ߒߞߏ ߝߘߏ߬ߓߊ߬ ߞߙߏߝߏ ߞߊ߬ ߖߊ߲߬ߖߏ߲ ߡߍ߲ ߞߍ߫ ߂߀߁߈ ߣߌ߫ ߂߀߁߉ ߟߊ߫߸ ߊ߬ߟߎ߬ ߛߋ߫ ߘߊ߫ ߓߋ߬ߝߘߍ߬ ߟߏ߯ߟߎ߫ ߘߎ߰ߞߣߍ ߢߌߣߌ߲߫ ߠߊ߫ ߏ߬ ߞߏ ߘߐ߫، ߊ߲ ߞߵߏ߬ ߞߎߡߊ ߦߋ߫ ߓߊߛߓߊ߬ߕߌ߫ ߛߘߌ߬ߓߋ߫ ߟߋ߬ ߟߊ߫ ߖߊ߬ߕߋ߬ߘߊ ߟߊ߫߸ ߊ߬ߟߋ ߡߍ߲ ߦߋ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߊ߲ߕߌ߮ ߘߌ߫߸ ߊ߬ ߣߌ߫ ߒߞߏ ߛߍ߬ߘߏ߲߬ߠߊ߬ ߥߣߊ ߘߏ߫.
ߊ߲ ߞߵߊ߬ ߟߐ߬ߣߍ߲ ߦߋ߫ ߝߟߊ ߘߏ߫ ߘߊߝߍ߬ ߓߌ߲ߘߐ ߘߎ߰ߞߣߍ ߘߏ߫ ߞߊ߲߬߸ ߊ߬ ߛߓߍߣߍ߲߫ ߝߟߊ ߏ߬ ߞߊ߲߬ ߞߏ߫: <<ߒߞߏ ߝߘߏ߬ߓߊ߬ ߞߙߏߝߏ ߕߐ߯ ߟߊ߫ ߘߎ߮.>> ߓߊߛߓߊ߬ߕߌ߫ ߛߘߌ߬ߓߋ߬ ߟߊ߫ ߝߐߟߌ߫ ߘߐ߫߸ ߊ߬ ߟߊ߫ ߝߍߛߑߓߎߞ ߖߊ߬ߕߋ߬ߘߊ ߟߊ߫߸ ߞߏ߫ ߘߎ߱ ߣߌ߲߬ ߛߐ߬ߘߐ߲߬ ߘߊ߫ ߂߀߁߈ ߣߌ߫ ߂߀߁߉ ߖߊ߲߬ߖߏ߲ ߞߐ ߟߋ߬ ߘߐ߫.
<<ߒ ߧߴߊ߬ ߛߙߋ߫ ߘߌ߫ ߞߎߣߎ߲߬߸ ߓߌ߬߸ ߛߌߣߌ߲߫߸ ߞߏ߫ ߒߞߏ ߝߘߏ߬ߓߊ߬ ߞߙߏߝߏ ߟߊ߫ ߂߀߁߈ ߣߌ߫ ߁߉ ߛߌ߲߬ߝߏ߲߬ߧߊ߬ߟߌ ߥߟߏ߫ ߘߊ߫ ߓߋ߬ߝߘߍ߬ ߅ ߟߊ߫..>> ߊ߬ ߞߵߏ߬ ߟߋ ߛߓߍ߫. ߢߌ߲߬ ߦߋ߫ ߛߋ߲߬ߕߊ߬ߓߊ߫ ߟߋ߬ ߘߌ߫ ߒߞߏߞߏ ߘߐ߫ ߛߌ߲߬ߝߏ߲߬ߧߊ߬ߟߌ ߟߎ߬ ߘߐ߫.
ߘߎ߰ߞߣߍ ߡߍ߲ ߦߋ߫ ߣߌ߲߬߸ ߊ߬ ߞߣߐ ߦߋ߫ ߓߋ߬ߝߘߍ߬ ߟߏ߯ߟߎ߫ ߟߋ߬ ߘߌ߫߸ ߡߍ߲ ߓߌ߬ߟߊ߬ߣߍ߲߫ ߒߞߏ ߟߊߛߓߊ߬ߕߌ ߣߴߊ߬ ߟߊߥߙߎߞߌ ߘߊߞߘߐ߫، ߒߞߏ ߣߌ߲߬ ߛߌ߲ߘߌ߫ ߘߊ߫ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߟߋ߬ ߓߟߏ߫ ߁߉߄߉ ߟߊ߫، ߊ߬ ߦߋ߫ ߒߞߏ ߝߘߏ߬ߓߊ߬ ߞߙߏߝߏ ߟߊ߫ ߢߍߥߟߊ ߟߎ߫ ߟߋ߬ ߘߊߞߘߐ߫ ߦߋ߲߬߸ ߒߞߏ ߟߊ߫ ߢߝߍߕߊ߯ ߞߏ ߟߎ߬ ߞߍ߫ ߦߙߐߦߊ ߟߊ߫߸ ߣߌ߫ ߡߊ߬ߞߏ ߣߊ߬ ߘߊ߫ ߛߴߊ߬ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
