ߓߙߎߞߌߣߞߊ ߘߏ߫ ߟߋ߬ ߖߐߞߌ߫ ߞߏߖߎ߯ߦߊ ߞߍߣߍ߲߫ ߞߌ߬ߛߍ ߟߊ߫ ߞߐ߬ߟߏ߲߫ ߕߊ߬ߡߌ߲߬ߣߍ߲ ߛߎ ߘߐ߫ ߞߵߊ߬ ߘߎ߰ߛߊ ߜߍ߫ ߞߎߣߎ߲߬ ߞߎߣߎ߲ߟߏ߲ ߠߊ߫߸ ߂߀߂߆ ߕߙߊߓߊ ߕߟߋ߬ ߄، ߏ߬ ߞߍ߫ ߘߊ߫ ߕߋ߰ߙߋ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߛߋ߲߭ߝߍ߬ ߛߍ߬ߞߍ߫ ߞߌ߬ߢߍ߬ߓߊ߬ߞߎߘߊ߫ ߘߊ߬ߡߊ߲ ߘߏ߫ ߞߣߐ߫߸ ߘߞߏ߫ ߡߙߊ߬ߘߊ߬ߙߋ߲ ߘߐ߫߸ ߛߌ߯ߙߌ߲߫ ߡߙߊ߬ߓߊ߰ߘߊ ߞߣߐ߫.
ߊ߲ ߓߟߏ߫ ߛߊ߫ ߘߊ߫ ߟߊ߫ ߟߊ߫ ߟߌ߬ߤߟߊ ߡߍ߲ ߠߎ߬ ߘߐ߫ ߘߌ߲߬ߞߌߙߊ ߏ߬ ߘߐ߫ ߦߋ߲߬߸ ߕߋ߰ߙߋ ߢߌ߲߬ ߠߎ߫ ߘߏ߲߬ ߘߊ߫ ߘߊ߬ߡߊ߲߬ߛߋ߬ ߦߙߐ ߣߌ߲߬ ߘߐ߫ ߛߎ ߟߋ߬ ߘߐ߫߸ ߞߊ߬ ߛߊߣߌ߲߫ ߛߋ߲ߠߊ ߟߎ߬ ߡߐ߬ߡߐ ߘߊߡߌ߬ߣߊ߸ ߡߍ߲ ߠߎ߬ ߢߊ ߕߘߍ߬ ߜߍ ߘߐ߫ ߦߋ߲߬߸ ߞߊ߬ ߛߊߣߌ߲߫ ߛߌߦߊߡߊ߲߫ ߕߊ߬ ߞߊ߬ ߥߴߊ߬ߟߎ߬ ߦߋ߫. ߊ߬ߟߎ߬ ߟߊ߫ ߡߐ߬ߡߐ߬ߟߌ߬ ߥߊ߯ߕߌ ߏ߬ ߟߋ ߟߊ߫ ߛߊ߫߸ ߞߊ߲ߡߋߙߋ߲ ߘߏ߫ ߟߊߣߍ߲߫ ߕߍ߬ߘߍ߫ ߛߎ߬ߣߐ߮ ߘߐ߫߸ ߏ߬ ߓߙߊ߬ߣߍ߲߫ ߥߟߌ߬ ߟߊ߫ ߏ߬ ߟߋ ߘߐ߫ ߓߙߏߡߛߏ߫߸ ߞߵߊ߬ ߓߏ߬ߙߌ߬، ߒ߬ߓߊ߬߸ ߞߍߒߞߊ߲ߠߌ߲ߠߊ ߟߎ߫ ߞߵߊ߬ ߖߊ߬ߕߋ߫ ߏ߬ ߟߋ ߘߐ߫߸ ߞߴߏ߬ ߣߐ߬ ߊ߬ ߓߏ߬ߙߌ߬ ߟߊ߫ ߛߊߣߌ߲ ߠߋ߬ ߘߌ߫ ߏ߬ ߘߌ߫، ߌߞߘߐ߫߸ ߊ߬ߟߎ߫ ߞߊ߬ ߡߎ߮ ߟߊߥߌ߬ߟߌ߫ ߊ߬ ߞߐ߫.
