߊ߫ ߘߴߊ߬ߟߎ߬ ߕߊ߫ ߛߦߊ߬ ߝߏߟߌ ߞߍ߫ ߸ ߞߵߊ߬ ߦߌ߬ߘߊ߫ ߛߋ߬ߙߌ߬ߝߎ߬ߟߊ߬ߞߊ ߟߎ߬ ߟߊ߫ ߞߏ߫ ߸ ߛߊ߬ߦߊ ߡߊ߫ ߞߍ߫ ߊ߬ߟߎ߬ ߘߐߙߐ߲߫ ߡߊ߬،ߓߊ߬ߙߌ߬ ߊ߬ ߞߍߣߍ߲߫ ߊ߬ߟߎ߬ ߓߍ߯ ߟߊߘߍ߬ߣߍ߲ ߠߋ߬ ߡߊ߬.
ߊߟߊ߫ ߓߊ߲߫ ߞߐߝߍ߬ ߊ߬ ߝߐ߫ ߟߊ߫ ߞߎ߬ߙߊ߬ߣߊ ߘߐ߫ ߸ ߞߏ߫ ߣߌ ߓߍ߯ ߘߌ߫ ߛߊ߬ߦߊ ߣߍߣߍ߫ ߟߋ߬ ߕߘߋ߫ ߸ ߒ߬ߓߊ߬ ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߕߊ߫ ߟߏ߲ ߏ߬ ߟߋ߬ ߕߍ߬ߘߍ߫ ߓߌ߬ ߘߌ߫ ߸ ߛߊ߬ߦߊ ߞߐ߬ߣߌ߲ ߕߴߊ߬ ߟߊ߫ ߘߋ߬ ߸ߓߊ߬ߙߌ߬ ߊ߬ ߞߍߢߊ߫ ߣߴߊ߬ ߞߍ߫ ߦߙߐ߫ ߟߋ߬ ߞߏ߫ ߦߋ߫ ߸ ߓߊߏ߬ ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߞߍ߫ ߘߊ߫ ߡߐ߱ ߟߋ߬ ߘߌ߫ ߊ߬ ߦߋ߫ ߝߐ߫ ߟߊ߫ ߡߍ߲ ߡߊ߬ ߞߏ߫ ߡߐ߱ ߸ߞߊ߬߬ߕߎ߲߰߸ ߊ߬ ߛߋ߫ ߘߊ߫ ߞߊ߬ ߡߐ߰ߦߊ ߕߎ߲ߞߎ߲ ߘߏ߫ ߟߎ߫ ߝߊ߫ ߸ ߦߏ߫ ߊ߬ ߘߋ߲ߡߛߏ ߦߴߏ߬ ߟߊߛߙߋߦߊ߫ ߟߊ߫ ߡߍ߲ ߡߊ߫ ߣߌ߲߬ :
<< ߡߐ߰ ߛߌ߫ ߕߴߛߋ߫ ߛߋߥߊ߫ ߟߊ߫ ߛߊ߬ߦߊ ߟߊ߫ ߸ߓߊ߬ߙߌ߬ ߛߎ߬ߞߏ߬ߦߊ ߞߍߢߊ ߣߌ߲߬ ߞߍߣߍ߲ ߒߠߋ ߛߋߥߊߞߏ ߟߋ߬ ߘߌ߫ ߛߎߋ߯ ߸ߞߌ߲ߘߌߦߊߞߊ ߟߎ߬ ߓߘߊ߫ ߒ ߣߊ߬ ߟߊ߫ ߢߌ߬ߡߊ߬ ߞߍߣߍ߲ ߠߎ߬ ߟߊߛߙߋߦߊ߫ ߓߌ߬>>.
ߛߊ߬ߓߊ߰ߕߐ ߘߋ߲ߡߛߏ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ ߊ߬ ߞߵߊ߬ ߕߏ߫ ߢߊߖߌ ߘߐ߫ ߸ ߞߊ߬ ߞߌ߲ߘߌߦߊߞߊ ߣߊ߬ߓߊ߮ ߣߌ߫ ߛߌ߬ߢߐ߲߮ ߠߎ߬ ߞߎߟߎ߲ߖߋ߫ ߞߵߊ߬ߟߎ߫ ߝߏ߬ ߸ ߊ߬ߟߎ߬ ߞߍ߫ ߘߐ߫ ߞߊ߬ߣߵߊ߬ߟߎ߬ ߣߊ ߛߎ߬ߞߏ߬ߦߊ ߞߍ߫ ߦߏ߫ ߊ߬ ߞߊ߲߫ ߞߊ߬ ߞߍ߫ ߢߊ ߡߍ߲ ߡߊ߬.
