ߗߍ߭ ߘߏ߫ ߣߴߊ߬ ߡߏ߬ߛߏ ߟߋ߬ ߞߊ߲ߠߊߕߍ߰ߣߍ߲ ߛߋߣߍ߲߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߊ߬ߟߎ߬ ߞߊ߲ߠߊߕߍ߰ߣߍ߲߫ ߡߎ߬ߙߎ ߟߋ߬ ߟߊ߫، ߊ߬ߟߎ߬ ߛߋ߫ ߘߊ߫ ߘߊ߲ߘߊߛߏ ߟߊ߫ ߂߀߂߆ ߕߙߊߓߊ ߕߟߋ߬ ߄ ߠߋ߬ ߡߊ߬߸ ߏ߬ ߡߍ߲ ߓߍ߲߬ ߘߊ߫ ߞߎߣߎ߲ߟߏ߲ ߡߊ߬ ߁߅ߙߋ߲.
ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߞߊ߬ ߝߘߊ߫ ߘߊ߲ߘߊߛߏ ߘߊ߲ߘߊߟߌߟߊ ߘߏ߫ ߟߊ߫߸ ߊ߬ߟߎ߫ ߡߐ߰ ߝߌ߬ߟߊ ߓߍ߯ ߞߊ߲ߠߊߕߍ߰ߣߍ߲ ߠߋ߬ ߕߘߍ߬، ߘߊ߲ߘߊߟߌߟߊ ߟߎ߫ ߞߵߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ ߌߞߘߐ߫߸ ߞߵߊ߬ߟߎ߬ ߛߋߞߏ ߞߍ߫ ߞߵߊ߬ߟߎ߬ ߟߊ߫ ߢߣߊߡߦߊ ߓߐ߫ ߖߐ߬ߘߐ ߘߐ߫.
ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫߸ ߡߍ߲ ߞߊ߲߬ߕߐ߮ ߦߋ߫ ߊߓߋ߬ߛߋ ߘߌ߫߸ ߏ߬ ߞߊ߬ ߘߏ߫ ߝߐ߫ ߣߌ߲߬ ߞߏߢߊ ߞߊ߲߬، ߞߵߊ߬ ߦߌ߬ߘߊ߬ ߞߏ߫: <<ߊ߲ ߞߊ߬ ߡߐ߰ ߝߌ߬ߟߊ߫ ߟߋ߬ ߟߊߛߐ߬ߘߐ߲߬ ߞߏ߫ ߟߞߊߟߌߡߊ߲ ߠߎ߬ ߗߋߢߘߊ ߟߊ߫߸ ߊ߬ߟߎ߬ ߓߍ߯ ߡߊߘߌߡߌ߲߫ ߞߏߖߎ߯ߦߊ ߞߍߣߍ߲߫ ߊ߬ߟߎ߬ ߞߊ߲ ߝߍ߬، ߊ߬ߟߎ߫ ߣߊ߭ ߢߊ ߡߍ߲ ߌߞߘߐ߫߸ ߊ߲ ߞߵߊ߲ ߛߋߞߏ ߞߍ߫ ߊ߬ߟߎ߬ ߟߊ߫ ߞߏ ߘߐ߫، ߊ߲ ߞߵߊ߬ ߟߊߞߙߐ߬ߛߌ߬ ߞߏ߫ ߕߍ߰ߟߌ߬ ߝߋ߲ ߠߋ߬ ߟߊߓߊ߯ߙߊߣߍ߲߫ ߞߵߊ߬ߟߎ߬ ߞߊ߲ߠߊߕߍ߰، ߊ߬ߟߎ߬ ߞߊ߲ߥߙߏ ߕߍ߰ ߘߊ߫ ߟߋ߬ ߝߋߎ߫߸ ߡߍ߲ ߡߊ߬ߞߏ ߕߘߍ߬ ߘߊ߲ߘߊߟߌ ߟߊ߫ ߞߊߟߌߦߊ߫ ߓߟߏ ߡߊ߬߸ ߛߴߊ߬ߟߎ߬ ߘߌ߫ ߛߋ߫ ߟߊߕߊ߲߬ߞߊ߬ ߟߊ߫، ߘߊ߲ߘߊߟߌ߫ ߞߎ߲߬ߝߟߐ ߟߎ߬ ߞߐ ߘߐ߫߸ ߊ߬ߟߎ߬ ߞߛߌ߫ ߘߊ߫ ߞߵߊ߬ߟߎ߬ ߟߊ߫ ߢߣߊߡߦߊ ߓߐ߫ ߖߐ߬ߘߐ ߘߐ߫.>> ߞߏ߲߬ߓߏ ߟߋ߬ ߞߊ߲߫ ߕߋ߲߬.
