ߡߋߕߊ ߟߊ߫ ߡߋߛߊ߲ߖ߭ߌߙ ߟߥߊߟߌߟߊ߲߫ ߡߊߟߐ߲ߣߍ߲ ߡߍ߲ ߦߋ߫ ߕߟߋ߬ߓߊ߮ ߟߎ߬ ߞߣߐ߫߸ ߏ߬ ߟߎ߬ ߟߊ߫ ߓߊ߯ߙߊ ߓߍߣߊ߬ ߟߊߟߐ߬ ߛߊ߲߬ ߠߊ߬ߓߊ߲ ߢߌ߲߬ ߠߊ߫، ߡߋߕߊ ߦߴߊ߬ ߝߍ߬ ߟߋ߬ ߡߎ߬ߕߎ߲߬߸ ߟߊ߬ߓߊ߰ߙߊ߬ߟߌ߬ߟߊ ߦߋ߫ ߟߊߕߊ߯ ߓߟߐߟߐߞߐߜߍ ߟߋ߬ ߞߊ߲߬ ߗߋߛߓߍߢߐ߲߯ߦߊ ߘߐ߫ ߡߎ߬ߕߎ߲߬߸ ߞߊ߬ ߟߥߊߟߌߟߊ߲߫ ߞߏ ߓߐ߫ ߊ߬ ߘߐ߫ ߝߋߎ߫.
ߡߋߕߊ ߣߐ߬ ߣߌ߲߬ ߞߍ߫ ߟߊ߫ ߟߋ߬߸ ߊ߬ ߡߴߊ߬ ߞߎ߲߬ ߖߐ߲ߖߐ߲߫ ߛߌ߫ ߝߐ߫ ߜߍ ߘߐ߫ ߥߛߊߞߙߊ߫، ߥߊߟߌߘߊ ߡߍ߲ ߦߋ߫ ߕߋ߲߬߸ ߊ߬ߟߋ ߡߊߡߙߊ߬ߣߍ߲߫ ߡߊߙߞ ߖ߭ߎߞߍߙߑߓߍߙߖ߭ ߟߋ߬ ߓߟߏ߫߸ ߊ߬ߟߎ߫ ߞߵߊ߬ ߦߌ߬ߘߊ߫ ߟߋ߬ ߘߐߙߐ߲߫߸ ߞߏ߫ ߞߏߟߌ߲ߞߏߟߌ߲ ߕߟߋ߬ ߁߅ ߘߐߙߐ߲߫ ߠߋ߬ ߦߋ߫ ߟߊ߬ߓߊ߰ߙߊ߬ߟߌ߬ߟߊ ߟߎ߬ ߦߋ߫ ߡߎ߬ߕߎ߲߬߸ ߞߵߊ߬ߟߎ߬ ߟߊ߫ ߓߊ߬ߘߏ߬ߢߐ߲߰ߦߊ ߟߎ߬ ߟߊߞߎ߲߬ߘߎ߬، ߣߌ߫ ߕߎ߬ߡߊ߬ߘߊ ߏ߬ ߕߊ߬ߡߌ߲߬ ߘߊ߫߸ ߗߋߛߓߍߢߐ߲߯ߦߊ ߞߍߕߐ߫ ߓߟߐߟߐ߫ ߞߍߦߙߐ messenger.com ߛߌߟߊ ߟߋ߬ ߝߍ߬ ߡߎ߬ߕߎ߲߬߸ ߥߟߊ߫ facebook.com.
ߡߍ߲ ߠߎ߬ ߦߋ߫ ߡߋߛߊ߲ߖ߭ߍߙ ߟߊߓߊ߯ߙߊ߫ ߟߊ߫ ߡߊߞ ߟߊ߫߸ ߥߟߊ߫ ߝߢߐߘߊ ߟߊ߫ (ߥߌ߲ߘߏ߯ߖ߭)߸ ߏ߬ ߟߎ߬ ߓߍߣߊ߬ ߟߊߛߏ߬ߓߌ߬ ߡߙߌߦߊ ߢߌ߲߬ ߠߊ߫، “ߣߌ߫ ߟߊ߬ߛߏ߬ߓߌ߬ߟߌ ߏ߬ ߛߋ߫ ߘߴߌ ߡߊ߬߸ ߕߟߋ߬ ߆߉ ߟߋ߬ ߘߌߕߐ߫ ߌ ߡߊ߬ ߡߎ߬ߕߎ߲߬ ߞߊ߬ ߟߥߊߟߌߟߊ߲ ߠߊߓߊ߯ߙߊ߫߸ ߞߊ߬ ߞߐ߲߰ ߊ߬ ߟߊߘߎ߲ ߢߍ߫ ߝߋߝߋ߫، ߣߌ߫ ߕߟߋ߬ ߆߀ ߏ߬ ߕߊ߬ߡߌ߲߬ ߘߊ߫߸ ߌ ߕߍߣߊ߬ ߛߋ߫ ߟߴߊ߬ ߟߊߓߊ߯ߙߊ߫ ߟߊ߫ ߡߎ߬ߕߎ߲߬. ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߡߍ߲ ߢߌߣߌ߲߫ ߠߊ߫ ߓߍ߯ ߝߍ߬߸ ߏ߬ ߟߋ ߟߥߊߟߌߟߊ߲ ߖߏ߰ߛߌ ߘߌ߫߸ ߓߊߏ߬ ߊ߬ ߕߍߣߊ߬ ߛߋ߫ ߟߊ߫ ߟߊߓߊ߯ߙߊ߫ ߟߊ߫ ߟߋ߬ ߝߋߝߋ߫،” ߊߟߎ߫ ߘߌ߫ ߛߋ߫ ߞߎߡߊ ߣߌ߲߬ ߞߘߐߓߐ߫ ߟߊ߫ ߝߍߛߑߓߎߞ ߟߊ߫ ߡߊ߬ߘߍ߬ߡߍ߲߬ ߞߐߜߍ ߞߊ߲߬.
