ߘߌ߯ߣߊ ߞߏߢߊ ߟߎ߬ ߝߘߏ߬ߓߊ߬ ߞߟߊ߬ߕߌ߰ߘߌ (ߘߞߝߞ) ߓߘߊ߫ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫߸ ߞߊߕߘߍ߬ ߤߖߌ߫ ߟߊߕߊ߯ߟߊ ߓߍ߯ ߟߊߘߍ߬ߣߍ߲ ߡߊ߬ ߞߐߘߍ߫، ߡߍ߲ ߠߎ߬ ߡߊ߫ ߛߋ߫ ߥߊ߫ ߟߊ߫ ߛߊߙߏ߲߬ ߤߖߌ ߘߐ߫߸ ߣߌ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߟߐ߬ ߊ߬ߟߎ߬ ߟߊ߫ ߤߖߌ߫ ߟߊ߫ ߕߊ߯ߟߌ ߖߐ߰ߣߍ ߡߎ߰ߡߍ ߟߊ߫ ߢߌ߬ߣߊ߲߬߸ ߞߎߡߊ ߣߌ߲߬ ߟߐ߬ ߘߊ߫ ߏ߬ ߟߎ߫ ߟߋ߬ ߡߊ߬.
ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߛߌ߲߬ߝߏ߲߬ߘߊ ߛߐ߰ ߘߊ߫ ߞߊ߲ߕߌ߮ ߝߏ߭ ߟߋ߬ ߡߊ߬ ߡߎߣߎ߲߬߸ ߊ߬ ߟߊ߫ <<ߝߎߣߎ߲ߛߙߋߦߊ ߞߏߛߐ߲߬߸ ߊ߬ ߣߴߊ߬ ߟߊ߫ ߡߊ߬ߘߍ߬ߡߍ߲߬ߠߌ߲ ߞߏߛߐ߲߬ ߞߵߊ߬ ߟߐ߬ ߝߊ߬ߦߊ ߟߐ߬ߘߎ߮ ߘߐ߫.>> ߊ߬ߟߎ߫ ߞߊ߬ ߘߎ߬ߥߊ߬ߥߎ߬ ߞߙߍߞߙߍߣߍ߲߫ ߞߍ߫ ߊ߬ ߦߋ߫ ߟߊ߬ߞߊ߲߬ߘߊ߬ߟߌ ߟߊ߫߸ ߊ߬ ߣߌ߫ ߖߡߊ߬ߣߊ ߖߍ߬ߘߍ ߝߣߊ߫ ߦߋ߫.
ߝߘߏ߬ߓߊ߬ ߞߟߊ߬ߕߌ߰ߘߊ ߓߊ߲߫ ߘߊ߫ ߌߞߐ߫߸ ߞߵߊ߬ ߦߌ߬ߘߊ߬ ߞߏ߫ ߤߖߌ߫ ߟߊߕߊ߯ߟߊ ߡߍ߲ ߠߎ߬ ߡߊ߫ ߛߋ߫ ߥߊ߫ ߟߊ߫ ߛߊߙߏ߲߬߸ ߣߌ߫ ߞߊ߲ߕߌ߮ ߓߘߊ߫ ߘߏ߬ߣߌ߲ ߓߐ߫ ߊ߬ߟߎ߫ ߞߎ߲߬ ߢߌ߬ߣߌ߲߬، ߏ߬ ߟߎ߬ ߡߍ߲ ߠߎ߬ ߓߊ߯ ߞߍ߫ ߦߋ߲߬߸ ߣߴߊ߬ߟߎ߬ ߟߊ߫ ߘߐ߬ߛߙߋ ߟߎ߬ ߡߊ߫ ߘߝߊ߫ ߡߞߊ߫ ߞߎ߲߬ߠߊ߬ߛߌ߮ ߟߎ߫ ߕߍ߰ߟߊ ߘߐ߫ ߡߎߣߎ߲߬߸ ߏ߬ ߟߎ߬ ߦߋ߫ ߣߊ߬ ߏ߬ ߞߏ ߘߝߊ߫ ߖߏߣߊ߫، ߏ߬ ߘߐ߫߸ ߊ߬ ߢߌߣߌ߲ߣߍ߲߫ ߊ߬ߟߎ߫ ߝߍ߬ ߞߊߟߌߦߊ߫ ߓߟߏ ߡߊ߬ ߕߋ߲߬ <<ߓߍ߯ ߦߋ߫ ߣߵߊ߬ ߟߊ߫ ߘߐ߬ߛߙߋ ߟߊߘߏ߲߬ ߘߌ߯ߣߊ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ ߟߊ߫.>>
ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߘߌ߯ߣߊ ߞߏߟߊߕߍ߮ ߢߌ߲߬ ߠߎ߫ ߞߵߊ߬ ߟߊߛߋ߫ ߟߊ߬ߛߋ߬ߟߌ ߣߌ߲߬ ߘߐ߫߸ ߞߏ߫ ߢߌ߬ߣߊ߲߬ ߂߀߂߆ ߤߖߌ߫ ߟߊߕߊ߮ ߕߐ߯ ߛߓߍߟߌ ߓߘߊ߫ ߓߊ߲߫ ߝߋߝߋ߫߸ ߊ߬ ߓߘߊ߫ ߞߎ߲߭ߘߏ߲߬.
ߏ߬ ߟߋ ߘߐ߫߸ ߊ߬ߟߎ߫ ߞߵߊ߬ߟߎ߫ ߞߊ߲߬ߞߊߙߌ ߟߊ߫߸ ߞߏ߫ ߘߊ ߕߎ߲߯ߣߍ߲ ߞߐ ߣߌ߲߬ ߘߐ߫߸ ߡߐ߰ ߛߌ߫ ߞߊߣߊ߬ ߥߊߘߌ߫ ߛߙߊ߬ ߤߖߌ߫ ߟߊߕߊ߯ ߞߏ߫ ߘߐ߫ ߡߎ߬ߕߎ߲߬:
<<ߊ߬ ߓߘߊ߫ ߟߊߕߐ߲߫ ߘߎ߰ߘߋ߲ ߓߍ߯ ߡߊ߬߸ ߞߊ߬ ߥߊߘߌ ߛߊ߬ߙߊ߫ ߖߋ߬ߕߌ߰ߘߊ ߘߏ߫ ߟߊ߫߸ ߥߟߊ߫ ߘߎ߲߬ߘߎ߬ߡߊ߬ ߛߌ߲߬ߝߏ߲߬ߘߊ ߘߏ߫ ߟߊ߫߸ ߤߊߡߊ߲߫ ߡߐ߰ ߞߎ߲߬ߞߋߟߋ߲ ߘߏ߫ ߦߋ߫ ߡߍ߲ ߣߴߊ߬ ߡߊ߲߫ ߞߊ߲߫، ߥߊߘߌ ߡߍ߲ ߺ ߍ ߺ ߡߍ߲߫ ߞߊ߫ ߞߊ߲߫ ߞߊ߬ ߛߙߊ߬߸ ߊ߬ ߓߍ߯ ߞߊ߫ ߞߊ߲߫ ߞߊ߬ ߛߙߊ߬ ߛߌߟߊ߫ ߜߍߣߍ߲ ߠߋ߬ ߝߍ߬߸ ߏ߬ ߡߍ߲ ߦߋ߫ ߞߎ߲߬ߠߊ߬ߛߌ߮ ߟߊ߫ ߛߌߟߊ ߘߌ߫ ߘߌ߯ߣߊ߫ ߞߏߢߊ ߟߎ߫ ߝߘߏ߬ߓߊ߬ ߞߟߊ߬ߕߌ߰ߘߊ ߟߊ߫.>>
ߊ߬ߟߎ߬ ߟߊ߫ ߟߊ߬ߛߋ߬ߟߌ ߣߌ߲߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߣߌ߫ ߡߍ߲ ߣߐ߬ ߞߍ߫ ߘߊ߫ ߥߊߘߌ ߛߙߊ߬ ߟߊ߫ ߛߌߟߊ߫ ߜߘߍ߫ ߝߍ߬߸ ߡߍ߲ ߣߌ߫ ߝߘߏ߬ߓߊ߬ ߞߟߊ߬ߕߌ߰ߘߊ ߟߊ߫ ߛߌߟߊ ߕߍ߫ ߞߋߟߋ߲߫ ߘߌ߫߸ ߥߊߘߌ߫ ߛߙߊߟߊ ߞߎ߲߬ߞߏ߫ ߟߵߊ߬ ߓߟߏ߫ ߏ߬ ߘߌ߫߸ ߊ߬ߟߎ ߟߊ߫ ߕߌ߬ߦߊ߬ ߛߌ߫ ߕߴߏ߬ ߟߊ߫.