ߊ߬ߟߋ߬ ߞߊ߲ߡߋߙߋ߲ ߕߐ߯ ߞߏ߫ ߛߎ߬ߡߊ߬ߦߌߟߊ߬ ߥߋߘߙߊߥߜ߭ߏ߫߸ ߊ߬ ߛߌ߭ ߦߋ߫ ߛߊ߲߭ ߂߇ ߢߐ߲߰ ߘߐ߫߸ ߊ߬ ߛߌ߰ߣߍ߲߫ ߛߍ߬ߞߍ߫ ߞߌ߬ߢߍ߬ߓߊ߬ߞߎߘߊ߫ ߟߋ߬، ߊ߬ ߡߊߘߌߡߌ߲ ߞߌ߬ߛߍ ߟߊ߫ ߢߊ ߏ߬ ߡߊ߬ ߌߞߘߐ߫߸ ߊ߬ߟߎ߫ ߞߵߊ߬߬ ߕߊ߬ ߖߏߣߊ߫ ߞߊ߬ ߛߌ߯ߙߌ߲߫ ߘߊ߲ߘߊߛߏߓߊ ߡߊߜߍ߲߫.
ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߡߍ߲ ߦߋ߫ ߞߟߍ߬ߡߐ߰ ߘߊ߲ߘߊߟߌߟߊ߫ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫ ߦߋ߲߬߸ ߛߌߟߊߓߐߛߐ߯ߣߊ߫ ߟߊ߫ ߞߟߌߟߌ ߛߋ߫ ߘߴߏ߬ ߡߊ߬، ߊ߬ߟߋ ߡߍ߲ ߦߋ߫ ߞߟߌ߫ ߟߊ߫ ߓߍ߯ ߓߟߏ߫ ߞߏ߫ ߊߓߋ߬ߛߋ، ߊ߬ ߞߊ߬ ߢߊߝߐߟߌ߫ ߞߍ߫ ߞߵߊ߬ ߓߍ߲߬ ߖߐߞߌߓߊ߯ߕߐ ߟߌ߬ߤߟߊ ߡߊ߬:
<<ߞߌ߬ߛߍ ߞߊ߬ ߞߊ߲ߡߋߙߋ߲ ߓߏ߲߫ ߊ߬ ߛߌߛߌ߫ ߟߊ߫ ߝߊ߲ ߠߋ߬ ߘߐ߫߸ ߊ߬ ߣߴߊ߬ ߓߟߏߞߟߊ߫ ߝߌ߬ߟߊ، ߊ߬ ߞߵߊ߬ ߓߏ߬ߙߌ߫ ߏ߬ ߟߋ ߘߐ߫߸ ߞߊ߬ ߛߏߞߣߐߟߊ ߡߊߜߍ߲߫߸ ߓߊߏ߬ ߊ߬ ߡߴߊ߬ ߟߐ߬،>> ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߲ߡߋߙߋ߲ ߛߋ ߘߊ߲ߘߊߛߏ ߟߊ߫߸ ߊ߬ߟߎ߫ ߞߵߊ߬ߟߎ߬ ߛߋߞߏ ߞߍ߫߸ ߊ߬ ߓߘߊ߫ ߞߎ߲߬ߠߊ߬ߘߌߦߊ߫ ߡߎ߬ߕߎ߲߬ ߝߋߎ߫، ߘߊ ߟߋ߬ ߘߐߙߐ߲߫ ߘߊ߲ߘߊ ߦߴߌߘߐ߫ ߏ߬ ߞߐ߫.
ߊ߬ ߦߌ߬ߘߊ߬ ߘߊ߫ ߞߏ߫ ߊ߬ ߞߏߢߊ ߓߘߊ߫ ߛߋ߫ ߛߌ߯ߙߌ߲߫ ߞߊ߲ߓߍ߲ ߞߕߌߞߊ߲ߘߊ ߓߟߏߞߘߐ߫߸ ߢߊߢߌߣߌ߲ߠߌ߲߫ ߓߘߊ߫ ߛߌ߰ ߛߋ߲߬ߠߴߊ߬ߟߎ߬ ߓߟߏ߫، ߓߊߏ߬߸ ߕߋ߰ߙߋ ߢߌ߲߬ ߠߎ߬ ߡߊ߫ ߛߋ߫ ߡߊߟߐ߲߫ ߠߊ߫߸ ߊ߬ ߡߊ߫ ߟߐ߲߫ ߡߐ߰ ߞߋߟߋ߲ ߡߍ߲ ߦߴߊ߬ߟߎ߬ ߘߌ߫، ߊ߬ ߞߏ߬ߣߌ߲ ߦߌ߬ߘߊ߬ ߘߊ߫ ߘߏ߫ ߟߎ߫ ߓߟߏ߫߸ ߞߏ߫ ߊ߬ߟߎ߫ ߡߐ߰ ߝߌ߬ߟߊ߫ ߟߋ߬ ߕߘߍ߬߸ ߘߏ߫ ߟߎ߫ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߡߐ߰ ߛߊ߬ߓߊ߫ ߟߋ߬ ߕߘߍ߬.
ߌߓߙߊߤߌߡߊ߬ ߞߊߡߊ߲߫ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
