ߕߍ߮ ߞߍ߫ ߘߊ߫ ߗߍ߬ ߛߊ߲߬ ߄߅ ߘߏ߫ ߟߋ߬ ߘߐ߫ ߝߊ߬ߙߊ߲߬ߛߌ߫ ߖߡߊ߬ߣߊ߬ ߞߊ߲߬ ߞߍ߲ߘߍߟߏ߲߸ ߜ߭ߙߊߛ، ߊ߬ ߕߊ߬ ߘߊ߫ ߞߵߊ߬ ߘߏ߲߬ ߞߕߌߕߍ߯ߡߏߙߌ ߟߎ߬ ߓߟߏ߫߸ ߞߵߊ߬ ߘߐߝߛߍ߬ߝߛߍ߫ ߞߵߊ߬ ߓߍ߲߬ ߝߊ߰ߟߌ߬ ߞߏ ߡߊ߬، ߊ߬ ߞߏ߬ߣߌ߲ ߡߊ߫ ߛߐ߲߬ ߛߊ߬ߙߌ߬ߦߊ߬ߓߊ߰ߟߊ ߟߊ߫ ߢߌ߬ߣߌ߲߬ߞߊߟߌ ߟߎ߫ ߖߋ߬ߓߌ߬ ߞߏ ߡߊ߬.
ߛߌߞߊ߫ ߞߍߣߍ߲߫ ߗߍ߭ ߢߌ߲߬ ߡߊ߬ߟߋ߬߸ ߞߏ߫ ߊ߬ߟߋ ߟߋ߬ ߞߊ߬ ߟߌߖ߭ߊߓߍߕ ߝߊ߰ ߞߌ߬ߛߍ ߟߊ߫߸ ߏ߬ ߦߋ߫ ߘߋ߲ߡߛߏ߫ ߛߊ߲߭ ߂߃ ߘߏ߫ ߟߋ߬ ߘߌ߫߸ ߞߵߊ߬ ߛߐ߬ߘߐ߲߬ ߊ߬ ߣߴߊ߬ ߘߋ߲ߣߍ߲߫ ߞߊߙߏ߫ ߇ ߦߋ߫ ߞߐ߲߬ߛߏ ߞߣߐ߫ ߣߌߛ ߘߎ߱ ߞߣߐ߫ (ߊߔߟ ߡߊߙߕߌߡ)، ߏ߬ ߞߍ߫ ߘߊ߫ ߞߎߣߎ߲ߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬، ߒ߬ߓߊ߬߸ ߛߌߞߊ߫ ߞߍߣߍ߲߫ ߡߍ߲ ߡߊ߬ ߣߌ߲߬ ߛߊ߫߸ ߣߌ߫ ߕߍ߮ ߓߘߊ߫ ߞߍ߫ ߊ߬ ߘߐ߫߸ ߊ߬ ߓߘߊ߫ ߡߌ߬ߣߊ߫ ߕߋ߲߬ ߞߵߊ߬ ߘߏ߲߬ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߡߎߣߎ߲߬߸ ߣߴߏ߬ ߞߎߡߊ ߝߐ߫ ߘߊ߫ ߣߌߛ ߞߊ߲ߓߍ߲ ߞߕߌߞߊ߲ߘߊ ߘߊߡߌߦߍ߲ ߡߊߙߑߕߌߣߋߟߌ߫߸ ߓߟߏ߫ ߞߎߣߎ߲߬ ߞߊ߯ߙߌ ߕߋ߬ߟߋ ߘߐ߫، ߞߕߌߞߊ߲ߘߊ ߞߵߊ߬ ߦߌ߬ߘߊ߬ ߞߏ߫: <<ߊ߬ ߦߌ߬ߘߊ߬ ߘߊ߫ ߞߕߌ ߘߊߘߐߢߌߣߌ߲ߞߊߟߌߟߊ ߟߎ߬ ߓߟߏ߫ ߛߐ߰ߡߊ߬ߘߊ ߟߋ߬ ߟߊ߫߸ ߊ߬ ߡߊ߫ ߛߐ߲߬ ߝߏߦߌ߬ ߝߐ߫ ߟߊ߫.>>
