ߓߙߎߞߌߣߊ߫ ߝߊ߬ߛߏ߫ ߞߣߐ߫߸ ߞߕߌߞߊ߲ߘߊ ߟߎ߬ ߣߌ߫ ߕߊ߬ߡߌ߲߬ߘߊ߬ߕߌ߮ ߟߎ߬ ߣߌ߫ ߟߊ߬ߝߛߊ߬ߟߌ߬ߟߊ ߟߎ߬߸ ߏ߬ ߟߎ߬ ߟߊ߫ ߞߕߌ ߟߋ߬ ߦߋ߫ ߛߋ߲߬ߠߊ߫ ߞߊ߬ߦߌ߯ ߞߐ߬ߓߊ߬ߟߏ߲ ߡߊ߬ ߞߎߔߋߟߊ߫ ߞߕߌߛߏߓߊ ߟߊ߫߸ ߊ߬ߟߎ߬ ߡߊߝߌ߲߬ߣߍ߲߫ ߦߙߎ߬ߞߎ߬ߦߙߎߞߎ ߟߋ߬ ߘߐ߫߸ ߊ߬ ߣߌ߫ ߓߎ߰ߟߌ ߝߘߏ߬ߓߊ߬ ߣߊ߲ߝߟߏ ߟߎ߫ ߞߎ߲߬ߠߊ߫߸ ߊ߬ ߣߌ߫ ߛߙߋ ߟߎ߬ ߢߋ߰ߓߎ ߟߊ߫ ߞߣߍ ߞߊ߲߬، ߡߐ߰ ߡߍ߲߬ ߠߎ߫ ߞߏ߬ߣߌ߲ ߛߐ߲߬ߣߍ߲߬ ߕߍ߫ ߊ߬ߟߎ߬ ߟߊ߫ ߡߊ߬ߝߌ߲߬ߞߊ߲߬ߠߊ ߟߎ߫ ߡߊ߬߸ ߊ߬ߟߎ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߝߣߊ߫ ߦߴߊ߬ ߞߊ߲߬ ߞߊ߬ ߞߕߌ߫ ߕߍ߰ߣߍ߲߫ ߞߐ߲߫ ߞߏ߫ ߞߕߌ ߡߊ߫ ߕߍ߰ ߊ߬ ߕߍ߰ߢߊ ߡߊ߬߸ ߞߊ߬ߦߌ߯ ߂߀߂߁ ߘߓߊ߬ߕߊ ߟߋ߬ ߟߊ߫߸ ߡߐ߰ ߡߍ߲߬ ߠߎ߬ ߟߊ߫ ߞߕߌ ߦߋ߫ ߛߋ߲߬ߠߊ߫߸ ߊ߬ ߞߏ ߓߍ߯ ߘߏ߲߬ ߘߊߡߌ߬ߣߊ߬ ߘߊ߫ ߕߊ߬ߡߌ߲߬ߘߊ߬ߕߌ߮ ߟߎ߬ ߟߋ߬ ߡߊ߬߸ ߘߡߊߞߊߛߌ߫ ߛߓߍ ߟߋ߬ ߟߊߘߏ߲߬ ߘߊ߫ ߊ߬ߟߎ߫ ߞߊ߲߬߸ ߞߊ߬ߕߎ߲߯߸ ߞߏ߫ ߊ߬ߟߎ߬ ߦߋ߫ ߥߊߘߌ ߟߋ߬ ߡߌ߬ߣߊ߬ ߟߊ߫ ߡߐ߱ ߟߎ߬ ߟߊ߫߸ ߊ߬ߟߎ߬ ߟߊ߫ ߡߎ߬ߙߊ߲ ߠߎ߬ ߞߏߛߐ߲߬߸ ߞߵߊ߬ ߕߘߍ߬ ߜߎ߸ ߏ߬ ߕߌ߰ߟߊ߬ߡߐ߮ ߟߎ߬ ߦߋ߫ ߛߊ߬ߙߌ߬ߦߊ ߓߍ߯ ߡߊߓߏ߲߬ߧߊ߬ ߟߊ߫ ߟߋ߬ ߊ߬ߟߎ߬ ߟߊ߫ ߡߎ߬ߙߊ߲ ߠߎ߬ ߟߊ߫ ߕߊ߬ߡߌ߲߬ߠߌ߲ ߞߊ߲߬߸ ߒ߬ߓߊ߬߸ ߞߕߌߞߊ߲ߘߊ ߟߎ߬ ߕߊ߫ ߛߐ߬ߘߐ߲߬ ߞߎ߲ ߊ߬ ߞߏ ߘߐ߫.