ߣߴߌ ߦߴߊ߬ ߝߍ߬ ߞߵߌ ߟߊ߫ ߓߊ߬ߘߏ߬ߢߐ߲߰ߦߊ߫ ߞߘߐ߬ߡߊ߲ ߠߎ߬ ߟߊߡߙߊ߬߸ ߌ ߞߊ߫ ߞߊ߲߫ ߞߊ߬ ߡߙߊ߬ߘߐ߬ߦߊ߬ ߟߊߞߊ߲ߘߊߣߍ߲ ߠߋ߬ ߟߊߞߎߣߎ߲߫߸ ߞߊ߬ ߓߊ߲߫ ߞߵߏ߬ ߘߏߝߙߍߕߍ ߓߌ߬ߟߴߊ߬ ߟߊ߫ ߟߥߊߟߌߟߊ߲ ߞߣߐ߫ ߦߋ߲߬߸ ߖߐ߲߰ߛߊ߫ ߌ ߟߊ߫ ߓߊ߬ߘߏ߬ߢߐ߲߰ߦߊ߫ ߞߘߐ߬ߡߊ߲ ߠߎ߬ ߞߊߣߊ߬ ߕߎߣߎ߲߫ ߞߊ߬ ߞߐ߲߰ ߞߏ ߟߎ߬ ߟߊߦߟߍ߬ߡߊ߲ ߡߊ߬ ߡߋߛߊ߲ߖ߭ߍߙ ߓߟߐߟߐߡߊ ߟߊ߫.
ߣߴߌߟߋ ߡߍ߲ ߘߏ߲߬ ߦߴߊ߬ ߝߍ߬ ߞߊ߬ ߡߙߊ߬ߘߐ߬ߦߊ߬ ߟߊߞߊ߲ߘߊߣߍ߲ ߏ߬ ߟߊߞߎߣߎ߲߫ ߞߏ ߕߌ߯ߕߌ߯ߦߊ ߟߐ߲߫߸ ߕߐ߰ߡߊ߬ߛߙߋ߬ߣߍ߲ ߡߍ߲ ߦߴߌ ߟߊ߫ ߞߐߕߐ߯ߘߐߛߙߋ߫ ߖߌߦߊߓߍ ߘߎ߰ߟߊ߫ ߏ߬ ߘߌ߫ ߒߞߘߐ߫߸ ߌ ߦߴߏ߬ ߟߋ ߛߐ߲߬ߞߌ߲߬ ߠߊ߫: ߊ߬ ߛߓߍߣߍ߲߫ ߦߙߐ ߡߍ߲ ߘߐ߫ ߞߏ߫ :ߜߎ߲߬ߘߎ߬ߢߐ߲߰ߦߊ ߣߌ߫ ߟߊ߬ߞߊ߲߬ߘߊ߬ߟߌ = Confidentialité et sécurité، ߌ ߘߌ߫ ߘߏ߲߬ ߦߋ߲߬، ߞߊ߬ ߓߊ߲߫߸ ߊ߬ ߦߋ߫ ߦߙߐ ߡߍ߲ ߘߐ߫ ߞߏ߫: ߢߐ߲߯ ߕߍ߫ ߓߊߘߏߢߐ߲߯ߦߊ߫ ߜߎ߲߬ߘߎ߬ߣߍ߲ = Discussions chiffrées de bout en bout ߌ ߘߌߣߊ߬ ߕߏ߫ ߗߋߛߓߍ ߟߎ߬ ߡߙߊ߬ߘߐ߬ߦߊ ߛߐ߲߬ߞߌ߲߬ ߠߊ߫ ߡߎ߬ߕߎ߲߬߸ ߞߊ߬ ߓߊ߲߫ ߞߵߊ߬ ߡߊߝߟߍ߫ ߡߙߊ߬ߘߐ߬ߦߊ߬ ߟߊߞߊ߲ߘߊߣߍ߲ ߘߌ߲߬ߞߌߙߊ ߟߊߞߎߣߎ߲ߣߍ߲߫ ߠߋ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