ߡߐ߰ ߝߌ߬ߟߊ ߡߍ߲ ߠߎ߬ ߦߋ߫ ߕߋ߲߬߸ ߡߏ߬ߛߏ ߕߐ߯ ߟߋ߬ ߞߏ߫ ߡߊߙߌߦߊߡ ߞߐ߲ߘߍ߫߸ ߏ߬ ߛߊ߲߬ ߁߆ ߖߊ߬ߕߋ߫ ߟߋ߬ ߕߋ߲߬߸ ߏ߬ ߦߋ߫ ߞߙߊߟߌߟߊ ߟߋ߬ ߘߌ߫، ߗߍ߭ ߕߐ߯ ߞߏ߫ ߊߘߡߊ߫ ߞߊ߬ߡߌ߬ߛߐ߯߸ ߏ߬ ߛߊ߲߬ ߃߃ ߖߊ߬ߕߋ߫ ߟߋ߬ ߕߋ߲߬߸ ߏ߬ ߦߋ߫ ߛߊߣߌ߲߫ ߓߊ߯ߙߊ ߟߋ߬ ߟߊ߫، ߊ߬ ߦߌ߬ߘߊ߬ ߘߊ߫ ߡߐ߱ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߗߍ߭ ߣߴߊ߬ ߡߏ߬ߛߏ ߟߋ߬.
ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߐߞߟߌ ߟߊ߫ ߖߎ߯ߦߊ ߡߊ߬߸ ߘߊ߲ߘߊߟߌߟߊ ߟߎ߬ ߓߊ߲ ߞߐ ߊ߬ߟߎ߬ ߞߛߌ߫ ߟߊ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߵߊ߬ߟߎ߬ ߟߊߕߊ߯ ߓߡߊ߬ߞߐ߫ ߟߋ߬، ߓߊ߸ ߦߋ߲߬ ߠߋ߬ ߛߎ߬ߘߎ߲߬ߡߊ߬ ߛߌ߯ߙߌ߲߫ ߠߊ߫߸ ߞߊ߬ ߕߊ߯ ߘߊ߲ߘߊߟߌ߫ ߓߟߏߡߊߞߊ߬ߣߍ߲ ߞߍ߫ ߊ߬ߟߎ߬ ߟߊ߫ ߦߋ߲߬.
ߕߋ߲߭ߕߋ߲߭ ߣߌ߲߬ ߞߏ߬ߣߌ߲ ߘߐ߫߸ ߡߎ߲߬ ߕߊ߬ߡߌ߲߬ߣߍ߲߫ ߗߍ߭ ߣߴߊ߬ ߡߏ߬ߛߏ ߕߍ߫߸ ߥߟߊ߫ ߡߎ߲߬ ߞߵߊ߬ߟߎ߬ ߡߊߛߐ߬ߘߐ߲߬߸ ߏ߬ ߡߊ߫ ߛߋ߫ ߢߊߛߐ߬ߘߐ߲߬ ߠߴߊ߲ ߓߟߏ߫ ߝߟߐ߫.
ߌߓߙߊߤߌߡߊ߬ ߞߊߡߊ߲߫ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