ߊ߬ߟߎ߫ ߕߘߍ߬ ߦߋ߫ ߥߊߘߌ ߟߋ߬ ߘߌ߫ ߟߊ߫ ߏ߬ ߟߎ߫ ߡߊ߬߸ ߞߊ߬ ߞߓߊ ߛߌ߰ ߞߕߌߞߊ߲ߘߊ ߟߎ߬ ߘߊ ߞߊ߲߬߸ ߖߐ߲߰ߛߊ߫ ߞߕߌ ߘߌ߫ ߘߌߦߊ߫ ߊ߬ߟߎ߬ ߟߊ߫߸ ߟߊ߬ߝߛߊ߬ߟߌ߬ߟߊ ߟߊ߫ ߞߎ߲߬ ߠߊ߫߸ ߊ߬ߟߋ ߡߊߝߌ߲߬ ߞߎ߲ ߠߋ߬ ߞߏ߫ ߊ߬ ߞߊ߬ ߛߙߋ ߘߏ߫ ߟߋ߬ ߢߋ߰ߓߎ ߟߊ߫ ߞߣߍ ߞߊ߲߬߸ ߊ߬ߟߎ߫ ߓߙߍ߬ߦߊ ߟߐ߲ ߝߘߏ߬ߓߊ߬ ߓߟߏߡߊ߬߸ ߊ߬ ߘߌ߫ ߡߐ߰ ߁߀ ߢߐ߲߰ ߓߐ߫߸ ߞߏߕߐ ߡߍ߲ ߠߎ߬ ߡߊߝߌ߲߬ߣߍ߲߫ ߞߏߢߊ ߣߌ߲߬ ߘߐ߫ ߥߜ߭ߊ߬ߘߎ߯߸ ߞߊ߬ߦߌ߯ ߞߏ߲ߓߌߕߌ߮ ߟߊ߫، ߓߊ߬ߙߌ߫߸ ߊ߬ ߓߘߊ߫ ߟߊ߫ ߥߊ߫ ߞߎߔߋߟߊ߫ ߞߕߌߘߊ ߟߊ߫߸ ߞߊ߬ߕߎ߲߯߸ ߥߜ߭ߊ߬ߘߎ߯ ߞߕߌߞߊ߲ߘߊ ߘߏ߫ ߟߎ߫ ߡߌ߬ߣߊ߬ߣߍ߲߫ ߠߋ߬߸ ߊ߬ߟߎ ߞߕߌߓߊߟߌߦߊ ߞߎ߲߭ ߠߋ߬ ߦߋ߲߬߸ ߞߏ߫ ߊ߬ߟߎ߫ ߖߍ߬ߘߍ ߟߊ߫ ߕߏ߲߬ߜߏ ߟߋ߬ ߦߋ߲߬ ߘߌ߫߸ ߞߊ߬ߦߌ߯ ߓߌ߲ߠߊߥߎߟߋ߲ ߕߟߋ߬ ߁߆ ߟߋ߬ ߡߊ߬߸ ߞߕߌ ߣߌ߲߬ ߘߊߡߌ߬ߣߊ߬ ߘߊ߫߸ ߞߵߊ߬ ߓߌ߬ߟߊ߬ ߞߏ߲ߞߏߜߍ ߕߋ߬ߟߋ߫ ߂ ߡߊ߬ ߞߎߔߋߟߊ߫߸ ߡߊߝߌ߲߬ߓߊ߰ߕߐ ߟߎ߬ ߦߴߊ߬ߟߎ߬ ߦߴߊ߬ ߞߊ߲߬ ߞߵߊ߬ߟߎ߬ ߟߊ߫ ߡߊ߬ߝߌ߲߬ߞߊ߲߬ߠߊ ߟߎ߫ ߡߊߛߐ߬ߛߐ߫߸ ߊ߬ߟߎ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߝߣߊ߫ ߦߋ߫ ߞߏ߫ ߞߍ߫ ߞߊ߲߬߸ ߡߍ߲ ߘߌ߫ ߞߕߌ ߣߌ߲߬ ߟߊߟߐ߬߸ ߏ߬ ߦߋ߫ ߡߎ߲߬ ߘߌ߫؟ ߞߏ߫ ߞߎߔߋߟߊ߫ ߞߕߌߘߊ ߡߊ߲߫ ߞߊ߲߫ ߞߊ߬ ߞߕߌ ߣߌ߲߬ ߕߍ߰߸ ߊ߬ߟߎ߫ ߞߏ߬ߣߌ߲ ߠߊ߫ ߞߎߡߊ ߏ߬ ߕߍ߫ ߘߏ߲߬ ߠߊ߫ ߞߕߌߞߊ߲ߘߊ ߟߎ߬ ߖߋ߬ߟߌ߬ ߛߌߟߊ ߝߍ߬ ߝߟߐ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
