ߝߘߊ߬ߝߌ߲߬ߠߊ߫ ߡߊ߲߬ߕߏ߲ ߠߎ߬ ߟߊ߫ ߂߀߂߅ ߖߌߟߊߝߍ ߓߍߣߊ߬ ߕߊ߲߫ ߡߊ߬ߙߐߞߎ߬ ߟߋ߬ ߢߌ߬ߣߊ߲߬، ߒ߬ߓߊ߬߸ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲ ߞߙߎߝߊߢߐ߲߯ߦߊ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߞߏߓߊ߫ ߛߌ߰ ߞߟߏߞߏ߬ߕߏ ߦߋ߫߸ ߡߍ߲ ߢߐ߲߰ ߕߎ߲߬ ߡߊ߫ ߘߋ߬ߙߌ߬ ߞߍ߫ ߟߴߊ߬ߟߎ߬ ߓߟߏ߫.
ߝߘߊ߬ߝߌ߲߬ߠߊ߬ ߡߊ߲߬ߕߏ߲ ߠߎ߬ ߟߊ߫ ߂߀߂߅ ߖߌߟߊߝߍ ߘߊߡߌ߬ߣߊ߬ߕߐ߫ ߓߌ߬ ߞߊ߯ߙߌ ߢߌ߲߬ ߠߋ߬ ߡߊ߬߸ ߣߌ߫ ߕߐ߲ ߠߞߊߘߌߕߐ߫ ߡߊ߬ߙߐߞߎ߬ ߣߌ߫ ߞߡߐߙ ߓߟߏ߫ ߔߑߙߍ߲ߛ ߡߎ߬ߟߊߦߌ߬ ߊߓߑߘߟߊ߬ ߓߙߊ ߞߣߐ߫، ߞߊ߬ ߕߎ߬ߡߊ߬ߙߋ߲߬ ߘߊ߲ߘߐ߫ ߕߏ߫ ߝߎ߬ߟߋ ߝߍ ߟߊ߫߸ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲ ߞߙߎߝߊߢߐ߲߯ߦߊ ߞߊ߲ߕߌ߮߸ ߔߊ߬ߕߙߌߛ ߡߐߕߑߛߔߋ߫ ߞߊ߬ ߝߌߘߊ ߓߐ߫ ߞߏ߫ ߛߌߦߊߡߊ߲߫ ߢߍߡߊ߬ ߝߐ߰ߓߍ߬ ߜߙߊ ߘߏ߫ ߘߐ߫߸ ߡߍ߲ ߞߟߊߦߊ߫ ߘߊ߫ ߞߏߛߓߍ߫.
ߊ߬ ߟߊ߫ ߞߎߡߊ߫ ߝߐߣߍ߲ ߏ߬ ߟߎ߬ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߂߀߂߈ ߠߊ߫߸ ߝߘߊ߬ߝߌ߲߬ߠߊ߫ ߡߊ߲߬ߕߏ߲ ߠߎ߬ ߟߊ߫ ߖߌߟߊߝߍ ߓߍߣߊ߬ ߦߟߍ߬ߡߊ߲߫ ߞߊ߬ ߞߍ߫ ߛߊ߲߬ ߣߊ߰ߣߌ߲߬ߠߊ߬ߞߊ ߘߌ߫، ߏ߬ ߟߋ ߞߍߕߐ߫ ߛߌߟߊ ߟߊߞߊ߬ ߟߊ߫ ߢߐ߲߯ߓߍ߲߫ ߜߘߍ߫ ߟߎ߫ ߦߋ߫߸ ߦߏ߫ ߝߘߊ߬ߝߌ߲߬ߠߊ߫ ߡߊ߲߬ߕߏ߲ ߠߎ߬ ߟߊ߫ ߞߏߘߐߛߘߌߘߊ߸ ߏ߬ ߡߍ߲ ߓߍߣߊ߬ ߕߊ߲߫ ߛߊ߲߭ ߝߌ߬ߟߊ ߓߍ߯ ߡߊ߬߸ ߞߵߊ߬ ߕߊ߬ ߂߀߂߉ ߡߊ߬ ߞߊ߬ ߥߊ߫، ߏ߬ ߞߎ߲߭ ߦߋ߫ ߛߊ߲߬ߥߟߊ ߖߛߐ ߟߋ߬ ߘߌ߫߸ ߊ߬ ߣߌ߫ ߞߊ߬ ߕߊ߬ߡߌ߲߬ ߛߊ߲ߞߊߢߐ߲߯ߦߊ ߟߎ߬ ߟߊߥߙߊ߬ ߟߊ߫.
