ߖߋ߬ߟߌ߬ߓߊ߬ߟߊ߫ ߕߏ߬ߟߊ߲߬ߕߊ߲߬ߠߊ ߟߎ߬ ߦߋ߫ ߛߎ߬ߣߎ߲ ߠߋ߬ ߘߐ߫ ߕߋ߲߬߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߖߐ߬ߞߊ߲߬ߘߊ߬ ߞߘߐ߫ ߔߋߕߍߙ ߙߎߝߊߦߌ߫ ߟߊ߫ ߛߊ߬ߦߊ ߘߌ߫߸ ߊ߬ߟߋ ߡߍ߲ ߕߘߍ߬ ߝߊ߬ߛߏ ߖߡߊ߬ߞߎߘߎ߲ ߘߐ߫، ߏ߬ ߟߋ ߛߊ߬ ߘߊ߫ ߞߎߣߎ߲߬ ߓߌߟߏ߲ ߡߊ߬߸ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߆߁ ߘߐ߫، ߊ߬ ߘߏ߲߬ ߛߊ߬ ߘߊ߫ ߞߵߊ߬ ߛߐ߬ߘߐ߲߫ ߠߋ߬ ߊ߬ ߓߘߴߊ߬ ߕߐ߮ ߕߏ߫ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲ ߘߐ߬ߝߐ ߘߐ߫ ߝߛߊߦߌ߫.
ߛߊ߲߭ ߁߉߉߀ ߝߊ߲߬ߝߍ߬ߟߊ ߢߐ߲߰ߦߋ߬ߓߊߟߌ ߘߏ߫ ߟߋ߬ ߦߴߊ߬ ߘߌ߫߸ ߙߎߝߊߦߌ߫ ߞߵߊ߬ ߕߋ߬ߟߋ ߞߍ߫ ߟߋ߬ ߛߎߔߍߙ ߍߜ߭ߟ ߞߣߐ߫ ߝߛߊߦߌ߫، ߁߉߉߄ ߝߘߊ߬ߝߌ߲߬ߠߊ߬ ߖߌߟߊߝߍ ߟߊ߬ߓߊ߲ ߕߊ߲ߠߌ߲ ߝߍ߬߸ ߣߌ߫ ߖߋ߬ߟߌ߬ߓߊ߬ߟߊ߫ ߞߊ߬ ߕߣߎߛߌ߫ ߟߊߓߐ߫ ߞߊ߬ ߖߌߟߊߝߍ ߏ߬ ߕߊ߬߸ ߊ߬ ߞߊ߬ ߥߣߊ߬ߦߊ ߖߍ߬ߘߍߖߍ߬ߘߍ ߟߋ߬ ߞߍ߫ ߏ߬ ߛߊ߲߭ ߠߊ߫. ߛߊ߲߭ ߏ߬ ߟߊ߫߸ ߕߏ߬ߟߊ߲߬ߕߊ߲߬ߠߊ߫ ߡߊߞߓߊߣߍ߲ ߘߏ߫ ߟߎ߫ ߕߍ߬ߘߍ߫ ߦߋ߲߬߸ ߖ߭ߊߦߌߖ߭ߊߦߌ߫ ߏߞߏߛ߭ߊ߸ ߛߑߕߋߝߍ߲ ߞߋߛ߭ߌ߫߸ ߊ߬ ߣߌ߫ ߝ߭ߌߞߑߕߐߙ ߌߜ߳ߋߓߊ߫߸ ߊ߬ ߞߵߊ߬ ߕߋ߬ߟߋ ߞߍ߫ ߟߋ߬ ߏ߬ ߟߎ߫ ߝߍ߬ ߝߛߊߦߌ߫، ߊ߬ ߛߐ߬ߘߐ߲߬ ߘߊ߫ ߖߊ߫ߓߊ߫ ߖߌߟߊߝߍ߫ ߝߌ߬ߟߊ߬ ߘߐ߫߸ ߡߍ߲ ߞߍ߫ ߘߊ߫ ߁߉߉߄ ߠߊ߫ ߞߊ߬ߝߏ߫ ߘߍ߬ߣߍ߲ ߞߣߐ߫߸ ߊ߬ ߣߌ߫ ߁߉߉߈ ߠߊ߫ ߝߊ߬ߙߊ߲߬ߛߌ߬ ߞߣߐ߫߸ ߊ߬ ߞߊ߬ ߛߊ߭ ߟߊߓߐ ߟߋ߬ ߏ߬ ߟߎ߬ ߝߣߊ߫ ߘߐ߫ ߦߋ߲߬ ߞߏߛߓߍ߫߸ ߞߊ߬ ߛߋ߫ ߕߎ߬ ߛߌߦߊߡߊ߲߫ ߠߊߘߊ߲߬ ߠߊ߫.
ߊ߬ߟߋ ߟߋ߬ ߕߘߍ߬ ߞߟߌ߫ ߟߊ߫ ߞߏ߫ ߘߏߘߏ ߡߊߢߣߊ߫߸ ߙߎߝߊߦߌ߫ ߛߊ߲߬ߞߊ ߟߊߕߋ߬ ߘߊ߫ ߖߋ߬ߟߌ߬ߓߊ߬ߟߊ߫ ߕߏ߬ߟߊ߲߬ߕߊ߲߬ ߞߙߎߝߊ ߟߋ߬ ߓߟߏ߫ ߛߎ߬ߣߎ߲ ߗߋߛߓߍ ߘߏ߫ ߟߊ߫ ߌߞߛ ߞߊ߲߬ (ߊ߬ ߕߘߍ߬ ߝߐ߫ ߟߊ߫ ߡߍ߲ ߡߊ߬ ߞߘߐ߬ߡߊ߲߬ ߞߏ߫ ߕߑߥߌߕߍߙ).
