ߝߎ߯ߘߌ߫ ߞߘߎ ߟߋ߬ ߥߎ߬ߦߊ߬ߣߍ߲߫ ߢߡߊ߬ ߛߎ߬ߛߎ߬ ߘߊߡߊ߲ ߘߏ߫ ߞߣߐ߫ ߞߎߣߎ߲ߟߏ߲ ߂߀߂߆ ߞߏ߲ߞߏߜߍ ߕߟߋ߬ ߁߁ ߡߊ߬ ߞߏ߲߬ߖߊ߲߬ߠߊ߬ߞߎߘߊ߫߸ ߞߊ߬ ߡߛߏ߬ ߁߀ ߓߐ߬ߣߐ߫ ߊ߬ ߣߌ ߘߐ߫، ߊ߬ߟߎ ߦߋ߫ ߓߊ߯ߙߊ߫ ߟߊ߫ ߘߊ߬ߡߊ߲߬ ߞߘߐ ߟߋ߬ ߞߣߐ߫߸ ߞߊ߬ ߢߍ ߕߍ߬ ߞߊ߬ ߥߴߊ߬ ߞߏ߬ ߘߊ߬ߡߊ߲߬ ߞߘߐ ߞߣߐ߫، ߖߊ߰ ߕߌ߲ߘߌ ߡߍ߲ ߦߴߊ߬ߟߎ߫ ߞߎ߲߬ߘߐ߫߸ ߏ߬ ߓߘߊ߫ ߛߍ߲ߞߍ߫߸ ߏ߬ ߟߋ ߝߎ߯ߘߌ߫ ߞߘߎ ߥߟߌ߬ߣߍ߲߫ ߡߎ߬ߕߎ߲߬ ߞߊ߬ ߣߊ߬ ߖߎߙߊ߲߫ ߊ߬ߟߎ߫ ߞߊ߲߬߸ ߞߊ߬ ߡߐ߰ ߕߊ߲߫ ߓߐ߬ߣߐ߫ ߊ߬ ߣߌ ߘߐ߫.
ߞߏ߲߬ߖߊ߲߬ߠߊ߬ߞߎߘߊ߫ ߣߌ߲߬ ߦߋ߫ ߡߊ߲߬ߖߊ߲߬ߠߊ߫ ߡߙߊ߬ߓߊ߰ߘߊ ߟߋ߬ ߘߐ߫߸ ߡߏ߬ߛߏ߫ ߡߐ߰ ߕߊ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߦߋ߲߬߸ ߞߵߊ߬ ߕߎ߬ߙߎ ߞߍ߫ ߘߊ߬ߡߊ߲߬ ߞߘߐ ߘߏ߫ ߝߎ߯ߘߌ߫ ߞߘߎ ߥߎ߬ߦߊ ߘߴߊ߬ߟߎ߫ ߞߊ߲߬، ߛߙߋ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߡߏ߬ߛߏ ߢߌ߲߬ ߠߎ߬ ߦߋ߫ ߥߊ߫ ߟߊ߫ ߢߍ ߟߋ߬ ߡߊߕߍ߬ ߟߊ߫ ߛߐ߲߬߸ ߞߊ߬ ߣߊ߬ ߏ߬ ߞߏ߬ ߘߊ߬ߡߊ߲߬ ߞߘߐ ߘߏ߫ ߘߐ߫، ߒ߬ߓߊ߬߸ ߞߵߊ߬ߟߎ߬ ߕߏ߫ ߝߎ߯ߘߌ ߏ߬ ߟߋ ߞߏ߭ ߟߊ߫ ߛߊ߫߸ ߖߊ߰ ߊ߬ߟߎ߬ ߦߋ߫ ߘߊ߬ߡߊ߲߬ ߞߘߐ ߡߍ߲ ߘߐ߫ ߏ߬ ߘߌ߫߸ ߏ߬ ߕߌ߲ߘߌ߫ ߞߘߐ ߏ߬ ߘߏ߫ ߛߍ߲ߞߍߣߍ߲ ߦߴߊ߬ߟߎ߫ ߞߎ߲߬ߘߐ߫، ߏ߬ ߟߋ ߝߊ߲߬ ߞߋߟߋ߲ ߥߊ߬ߟߏ߲߬ߣߍ߲߫ ߡߎ߬ߕߎ߲߬ ߛߊ߫߸ ߞߊ߬ ߣߊ߬ ߏ߬ ߓߋ߬ ߊ߬ߟߎ߫ ߞߊ߲߬߸ ߞߊ߬ ߡߊ߬ߛߎߓߊ ߣߌ߲߬ ߕߍ߰.