ߘߊߡߌߦߍ߲ ߡߊߙߑߕߌߣߋߟߌ߫ ߞߵߊ߬ ߝߙߊ߬ ߞߎߡߊ ߞߊ߲߬ ߌߞߐ߫: <<ߢߣߊߥߛߎ ߡߍ߲ ߟߊߣߍ߲߫ ߕߍ߬ߘߍ߫ ߡߐ߰ ߝߌ߬ߟߊ ߢߌ߲߬ ߠߎ߫ ߞߊ߲߬ ߡߌ߬ߣߊ߬ߟߌ ߕߎ߬ߡߊ ߟߊ߫߸ ߏ߬ ߟߊߥߟߌ߬ ߘߊ߫ ߞߎߣߎ߲߬ ߥߎ߬ߙߊ ߝߍ߬.>>
ߛߌߞߊߒߡߊߓߊ߯ߕߐ ߣߌ߲߬ ߕߐ߯ ߝߊ߲߬ߞߋ߬ߟߋ߲߬ߡߊ ߟߋ߬ ߞߏ߫ ߏߞߑߕߊߝ߭ߌߦߊߣߏ߸ ߊ߬ ߛߊ߲߬ ߄߅ ߟߋ߬ ߕߋ߲߬߸ ߊ߬ߟߋ ߡߌ߬ߣߊ߬ ߘߊ߫ ߞߵߊ߬ ߛߐ߬ߘߐ߲߬ ߊ߬ ߦߋ߫ ߡߊ߬ߞߍ߬ ߦߙߐ ߘߏ߫ ߟߋ߬ ߘߐ߫ ߜ߭ߙߊߛ߸ ߏ߬ ߞߍ߫ ߘߊ߫ ߞߍ߲ߘߍߟߏ߲ ߕߋ߬ߟߋ ߟߋ߬ ߘߐ߫߸ ߢߊߢߌߣߌ߲ߠߌ߲ ߓߙߌ߬ߝߐߝߐ ߣߌ߫ ߛߋ߲߬ߕߘߍ߬ߟߌ ߕߐ߲ߓߟߏߡߊ ߟߎ߫ ߟߋ߬ ߞߵߊ߬ ߡߌ߬ߣߊ߬߸ ߊ߬ ߣߌ߫ ߓߏߟߏ߲ߝߘߊ߫ ߜߘߍ߫ ߥߛߊ߬ߘߊ߬ߕߌ߮ ߟߎ߬، ߊ߬ ߟߊߞߙߐ߬ߛߌ߬ ߘߊ߫ ߞߏ߫ ߊ߬ ߦߋ߫ ߞߊ߬ߝߏ߬ߙߋ߲ ߥߛߊ߬ߘߊ߬ߕߌ߮ ߟߋ߬ ߘߌ߫߸ ߡߍ߲ ߡߏߦߌ߫ ߘߊ߫ ߔߕߏ߬ߞߌ߬ߟߊ߫، ߛߌߞߊ߫ ߞߍߣߴߊ߬ߟߋ ߡߊ߬ ߞߏ߫ ߊ߬ ߣߐ߬ ߡߏ߬ߛߏ ߘߏ߫ ߟߋ߬ ߝߊ߰ ߟߊ߫߸ ߡߍ߲ ߦߋ߫ ߓߐ߫ ߟߊ߫ ߜߙߋߞߎ߲߫ ߝߙߌߛߌ (ߞߊߔ-ߝ߭ߍߙ)߸ ߞߌ߬ߛߍ߬ ߕߊ߲߫ ߣߌ߫ ߞߐ߫ ߟߋ߬ ߞߍ߫ ߘߴߊ߬ ߘߐ߫߸ ߞߵߊ߬ ߛߐ߬ߘߐ߲߬ ߊ߬ ߦߋ߫ ߞߐ߲߬ߛߏ߬ ߓߏߙߌ ߟߊ߫. ߊ߬ ߘߋ߲ ߦߋ߫ ߞߊߙߏ߫ ߇ ߢߐ߲߰ ߠߋ߬ ߘߐ߫߸ ߏ߬ ߞߏ߬ߣߌ߲ ߡߊ߫ ߡߊߘߌߡߌ߲߫.
