ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߗߋߦߊߟߌ ߡߍ߲ ߦߋ߫ ߛߏߡߊߟߌ߫߸ ߡߌߛߌ߬ߙߊ߲߬ ߝߣߊ߫ ߓߘߴߊ߬ ߟߊ߫ ߗߍ߬ߘߋ߲ ߠߎ߬ ߟߊߕߊ߯ ߗߋߦߊߟߌ ߏ߬ ߞߐߡߊߓߌ߲ߓߌ߲߫ ߞߊ߲ߡߊ߬߸ ߏ߬ ߓߘߊ߫ ߞߍ߫ ߛߋ߲߬ߕߊ߬ ߞߎߘߊ߫ ߘߌ߫ ߛߏߡߊߟߌ߫ ߞߎ߲߬ߠߊ߬ߛߌ߮ ߡߊߘߍ߬ߡߍ߲ ߘߐ߫ ߟߊ߬ߞߊ߲߬ߘߊ߬ߟߌ ߛߌ߲ߛߌ߲߫ ߞߊ߲ߡߊ߬، ߕߊ߯ߟߌ߫ ߖߊ߲ߖߏ߲ ߞߍ߫ ߘߊ߫ ߟߋ߬ ߛߏߡߊߟߌ߫ ߞߊ߲ߕߌ߮ ߖߍ߬ߘߍ ߢߊߞߘߐ߫߸ ߤߊߛߊ߲߫ ߛ߭ߍߞ ߡߏ߬ߤߊ߬ߡߎߘ߸ ߊ߬ ߣߌ߫ ߡߌߛߌ߬ߙߊ߲߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮߸ ߞߟߍ߬ߕߌ߯ ߊߓߑߘߍߟ ߡߋߖߌߞ ߛߊߞߙ߸ ߞߵߏ߬ ߟߊ߫ ߖߡߊ߬ߣߊ߫ ߝߌ߬ߟߊ ߣߌ߲߬ ߣߊ߲߬ߕߌ߰ ߞߎ߲ߕߌ߮ ߛߌߦߊߡߊ߲߫ ߞߊ߲߬.
ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߟߊ߬ߕߊ߰ߟߌ ߣߌ߲߬ ߠߊߥߟߌ߬ߣߍ߲߫ ߛߏߡߊߟߌ߫ ߓߊߛߌ߰ ߞߏ ߢߊߢߌߣߌ߲ ߠߋ߬ ߡߊ߬߸ ߞߊ߬ ߖߐ ߣߌ߫ ߖߛߎ߬ߛߎߡߊ ߟߊߘߏ߲߬ ߦߋ߲߬، ߖߡߊ߬ߣߊ ߏ߬ ߡߍ߲ ߛߊ߲߬ ߦߙߌߞߊ ߦߋ߫ ߞߎ߲߬ߠߊ߬ߛߘߌ ߣߌ߫ ߟߊ߬ߞߊ߲߬ߘߊ߬ߟߌ ߖߐ߬ߘߐ ߕߍߡߊ߬ ߕߋ߲߬، ߣߊ߲߬ߕߌ߰ ߡߊ߬ߡߙߊ߬ߟߌ ߞߊ߲߫ ߞߏ߫ ߡߌߛߌ߬ߙߊ߲߬ ߠߊ߫ ߞߟߍ߬ߓߏߟߏ߲ ߡߍ߲ ߠߊߕߊ߯ߣߍ߲߫ ߣߌ߲߬߸ ߏ߬ ߟߎ߬ ߟߊߞߐ߯ߣߍ߲߫ ߠߋ߬ ߜߊߟߌߜߊߟߌ߫߸ ߏ߬ ߘߐ߫ ߦߙߍߞߍߟߌ ߞߍߢߊ߫ ߛߊ߲ߘߐ ߣߴߊ߬ ߝߊ߲߬ߞߊ߬ߡߊ ߟߊߞߐ߰ߟߌ ߓߊߓߋ߬ߣߴߊ߬ߟߎ߬ ߓߟߏ߫ ߟߋ߬ ߝߛߊߦߌ߫.