ߊ߬ ߘߏ߲߬߸ ߝߘߏ߬ߓߊ߬ ߞߟߊ߬ߕߌ߰ߘߊ ߓߏߟߏ߲ߝߘߊ ߡߍ߲ ߠߎ߬ ߦߋ߫ ߞߐߣߊߞߙߌ߫ ߞߊ߬ߝߏ߬ߙߋ߲߬ ߁߃ ߞߣߐ߫߸ ߡߍ߲ ߠߎ߬ ߦߋ߫ ߖߡߊ߬ߣߊ ߞߣߐߟߊ ߘߐ߫߸ ߤߊߟߌ߬ ߌ߬ߡߊߡߎ߲߫ ߙߊ߬ߕߌߓߎ ߟߎ߬߸ ߊ߬ ߖߡߊ߬ߙߌ߬ ߕߍ߫ ߏ߬ ߟߎ߬ ߛߌ߫ ߓߟߏ߫߸ ߞߏ߫ ߊ߬ߟߎ߬ ߦߋ߫ ߖߊ߬ߡߊ ߟߊߘߍ߬߸ ߥߟߊ߫ ߞߊ߬ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲߫ ߛߌ߰ ߛߋ߲߬ߠߊ߫ ߤߖߌ߫ ߞߏ ߘߐ߫߸ ߣߌ߫ ߝߘߏ߬ߓߊ߬ߞ ߟߊ߬ߕߌ߰ߘߊ ߡߊ߫ ߡߍ߲ ߖߡߊ߬ߙߌ ߘߌ߫، ߊ߬ ߘߏ߲߬߸ ߡߐ߰ ߛߌ߫ ߞߊ߬ ߞߏ߫ ߞߍ߫ ߛߊ߬ߙߌ߬ߦߊ ߞߊ߲ߞߕߐߡߊ߬߸ ߏ߬ ߓߍ߯ ߓߌ߲߬ߓߊ߬ߥߏ߬ߕߐ߫ ߞߵߊ߬ ߓߍ߲߬ ߛߊ߬ߙߌ߬ߦߊ߬ ߟߊ߫ ߝߐ߫ ߞߊ߲ ߠߋ߬ ߡߊ߬.
ߟߊ߬ߛߋ߬ߟߌ ߞߎ߲߭ߝߊ߰ ߘߊ߫ ߘߎ߬ߥߊ߬ߥߎ ߟߋ߬ ߟߊ߫ ߖߌ߬ߣߍ߬ ߞߊ߲ߓߍ߲ ߖߡߊ߬ߣߊ ߦߋ߫߸ ߖߐ ߟߊ߫߸ ߓߊߛߌ߮ ߟߊ߫߸ ߊ߬ ߣߌ߫ ߥߙߎߞߌ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