ߞߏ߲߬ߖߊ߲߬ߠߊ߬ߞߘߐ߫ ߗߋߘߋ߲߫ ߓߟߏߏߡߊߞߊ߬ߣߍ߲ ߞߊ߬ ߣߌ߲߬ ߞߏ ߟߊߕߍ߰، ߓߊߏ߬߸ ߞߎߘߍ߫ ߛߊ߬ߓߊ߫ ߟߋ߬ ߞߏ߲߬ߖߊ߲߬ߠߊ߬ߞߎߘߊ߫ ߣߌ߫ ߞߏ߲߬ߖߊ߲߬ߠߊ߬ߞߘߐ߫ ߕߍ߫، ߊ߬ߟߎ߬ ߟߊ߫ ߞߊ߬ߝߏ߬ߙߋ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫: <<ߢߡߊ߬ ߛߎ߬ߛߎ߬ ߦߙߐ ߟߋ߬ ߕߘߍ߬، ߊ߬ߟߎ߫ ߕߘߍ߬ ߛߊߣߌ߲߫ ߞߏ ߟߋ߬ ߟߊ߫߸ ߊ߬ߟߎ߬ ߓߊ߯ ߥߴߊ߬ ߕߍ߰߸ ߊ߬ߟߎ߬ ߘߌߣߵߊ߬ ߞߏ߬ ߘߊ߬ߡߊ߲߬ ߞߘߐ ߏ߬ ߞߣߐ߫، ߒ߬ߓߊ߬߸ ߝߎ߯ߘߌ ߡߍ߲ ߕߎ߲߬ ߦߴߊ߬ߟߎ߫ ߞߎ߲߬ߘߐ߫߸ ߏ߬ ߟߋ ߖߌ߰ߣߴߊ߬ߟߎ߫ ߞߊ߲߬ ߦߋ߲߬، ߞߊ߬ߕߎ߲߯߸ ߡߐ߰ߛߌ ߟߎ߬ ߟߊ߫ ߔߕߌ߫ ߞߘߐ ߡߍ߲ ߦߋ߫ ߦߋ߲߬߸ ߖߌ ߡߍ߲ ߕߏ߫ ߟߊ߫ ߏ߬ ߘߐ߫߸ ߊ߬ߟߎ߬ ߕߍ߬ߘߍ߫ ߝߎ߯ߘߌ ߕߊ߬ ߟߊ߫ ߞߊ߬ ߣߊ߬ ߞߏ߬ߟߌ ߞߍ߫ ߦߋ߲߬ ߠߋ߲߬، ߝߎ߯ߘߌ ߖߌ߰ߘߴߊ߬ߟߎ߫ ߞߊ߲߬ ߦߋ߲߬ ߠߋ߬، ߞߵߊ߬ߟߎ߫ ߡߐ߰ ߕߊ߲߫ ߢߐ߲߰ ߓߐ߬ߣߐ߫ ߊ߬ ߣߌ ߘߐ߫߸ ߊ߬ ߓߍ߯ ߦߋ߫ ߡߏ߬ߛߏ ߟߋ߬ ߘߌ߫.>> ߊ߬ ߞߵߏ߬ ߟߋ ߝߐ߫.
ߊ߲ ߠߊ߫ ߟߌ߬ߤߟߊ߫ ߞߎ߲߬ߝߟߐ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߊ߬ ߞߏߕߐ ߝߊ߲߬ߓߊ ߕߍ߫ ߦߋ߲߬ ߛߌ߰ߓߊ߯ ߘߌ߫߸ ߊ߬ߟߎ߬ ߦߋ߫ ߦߙߐ߫ ߜߘߍ߫ ߡߐ߱ ߟߎ߫ ߟߋ߬ ߘߌ߫، ߞߊ߬ ߓߐ߫ ߛߙߋ ߟߎ߬ ߟߊ߫ ߟߞߊ߬ߟߌ߬ߞߊ߲߬ߠߊ ߟߎ߬ ߞߐ߫߸ ߊ߬ ߞߍߢߊ߫ ߕߌ߯ߕߌ߯ ߡߊ߫ ߟߐ߲߫ ߊ߲ ߓߟߏ߫߸ ߣߴߏ߬ ߦߴߊ߬ ߞߎ߲߬ ߖߐ߲ߖߐ߲ ߘߌ߫.
ߣߌ߲߬ ߞߏ߬ߣߌ߲ ߓߘߊ߫ ߕߊ߬ߡߌ߲߫ ߘߊ߬ߡߊ߲߬ ߛߋ߲ ߡߊ߬ߛߎ߬ߓߊ߬ ߦߙߐ ߟߎ߬ ߟߊ߲ߞߣߍߡߊ߫ ߟߊ߫߸ ߞߵߊ߬ ߓߍ߲߬ ߘߊ߬ߡߊ߲߬ ߞߘߐ߬ ߓߊ߯ߙߊ ߖߐ߬ߘߐ ߥߊ߬ߙߊ ߡߊ߬، ߝߏ߫ ߟߊ߬ߞߊ߲߬ߘߊ߬ߟߌ ߟߋ߬ ߦߋ߫ ߝߊ߲߬ߞߊߘߏ߲߬߸ ߞߊ߬ ߛߋ߫ ߓߌ߬ߟߊ߬ߒ߬ߘߐ߬ ߛߎ߮ ߢߌ߲߬ ߠߎ߬ ߣߴߊ߬ߟߎ߫ ߢߐ߲߱ ߠߎ߬ ߡߊߕߊ߲߬ߞߊ߬ ߟߊ߫ ߛߐ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