ߛߌߞߊߒߡߊߓߊ߯ߕߐ ߛߊ߫߸ <<ߊ߬ߟߋ ߕߎ߲߬ ߓߘߊ߫ ߢߟߊߥߛߎ ߞߍ߫ ߞߘߐ߬ߡߊ߲߬߸ ߏ߬ ߝߣߊ߫ ߞߎ߲߭ ߕߍ߬ߘߍ߫ ߡߎ߲߬ ߘߌ߫߸ ߛߌߞߊ߫ ߞߍ߫ ߘߴߊ߬ ߡߊ߬ ߞߏ߫ ߊ߬ ߕߎ߲߬ ߦߴߊ߬ ߝߍ߬ ߞߊ߬ ߞߏߖߎ߮ ߞߍ߫ ߘߋ߲ߡߛߏ߫ ߞߏߕߐ ߣߌ߲߬ ߖߋ߬ߕߌ߰ߗߍ߫ ߛߐ߬ߘߐ߲߬ ߣߊ ߟߋ߬ ߟߊ߫ ߞߘߐ߬ߡߊ߲߬߸ ߞߵߏ߬ ߝߊ߰.>> ߞߕߌߞߊ߲ߘߊ ߟߋ߬ ߞߊ߲߫ ߕߋ߲߬߸ ߏ߬ ߝߐ߫ ߘߊ߫ ߟߊ߬ߛߋ߬ߟߌ ߘߏ߫ ߟߋ߬ ߘߐ߫ ߊ߬ ߓߟߏ߫ ߓߌߟߏ߲߫ ߕߊ߬ߡߌ߲߬ߣߍ߲. ߒ߬ߓߊ߬߸ ߗߍ߬ ߛߊ߲߬ ߓߌߣߊ߯ߣߌ߲ ߡߍ߲ ߦߋ߫ ߣߌ߲߬߸ <<ߊ߬ ߕߎ߲߬ ߓߘߊ߫ ߘߏ߲߬ ߥߛߎ ߟߊ߫ ߞߘߐ߬ߡߊ߲߬߸ ߞߵߊ߬ ߓߍ߲߬ ߞߐ߲߬ߛߏ ߓߏ߬ߙߌ ߡߊ߬߸ ߘߌ߬ߢߍ߬ߛߓߍ߫ ߕߴߊ߬ ߓߟߏ߫. >>
ߊ߬ ߞߵߊ߬ ߛߎߡߊ ߡߍ߲ ߞߍ߫߸ ߘߟߌߖ߭ߊߓߍߕ ߖߋ߬ߕߌ߰ߗߍ߫ ߛߐ߬ߘߐ߲߬ ߣߊ ߝߊ߰ ߞߏ ߘߐ߫ ߏ߬ ߘߌ߫߸ <<ߕߍ߮ ߞߍ߫ ߘߴߊ߬ ߘߐ߫ ߓߌ߲ߠߊߥߎߟߋ߲ ߕߟߋ߬ ߁߈ ߠߋ߬ ߡߊ߬߸ ߞߊ߬ ߘߊߘߐߛߓߍ ߟߴߊ߬ ߞߊ߲߬ ߞߵߊ߬ ߓߌ߬ߟߊ߬ ߞߕߌ ߜߋ߬ߟߎ߲߬ߠߌ߲ ߞߘߐ߫߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߊ߬ ߞߊߣߊ߬ ߛߋ߫ ߞߏߕߐ ߝߊ߲߭ ߺ ߊ ߺ ߝߊ߲߬ ߡߊ߬߸ ߊ߬ ߞߊߣߊ߬ ߛߋ߫ ߟߎ ߞߣߐ߫߸ ߊ߬ ߘߏ߲߬ ߦߴߊ߬ ߟߐ߬ ߊ߬ ߘߊ߲ߘߊ ߟߊ߫.>> ߞߕߌߞߊ߲ߘߊ ߟߋ߬ ߞߊ߲߫ ߕߋ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