ߊ߬ ߞߊ߬ ߘߎ߬ߥߊ߬ߥߎ ߞߍ߫ ߟߏ߲ߟߊ߲߫ ߠߎ߬ ߝߣߊ߫ ߦߋ߫ ߕߊ߯ ߣߌ߫ ߛߊ߬ߦߌ ߟߊ߫ ߤߙߍ ߘߐ߫.
ߊߓߘߎߟߊߦߌ߬ ߛߋ߬ߙߌߝ߸ ߏ߬ ߡߍ߲ ߦߋ߫ ߛߊ߬ߓߊ߰ߕߐ ߞߘߐ߬ߞߍ ߘߌ߫ ߸ ߏ߬ ߞߵߊ߬ ߦߌ߬ߘߴߊ߬ ߟߊ߫ ߛߙߊ߬ߣߎ߲ ߘߐ߫ ߞߏ߫ ߸ ߡߏ߬ߛߏ ߡߍ߲ ߛߊ߬ߣߍ߲߫ ߣߴߊ߬ ߕߐ߯ ߞߏ߫ ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߸ߊ߬ ߞߍ߫ ߘߊ߫ ߝߊߙߌߕߊߣߍ߲ ߠߎ߬ ߖߌ߱ ߕߎ߲߰ߓߊ߮ ߣߌ߫ ߘߛߍߓߊ߯ߕߐ ߟߎ߬ ߛߎ߬ߕߙߊ߬ߓߊ߮ ߟߋ߬ ߘߌ߫ ߸ ߊ߬ߟߋ ߡߍ߲ ߞߵߊ߬ ߟߊ߫ ߢߣߊߡߦߊ ߓߍ߯ ߞߍ߫ ߡߌ߬ߛߙߌ߬ ߟߐ߮ ߣߌ߫ ߞߊ߬ߙߊ߲߬ߕߊ߬ ߟߐ߮ ߟߊ߫ ߞߌ߲ߘߌߦߊ߫ ߛߏ ߞߣߐ߫.
<< ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߞߊ߬ ߓߊ߯ߙߊ ߡߍ߲ ߠߎ߬ ߞߍ߫ ߸ ߘߊ ߕߴߛߋ߫ ߞߵߊ߬ ߓߍ߯ ߡߊߘߊ߲߫ ߸ߡߐ߱ – ߐ-ߡߐ߰ ߡߊ߬ߞߏ ߛߋ߫ ߘߊ߫ ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߡߊ߬ ߸ ߊ߬ ߞߍ߫ ߘߴߊ߬ ߛߎ߯ – ߎ߫-ߛߎ߯ ߘߌ߫، ߊ߬ ߘߴߊ߬ ߕߌ߱ ߘߍ߬ߡߍ߲߬ ߊ߬ ߛߋߞߏ ߟߊ߫ ߸ߒ ߕߍߣߊ߬ ߛߋ߫ ߟߊ߫ ߞߵߊ߬ ߡߊ߲߬ߞߕߎ ߓߍ߯ ߟߊߞߊ߬ߟߌ߬ ߸. ߊ߬ ߞߐ߬ߣߌ߲߫ ߞߍ߫ ߘߊ߫ ߡߐ߰ ߓߘߍ ߟߋ߬ ߘߌ߫ ߸ߊ߬ ߟߊ߫ ߡߐ߰ߦߊ ߞߎ߲߬ߕߊ߮ ߘߐ߫ ߸ߓߊߏ߬ ߸ߊ߬ ߟߊ߫ ߢߌ߬ߡߊ߬ߦߊ ߞߍߣߍ߲߫ ߢߌ߬ߣߊ߬ߓߐ߬ߕߊ ߟߋ߬ ߘߌ߫( ߞߏ ߟߊߞߊ߬ߟߌ߬ߕߊ ߞߊ߬ߣߌ߲߬) ߌ ߞߍ߫ ߘߴߊ߬ ߟߐ߲ߓߊ߮ ߘߌ߫ ߓߊ߬ ߸ ߌ ߡߊ߫ ߞߍ߫ ߊ߬ ߟߐ߲ߓߊ߮ ߘߌ߫ ߸ ߣߌ߫ ߛߎ߲ߞߊߙߏ ߛߋ߫ ߘߊ߫،ߊ߬ ߘߌ߫ ߞߐ߲߬ߛߏ ߟߝߊ߫ ߡߊ߬ߟߏ߬ ߓߙߐ ߣߌ߫ ( ߟߌߞߐ߯) ߛߎߞߙߊ ߟߊ߫ ߞߵߊ߬ ߘߐߕߟߊ߫ ߡߐ߰ ߟߎ߬ ߕߍ߫ ߡߍ߲ ߠߎ߬ ߣߴߊ߬ ߞߊ߫ ߞߊ߲߫>>.