ߟߊ߬ߞߐ߰ߟߌ ߟߊ߬ߛߐ߲߬ߠߌ߲߬ ߞߏ ߡߍ߲ ߠߎ߬ ߞߍ߫ ߘߴߊ߬ߟߎ߬ ߓߟߏ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߞߟߍ߬ߓߏߟߏ߲ ߣߌ߲߬ ߘߌ߫ ߛߋ߫ ߥߊ߫ ߟߊ߫ ߞߍ߬ߟߍ ߘߐ߫ ߘߊߞߎ߲߫ ߛߌߦߊߡߊ߲߫ ߘߐ߫߸ ߊ߬ߟߎ߫ ߘߏ߲߬ ߖߐ߯ߙߊ߲ߦߊߣߍ߲߫ ߠߋ߬ ߝߋߎ߫߸ ߡߍ߲ ߘߴߊ߬ߟߎ߫ ߘߍ߬ߡߍ߲߬ ߖߐ ߓߊ߲ߓߊ߲ ߦߙߍߞߍߟߌ ߣߌ߲߬ ߞߍ߫ ߟߴߊ߬ ߢߊ ߡߊ߬، ߣߊ߲߬ߕߌ߮ ߏ߬ ߟߎ߬ ߟߊ߫ ߞߎ߲߫߬ߕߌ߮ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߎ߬ ߓߌߣߍ߲߫ ߞߊ߬ ߕߊ߯ ߗߋߦߊߟߌ ߣߌ߲߬ ߘߐ߫߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߟߘߊ߬ߙߏ߬ߟߌ ߞߣߐ߫߸ ߊ߬ ߣߌ߫ ߛߏߡߊߟߌ߫ ߝߊ߰ߡߊ ߟߎ߬ ߟߊ߫ ߘߏ߲߬ߖߟߎ߬ߡߊ߬ߟߌ ߞߣߐ߫.
ߛߏߡߊߟߌߞߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߥߊߟߌ߫ ߣߊ߲ߕߌ߮ ߟߎ߬ ߞߍ ߊ߬ߟߎ߫ ߝߍ߬ ߊ߬ߟߎ߬ ߡߊߘߍ߬ߡߍ߲߬ ߞߊ߲ߡߊ߬ ߖߐ ߓߊ߲ߓߊ߲ ߘߐ߫߸ ߏ߬ ߦߋ߫ ߕߊ߬ߡߌ߲߬ ߠߴߊ߬ߟߎ߬ ߟߊ߫ ߖߡߊ߬ߣߊ ߟߊ߫ ߖߘߍ߬ߛߊ߬ߙߌ߬ߦߊ߬ߕߌ߰ߦߊ ߟߋ߬ ߓߊ߲ߓߊ߲߫ ߠߊ߫߸ ߞߊ߬ ߓߊ߲߫ ߞߊ߬ ߟߊ߬ߞߊ߲߬ߘߊ߬ߟߌ ߡߊߖߘߐ߬ ߞߏ ߓߍ߯ ߞߟߍ߬ ߞߐߘߍ߫، ߡߌߛߌ߬ߙߊ߲߬ ߞߊ߲߫ ߞߏ߫ ߊ߬ߟߎ߬ ߦߋ߫ ߛߣߐ߬ߡߍ߬ߘߐ߬ߦߊ ߡߍ߲ ߞߊ߲߬߸ ߏ߬ ߟߋ ߝߘߊ߬ߝߌ߲߬ߠߊ߫ ߝߙߋߞߋ ߟߎ߬ ߝߎߟߋ߲ ߘߌ߫߸ ߞߊ߬ ߢߐ߲߮ ߘߍ߬ߡߍ߲߫ ߜߟߍ߬ߦߊ ߕߎ߬ߡߊ ߟߊ߫.
