ߓߍ߯ߦߊ߫ ߞߏ߲߬ߞߏ߫ ߞߊ߲ߕߌ߮ ߝߋߟߌߞߛ ߗߌߛߞߋߘߌ߫ ߦߋ߫ ߓߐߒߡߊߟߌ ߟߊ߫ ߔߊ߬ߙߌ߫

ߓߍ߯ߦߊ߫ ߞߏ߲߬ߞߏ߫ ߞߐߘߐ߲ ߞߏߕߌ߮ ߕߘߍ߬ ߦߋ߫ ߝߋߟߌߞߛ ߗߌߛߞߋߘߌ߫ ߣߌ߫ ߝߊ߬ߙߊ߲߬ߛߌ߫ ߞߊ߲ߕߌ߮ ߋߡߊߣߎ߳ߦߍߟ ߡߊߞߑߙߐ߲ ߠߊ߫ ߢߐ߲߯ߦߋ߫ ߘߊߞߎ߲ ߣߌ߲߬ ߘߐ߫ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߡߊ߬ ߔߊ߬ߙߌ߫ ߞߣߐ߫߸ ߣߌ߲߬ ߦߴߊ߬ ߛߋ߲߬ߧߊ߬ ߝߌߟߊߣߊ߲ ߠߋ߬ ߘߌ߫ ߞߊ߲ߕߌ߮ ߝߌ߬ߟߊ ߡߍ߲ ߠߎ߬ ߦߋ߫ ߢߐ߲߯ߦߋ߫ ߞߏ ߝߌ߬ߟߊ߬ ߞߍ߫ ߞߊߙߏ߫ ߞߋߟߋ߲߫ ߞߎ߲߬ߕߊ߯ ߞߣߐ߫߸ ߛߋ߲߬ߧߊ ߣߌ߲߬ ߕߊ ߟߐ߬ ߘߊ߫ ߖߡߊ߬ߣߊ ߝߌ߬ߟߊ ߡߍ߲߬ ߠߎ߬ ߟߊ߫ ߓߊ߯ߙߊߢߐ߲߯ߦߊ ߟߎ߫ ߟߋ߬ ߡߊ߬߸ ߊ߬ ߣߌ߫ ߞߊ߬ ߥߴߊ߬ ߛߌ߰ ߝߊ߬ߙߊ߲߬ߛߌ߬ߞߊ߲߬ߝߐ߬ ߖߡߊߣߊ ߟߎ߬ ߟߊ߫ ߞߏߟߊߕߍ߯ ߛߎߥߊ߲ߘߟߌ ߟߎ߫ ߡߊ߬، ߞߊ߲ߕߌ߯ ߝߌ߬ߟߊ ߡߍ߲߬ ߠߎ߫ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߢߐ߲߯ߦߋ ߟߎ߬ ߣߊ߬ߝߊ ߓߏ߲߬ߧߊ߬ ߘߊ߫ ߟߋ߬ ߞߏߛߓߍ߫.