ߊߓߘߎߟߊߦߌ߬ ߛߋ߬ߙߌߝ ߞߵߊ߬ ߦߌ߬ߘߊ߬ ߌߞߐ߫ ߞߏ߫ ߸ ߛߊ߬ߓߊ߰ߕߐ ߞߊ߬ ߘߋ߲ߡߛߏ ߟߎ߬ ߣߌ߫ ߘߋ߲ߞߍ ߘߏ߫ ߟߎ߫ ߕߐ߫ ߊ߬ ߞߐ߫߸ ߘߋ߲ߞߍ߫ ߝߌ߬ߟߊ߬ ߣߌ߫ ߘߋ߲ߡߛߏ ߟߏ߯ߟߎ߫ ߞߊ߬ߣߌ߲߬.
ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߛߊ߬ߣߍ߲ ߊ߬ ߛߊ߲߬ ߇߈ ߖߊ߬ߕߋ߫ ߟߋ߬ ߘߐ߫.
ߛߊ߬ߓߊ߰ߕߐ ߞߘߐ߬ߞߍ߫ ߊߓߘߎߟߊߦߌ߬ ߛߋ߬ߙߌߝ߸ ߏ߬ ߞߵߊ߬ ߟߊ߫ ߞߎߡߊ߫ ߞߎ߲߬ߘߏ߲ ߞߍ߫ ߛߌ߰ߢߐ߲߰ߡߊ ߟߎ߬ ߣߌ߫ ߞߏߟߊߘߍߢߐ߲߮ ߠߎ߬ ߣߌ߫ ߕߋߙߌ ߟߎ߬ ߞߎߟߎ߲ߖߋ߫ ߟߋ߬ ߡߊ߬ ߞߏߛߓߍ߫ ߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߤߊߖߊ߬ ߖߣߊ߬ߓߊ߫ ߟߊ߫ ߓߊ߯ߙߊ߫ ߞߍߣߍ߲ ߞߊ߫ ߞߊ߲߫ ߞߊ߬ ߞߍ߫ ߥߟߊ߬ߘߊ ߟߋ߬ ߘߌ߫ ߓߍ߯ ߟߊߘߍ߬ߣߍ߲ ߢߍ߫ ߸ ߡߍ߲ ߠߎ߬ ߣߊ߬ߣߍ߲߫ ߛߦߊ߬ߝߏ ߟߊ߫ ߏ߬ ߟߎ߬ ߛߌ߫ ߡߊߣߊ߬ ߘߊߡߎ߲ߠߌ߲߫ ߞߏ߫ ߘߐ߫ ߸ ߌ ߦߋ߫ ߣߊ߬ ߟߊ߫ ߟߋ߬ ߞߊ߬ ߟߊ߬ߞߙߐ߬ߛߌ߬ߟߌ ߞߍ߫ ߖߐ߲߰ߛߊ߫ ߌ ߘߍ߬ߢߐ߲߮ ߛߊ߬ߓߊ߰ߕߐ ߘߛߍߣߍ߲߫ ߡߍ߲ ߣߊ߬ ߸ ߌߟߋ ߦߋ߫ ߛߋ߫ ߞߵߏ߬ ߞߍ߫ ߸ ߛߴߊߟߊ߫ ߘߴߌ ߟߊ߫ ߛߣߍ߫ ߊ߬ ߢߌ߬ߡߊ ߟߊ߫ ߟߐ߬ߓߊ ߟߏ߲ >>
ߒ߬ߓߊ߬ ߸ߏ߬ ߟߋ߬ ߞߍߣߍ߲߫ ߤߊߖߊ߬ ߖߣߊ߬ߓߊ߫ ߛߋ߬ߙߌߝ ߟߊ߫ ߞߏ ߘߐ߬ߝߐ ߞߎ߲߬ߘߏ߲ ߘߌ߫ ߘߎߢߊ߫ ߞߣߐ߫.
ߊߟߊߡߊ߬ ߊߟߊ߫ ߤߌߣߊ߫ ߘߴߊ߬ ߟߊ߫
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫ ߞߌ߲ߘߌߦߊ߫
