ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߞߏ ߟߋ߬ ߘߌ߫߸ ߡߍ߲ ߞߎߡߊ ߞߊ߫ ߛߌߦߊ߫ ߘߍ߬ߞߙߏ߬ߝߏ߬ ߞߊ߲߬ߠߊ ߟߎ߬ ߘߐ߫ ߞߏߛߓߍ߫߸ ߡߙߊ߬ߒ߬ߡߊ߬ߟߌ߬ߟߊ ߡߍ߲߬ ߠߎ߫ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߎ߫ ߞߊ߬ ߓߙߊ߬ߒ߬ߘߐ߬ ߡߙߊ߬ߒ߬ߡߊ߬ߟߌ ߟߋ߬ ߞߍ߫ ߣߊ߲߬ߕߌ߮ ߟߎ߬ ߟߊ߫ ߘߊ߮ ߞߊ߲߬߸ ߞߊ߬ ߣߐ߭ ߛߐ߬ߘߐ߲߫ ߊ߬ߟߎ߫ ߡߊ߬߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߘߊ߲߬ߕߍ߰ߟߌ߬ ߖߐ߲ߖߐ߲߫ ߡߊ߫ ߞߍ߫ ߊ߬ ߞߏ ߞߊ߲߬ ߝߟߐ߫߸ ߛߙߋ ߘߏ߫ ߟߎ߫ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߕߌߢߍߟߌ ߝߊ߲߬ߞߊ ߓߏ߲߬ߧߊ߬ ߘߊ߫ ߟߋ߬ ߣߊ߲߬ߕߌ߮ ߟߎ߫ ߞߊ߲߬ ߞߊߕߌ߫߸ ߊ߬ ߣߌ߫ ߞߊ߬ ߘߏ߫ ߜߘߍ߫ ߟߎ߫ ߕߎߣߎ߲߫߸ ߡߙߊ߬ߒ߬ߡߊ߬ߟߌ߬ߟߊ ߡߍ߲߬ ߠߎ߫ ߘߏ߲߬ ߞߵߊ߬ߟߎ߬ ߕߍ߯ ߟߊ߫ ߝߋ߲߫ ߛߌߦߊߡߊ߲߫ ߠߋ߬ ߞߊ߲߬ ߦߋ߲߬ ߘߐ߫߸ ߞߊ߬ ߥߊ߫ ߊ߬ߟߎ߬ ߘߌ߫ <<ߞߟߍ߬ ߡߎߙߊ߲ ߠߎ߬߸ ߊ߬ ߣߌ߫ ߓߏ߬ߙߌ߬ߝߋ߲ ߘߏ߫ ߟߎ߫>> ߊ߬ߟߎ߬ ߓߊ߲ߣߍ߲߫ ߏ߬ ߟߋ߬ ߟߊ߫ ߛߊ߫߸ ߞߵߊ߬ߟߎ߫ ߞߎ߲߬ߛߌ߲߫ ߓߟߐߟߐ ߛߌߟߊ ߓߊ߯ߙߊ߫ ߦߙߐ ߞߊ߲߬ ߞߊ߬ ߥߊ߫ ߕߌߢߍߟߌ ߞߍ߫ ߦߋ߲߬߸ ߖߐ߲߰ߛߊ߫ ߞߊ߬ ߓߌ߬ߟߊ߬ߢߐ߲߰ߡߊ ߕߍ߰ ߘߎ߰ߘߋ߲ ߠߎ߬ ߣߌ߫ ߝߊ߲߬ ߜߘߍ ߟߎ߬ ߕߍ߫.
ߊ߬ߟߎ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬߸ ߊ߬ߟߎ߬ ߓߊ߲߫ ߘߊ߫ ߟߋ߬ ߝߣߊ߫ ߞߊ߬ ߕߊ ߛߎ߫ ߟߐ߯ߝߍ ߘߏ߫ ߟߊ߫߸ ߊ߬ ߣߌ߫ ߞߊ߬ ߞߐ߲߬ߛߏ ߘߏ߫ ߟߎ߫ ߖߋ߬ߣߌ߲߫߸ ߊ߬ ߞߏ߬ߣߌ߲ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߓߟߐߟߐ߫ ߛߌߟߊ ߟߎ߬ ߕߍ߰ߣߍ߲߫ ߕߘߍ߬ ߦߋ߫߸ ߛߙߋ ߘߏ߫ ߛߐ߬ߘߐ߲߬ ߘߊ߫ ߡߍ߲ ߞߊ߬ ߞߏ ߡߍ߲߬ ߠߎ߬ ߢߊߘߐߜߍ ߛߐ߬ߘߐ߲߬ ߘߍ߬ߞߙߏߝߏ ߞߊ߲߬߸ ߞߊ߬ ߡߐ߱ ߟߎ߬ ߟߊߛߏ߬ߓߌ߫߸ ߞߵߊ߬ ߦߌ߬ߘߊߞߊ߬ ߞߏ߫ ߡߙߊ߬ߒ߬ߡߊ߬ߟߌ߬ߟߊ ߡߍ߲ ߠߎ߬ ߕߍ߬ߘߍ߫ ߦߋ߲߬ ߘߐ߫߸ ߞߏ߫ ߊ߬ߟߎ߬ ߘߌ߫ ߛߋ߫ ߝߣߊ߫ ߞߵߊ߬ߟߎ߬ ߞߐߛߊ߬ߦߌ߲߬ ߦߋ߲߬ ߘߐ߫ ߦߊ߬ߣߌ߫ ߕߋ߬ߟߋ߫ ߖߌ߰ ߕߎߡߊ ߕߍ߫߸ ߏ߬ ߓߍ߯ ߣߴߊ߬ ߕߊ߫߸ ߘߊ߲߬ߕߍ߰ߟߌ߬ ߛߓߍ ߘߏ߫ ߝߣߊ߫ ߟߊߖߍ߲ߛߍ߲ߣߍ߲߫ ߕߘߍ߬ ߦߋ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߣߊ߲߬ߕߌ߮ ߟߎ߫ ߞߊ߬ ߡߙߊ߬ߒ߬ߡߊ߬ߟߌ ߣߌ߲߬ ߥߎߦߊߒߕߋߦߊ߫߸ ߓߊ߬ߙߌ߫߸ ߛߎ ߕߊ߬ߡߌ߲߬ߣߍ߲ ߡߊ߬߸ ߣߊ߲߬ߕߌ߮ ߟߎ߬ ߞߊ߬ ߘߊ߲߬ߕߍ߰ߟߌ߬ ߛߓߍ ߘߏ߫ ߟߊߓߐ߫߸ ߞߏ߫ ߟߊ߬ߥߊ߲߬ߞߊ߲߬ߠߌ߲߫ ߝߏߛߌ߬ ߡߊ߫ ߝߘߊ߫ ߊ߬ߟߎ ߟߊ߫߸ ߊ߬ߟߎ߫ ߘߏ߲߬ ߡߊ߫ ߝߏߦߌ߬ ߟߋ߬ ߝߐ߫ ߡߙߊ߬ߒ߬ߡߊ߬ߟߌ ߣߌ߲߬ ߞߊ߲߬.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