ߓߊ߬ߙߌ߬߸ ߊ߬ߟߎ߫ ߞߊ߬ ߣߊ߲߬ߝߟߏ߬ ߞߏ ߘߏ߫ ߟߎ߫ ߞߎߡߊ ߝߐ߫ ߌߞߐ߫، ߞߏ߫ ߣߌ߫ ߡߍ߲ ߞߍ߫ ߘߊ߫ ߞߟߏߞߏ߬ߕߏ ߘߌ߫ ߝߡߖ ߞߍߞߏ߫ ߃߅߲ ߣߌ߲߬ ߘߐ߫߸ ߏ߬ ߘߌߣߊ߬ ߘߟߊ ߞߋ߲߬ߥߟߎ߬ ߁߀ ߞߐ߲ߘߐ߲ ߛߐ߬ߘߐ߲߬߸ ߞߵߊ߬ ߛߐ߬ߘߐ߲߬ ߛߊ߲ߞߊߢߐ߲߯ߦߊ߫ ߕߊ߬ߡߌ߲߬ߣߍ߲ ߕߊ ߕߍ߬ߘߍ߫ ߞߋ߲߬ߥߟߎ߬ ߇ ߟߋ߬ ߘߌ߫، ߊ߬ߟߎ߫ ߣߐ߬ %߄߃ ߟߋ߬ ߟߊ߫ ߟߴߊ߬ ߟߊ߫ ߞߊ߲߬߸ ߡߍ߲ ߢߐ߲߰ ߡߊ߫ ߞߍ߫ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲ ߘߐ߬ߝߐ ߞߣߐ߫ ߡߎߣߎ߲߬، <<ߊ߲ ߣߐ߬ ߞߏ߫ ߟߋ߬ ߞߍ߫ ߟߊ߫ ߣߌ߲߬߸ ߡߍ߲ ߦߋ߫ ߞߎ߲߬ߠߊ߬ߦߋ߬ߙߋ߲߬ߓߊ߫ ߘߌ߫ ߝߘߊ߬ߝߌ߲߬ߠߊ߫ ߕߏ߬ߟߊ߲ ߞߣߐ߫.>> ߔߊ߬ߕߙߌߛ ߡߐߕߑߛߔߋ߫ ߟߋ߬ ߞߊ߲߫ ߕߋ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߊ߲߬ ߘߊ߲ߘߐ ߟߋ߬ ߕߋ߲߬߸ ߞߟߏߞߕߏ ߞߐ߲ߘߐ߲ ߕߘߍ߬ ߘߟߊ ߞߋ߲߬ߥߟߎ߬ ߅ ߟߋ߬ ߘߌ߫.
ߘߏ߫ ߟߊ ߞߐ߲ߘߐ߲ ߣߌ߲߬ ߞߊ߲߬߸ ߏ߬ ߞߎ߲߭ ߞߍ߫ ߘߊ߫ ߡߎ߲߬ ߘߌ߫߸ ߊ߬ߟߎ߬ ߛߋ߫ ߘߊ߫ ߥߊߘߌ߫ ߛߌߦߊߡߊ߲߫ ߠߋ߬ ߛߐ߬ߘߐ߲߬ ߠߊ߫ ߘߏ߲߬ߛߙߊ ߘߐ߫߸ ߊ߬ ߣߌ߫ ߖߌ߬ߦߊ߬ߞߊ߲ ߠߎ߬ ߦߋ߫ ߥߊߘߌ ߡߍ߲ ߛߙߊ߬ ߟߊ߫ ߟߊ߬ߖߍ߲߬ߛߍ߲߬ߠߌ߲ ߤߊߞߍ ߛߐ߬ߘߐ߲߬ ߞߏ ߘߐ߫، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߝߘߊ߬ߝߌ߲߬ߠߊ߫ ߡߊ߲߬ߕߏ߲ ߠߎ߬ ߟߊ߫ ߖߌߟߊߝߍ ߘߐߜߍߓߊ߮ ߓߘߊ߫ ߛߌߦߊߦߊ߫ ߘߎߢߊ߫ ߢߊߝߍ߬߸ ߏ߬ ߡߍ߲ ߦߋ߫ ߞߎ߲߬ߠߊ߬ߦߋ߬ߙߋ߲߬ߓߊ߫ ߘߌ߫ ߞߊ߬ߣߌ߲߬، ߊ߬ ߘߏ߲߬߸ ߝߊ߬ߣߴߏ߬ ߘߌ߫ ߥߴߊ߬ ߡߊ߬߸ ߞߊߝ ߝߣߊ߫ ߟߊ߫ ߞߊ߬ߟߊ ߘߌ߫ ߕߊ߬ߡߌ߲߬ ߡߍߣߍ߲߫ ߠߊ߫߸ ߊ߬ ߣߌ߫ ߕߏ߬ߟߊ߲߬ߕߊ߲߬ߠߊ ߟߎ߫ ߖߍ߬ߘߍ.
ߕߏ߬ߟߊ߲ ߘߊߞߎ߲ ߘߐ߫߸ ߡߊ߬ߙߐߞߎ߬ ߟߋ߬ ߡߊ߲߬ߘߌߡߊ ߘߌ߫ ߣߌ߲߬ ߞߏ ߘߐ߫، ߐߔߑߕߊ ߟߊ߫ ߖߊ߬ߕߋ߬ߓߐ ߟߎ߬ ߘߐ߫߸ ߡߊ߬ߙߐߞߎ߬ ߟߋ߬ ߛߎ߬ߘߎ߲߬ߡߊ߫ ߢߌ߬ߣߊ߲߬ ߖߌߟߊߝߍ ߕߊ߬ߟߌ ߟߊ߫ ߓߍ߯ ߘߌ߫ %߁߉،߁ ߢߐ߲߰ ߠߊ߫، ߊ߬ ߓߘߊ߫ ߕߊ߬ߡߌ߲߬ ߋߗ߭ߌߔߕ ߟߊ߫߸ ߊ߬ ߣߌ߫ ߛߣߍ߬ߜ߭ߊߟߌ߫ ߣߌ߫ ߖߋ߬ߟߌ߬ߓߊ߬ߟߊ߫߸ ߞߵߏ߬ ߟߊ߫ ߕߣߎߛߌ߫ ߞߊ߲߬߸ ߊ߬ ߣߌ߫ ߤߊߟߌ߬ ߜߋ߲ߞߐ߰ߖߌ߬ߘߊ.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