ߟߊ߬ߢߌߣߌ߲ ߘߏ߫ ߦߋ߫ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߭ ߠߋ߬ ߘߌ߫ ߊ߬ߟߎ߬ ߣߌ߫ ߢߐ߲߯ ߕߍ߫߸ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߝߊ߬ߙߊ߲߬ߛߌ߫ ߞߵߊ߬ ߤߊߞߟߌߣߊ߲ ߠߎ߬ ߦߌ߬ߘߊ߫ ߟߋ߬߸ ߞߏ߫ ߖߡߊ߬ߣߊ ߟߊ߫ ߞߎ߬ߙߎ߲߬ߘߎ ߟߎ߫ ߦߋ߫ ߓߐ߫ ߊ߬ ߛߌ߬ߟߊ ߝߍ߬߸ ߝߊ߬ߙߊ߲߬ߛߌ߬ ߓߊ߲߫ ߘߊ߫ ߞߵߊ߬ ߟߊ߫ ߖߐ߬ߘߐ ߟߎ߬ ߦߌߘߊߞߊ߬ ߞߵߊ߬ ߓߍ߲߬ ߓߍ߯ߦߊ߫ ߞߏ߲߬ߞߏ߫ ߞߟߍ߬ ߞߎߘߊ ߟߎ߫ ߡߊ߬߸ ߏ߬ ߞߍ߬ߟߍ ߡߍ߲ ߓߘߊ߫ ߞߍ߫ ߕߙߎ߬ ߘߌ߫ ߕߋ߲߬ ߞߊ߬ ߍߡ-ߝ߭ߍ߲߫ ߕߙߏߥߊ ߟߊ߫ ߓߋߟߋ߲ߕߌ߮ ߘߏ߫ ߓߐ߬ߣߐ߫ ߊ߬ ߣߌ߫ ߘߐ߫ ߞߎߟߎ߲ߞߎߟߎ߲ ߠߊ߫ ߥߊ߬ߟߏ߲߬ߠߌ߲ ߘߏ߫ ߛߋ߲߭ߝߍ߬߸ ߓߍ߯ߦߊ߫ ߞߏ߲߬ߞߏ߫ ߞߍ߬ߟߍ ߣߌ߲߬ ߘߐ߫߸ ߋߡߊߣߎ߳ߦߍߟ ߡߊߞߑߙߐ߲ ߞߵߊ߬ ߛߌ߲ߛߌ߲߫ ߊߘߡߊߘߋ߲ ߠߎ߬ ߟߊ߫ ߟߌ߬ߤߟߊ߬ߦߊ ߟߋ߬ ߞߊ߲߬߸ ߝߊ߬ߙߊ߲߬ߛߌ߫ ߣߌ߫ ߙߏߥߊ߲ߘߊ߫ ߖߍ߬ߘߍ ߞߎ߲߬ߠߊ߬ߛߌ߮ ߟߎ߬ ߦߋ߫ ߞߎߡߊߢߐ߲߯ߦߊ ߟߊ߫ ߏ߬ ߞߏߢߊ ߟߎ߫ ߞߊ߲߬.

ߊ߬ ߖߍ߬ߘߍ ߊ߬ ߓߘߊ߫ ߞߊߙߏ߫ ߞߋߟߋ߲߫ ߓߐ߫ ߋߡߊߣߎ߳ߦߍߟ ߡߊߞߑߙߐ߲ ߣߌ߫ ߔߏߟߌ߫ ߞߊߞߊߡߋ߫ ߙߏߥߊ߲ߘߊ߫ ߞߊ߲ߕߌ߮ ߕߎ߲߬ ߓߘߊ߫ ߞߎߡߊ߫ ߞߏߢߊ߫ ߣߌ߲߬ ߞߊ߲߬ ߣߍ߰ߖߟߎ߬ ߛߌߟߊ ߝߍ߬߸ ߒ߬ߓߊ߬߸ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߟߊ߬ߘߍ ߛߋ߲߭ߝߍ߬ ߝߍ߬߸ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߊ߲ߕߌ߮ ߝߋߟߌߞߛ ߗߌߛߞߋߘߌ߫ ߞߵߊ߬ ߦߌ߬ߘߊ߬ ߞߏ߫ ߞߊ߬ ߜߛߏ ߝߊ߲߬ߞߊߘߏ߲߬ ߙߏߥߊ߲ߘߊ߫ ߞߊ߲߬߸ ߢߐ߲߯ߦߋ ߣߌ߲߬ ߛߋ߲߭ߝߍ߬ ߝߣߊ߫߸ ߓߍ߯ߦߊ߫ ߞߏ߲߬ߞߏ߬ ߣߌ߫ ߝߊ߬ߙߊ߲߬ߛߌ߫ ߞߎߡߊ߫ ߘߊ߫ ߟߋ߬ ߘߎߢߊ߫ ߝߊ߬ߙߊ߲߬ߛߌ߬ߞߊ߲߬ߝߐ߬ ߖߡߊߣߊ ߟߎ߬ ߟߊ߫ ߞߏߟߊߕߍ߯ ߛߎߥߊ߲ߘߟߌ ߟߎ߫ ߞߊ߲߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.