<<ߘߏߘߏ ߡߊߢߣߊ߫ ߟߊ߫ ߞߏ ߕߍ߫ ߓߐ߫ ߊ߲ ߛߣߐ߬ߡߍ ߘߐ߫ ߡߎ߰ߡߍ߫، ߊ߲ ߧߋ߫ ߞߊ߬ߛߌ߬ ߟߊ߫ ߓߌ߬߸ ߛߎ߳ߔߍߙ ߍߜ߭ߟ ߖߐ߬ߞߊ߲߬ߘߊ߬ ߛߘߊߡߊ ߟߊ߫ ߝߐߦߊ ߘߐ߫߸ ߔߋߕߍߙ ߙߎߝߊߦߌ߫߸ ߖߋ߬ߟߌ߬ߓߊ߬ߟߊ߫ ߕߏ߬ߟߊ߲ ߡߐ߰ߓߊ߸ ߊ߬ ߣߌ߫ ߁߉߉߄ ߝߘߊ߬ߝߌ߲߬ߠߊ߬ ߖߌߟߊߝߍ ߞߟߏߞߏ߬ߕߏ، ߌ ߞߊ߬ ߞߏ ߡߍ߲ ߞߍ߫ ߟߐ߲߫ ߝߌ߬ߟߊ ߣߌ߫ ߢߐ߲߯ ߕߍ߫߸ ߏ߬ ߕߍ߫ ߕߎߣߎ߲߫ ߝߋ߲߫ ߘߌ߫ ߡߎ߬ߕߎ߲߬.>>
ߊ߬ ߛߎߥߊ߲ߘߌ߫ ߘߊ߫ ߛߋ߲߬ߢߊ߬ ߆߅ ߟߋ߬߸ ߊ߬ ߞߍ߫ ߘߊ߫ ߖߐ߬ߞߊ߲ߘߊ߫ ߟߋ߬ ߘߌ߫߸ ߡߍ߲ ߛߋ߫ ߘߊ߫ ߕߎ߭ ߘߏ߲߬ ߠߊ߫߸ ߏ߬ ߡߍ߲ ߞߍߓߊ߮ ߡߊ߲߫ ߛߌߦߊ߫ ߞߊ߬ߣߌ߲߬، ߊ߬ ߟߊ߫ ߞߍߙߍ߲ߘߊ߫ ߞߏ ߞߵߊ߬ ߟߊߛߋ߫ ߟߋ߬ ߤߊ߲߯ ߋߙߐߔߎ߬߸ ߏ߬ ߞߍ߫ ߘߊ߫ ߁߉߈߇ ߟߋ߬ ߟߊ߫߸ ߞߊ߬ ߘߏ߫ ߞߍ߫ ߟߏߞߋߙߍ߲ ߘߐ߫ ߓߍߟߑߖ߭ߌߞ ߖߡߊ߬ߣߊ ߞߊ߲߬߸ ߞߊ߬ ߓߊ߲߫ ߞߊ߬ ߥߊ߫ ߓߋߝ߭ߍߙߍ߲߫߸ ߞߣߊ߬ߕߏ߫ ߕߊ߯ ߔߋߦߌߓߊ߫߸ ߜ߭ߏ ߊߤߋߦߊߘ ߍߜ߭ߟ ߘߐ߫، ߊ߬ ߞߊ߬ ߔߐߙߑߕߎ߳ߜ߭ߊߟ ߝߣߊ߫ ߞߍ߫ ߟߋ߬߸ ߝߊߙߍ߲ߛ߸ ߞߊ߬ ߍߛߑߔߊߢߌ߲߬ ߞߍ߫ ߘߋߔߐߙߑߕߌߝ߭ߏ ߟߊ߬ ߞߏߙߐߢ ߘߐ߫߸ ߊ߬ ߣߌ߫ ߖ߭ߌߟ ߝ߭ߍߛߊ߲ߕ ߣߌ߫ ߤߍߙߑߞߎ߳ߟ ߊߟߌߞߊ߲ߕ.
ߙߎߝߊߦߌ߫ ߞߵߊ߬ ߣߐ߭ ߕߏ߫ ߟߋ߬ ߕߏ߬ߟߊ߲߬ߕߊ߲ ߘߐ߫ ߝߋߎ߫߸ ߊ߬ ߞߊ߬ ߢߍߡߌߘߦߊ ߞߍ߫ ߟߋ߬߸ ߡߍ߲ ߓߏ߲߬ߧߊ߬ߣߍ߲߫ ߕߘߍ߬ ߓߍ߯ ߓߟߏ߫߸ ߖߐ߬ߞߊ߲ߘߊ߫ ߡߌ߬ߙߌ߲߬ߡߊ ߟߋ߬ ߕߘߍ߬߸ ߡߍ߲ ߞߍ߫ ߘߊ߫ ߝߘߊ߬ߝߌ߲߬ߠߊ߫ ߕߏ߬ߟߊ߲ ߟߊ߬ߛߌ߰ߘߋ߲ ߘߌ߫߸ ߊ߬ ߝߏ߲߬ߝߏ߲߬ߠߊ ߕߘߍ߬ ߤߊߟߌ߬ ߘߋ߲ߡߌߛߍ߲߫ ߥߟߌ߬ߕߐ ߟߎ߬ ߓߍ߯ ߞߊ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
