ߛߣߍ߬ߜ߭ߊ߬ߟߌ߫ ߞߣߐ߫߸ ߕߐ߲߫ ߓߟߏߡߊ ߟߎ߬ ߣߴߊ߬ߟߎ߬ ߕߍ߯ ߟߊ߫ ߟߊ߫ ߞߊ߬ߝߏ߬ߢߐ߲߰ߦߊ߬ ߞߙߎ ߘߏ߫ ߟߋ߬ ߞߊ߲߬߸ ߞߊ߬ߝߏ߬ߢߐ߲߰ߦߊ߫ ߞߙߎ ߣߌ߲߬ ߘߐ߫߸ ߛߣߍ߬ߜ߭ߊ߬ߟߌ߫ ߖߡߊ߬ߣߊ߬ߘߋ߲ ߘߏ߫ ߣߌ߫ ߝߊ߬ߙߊ߲߬ߛߌ߫ ߕߊ ߞߋߟߋ߲߫߸ ߊ߬ߟߎ߬ ߟߊ߫ ߓߊ߯ߙߊߢߐ߲߰ߦߊ ߟߎ߬ ߕߘߍ߬ ߦߋ߫ ߛߋ߲߬ߠߊ߫ ߘߊߞߊ߯ߙ ߣߌ߫ ߞߊߥߏߟߊߞ ߕߍߟߊ ߟߋ߬ ߘߐ߫߸ ߒ߬ߓߊ߬߸ ߛߣߍ߬ߜ߭ߊ߬ߟߌ߫ ߕߐ߲߫ ߓߟߏߡߊ ߟߎ߬ ߕߍ߯ ߟߊ߫ ߘߊ߫ ߡߐ߰ ߁߄ ߠߋ߬ ߘߐ߫ ߏ߬ ߞߣߐߡߊ߬߸ ߏ߬ ߟߎ߬ ߡߍ߲ ߠߎ߬ ߟߊߕߊ߬ߡߌ߲߬ ߘߊ߫ ߞߕߌߘߊ ߢߊߞߘߐ߫ ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߊ߬ߟߎ߫ ߡߌ߬ߣߊ߬ ߞߎ߲ ߕߍ߫ ߘߏ߫ ߜߘߍ߫ ߘߌ߫ ߗߍ߭ ߣߴߊ߬ ߗߍ߬ ߢߐ߲߮ ߠߊ߫ ߞߊ߬ߝߏ߬ߢߐ߲߰ߦߊ ߞߐ߫߸ ߟߊ߲߬ߘߊ ߟߎ߬ ߕߌߢߍ ߣߌ߫ ߕߊ߯ߓߟߏ ߕߌߢߍߟߌ، ߛߍ߯ߛߍ߯ߟߌ ߟߎ߬ ߘߏ߲߬ ߘߊߡߌ߬ߣߊ߬ ߘߊ߫ ߛߣߍ߬ߜ߭ߊ߬ߟߌ߫ ߟߋ߬ ߝߟߐ߫ ߘߐ߫߸ ߝߊ߬ߙߊ߲߬ߛߌ߬ ߟߊ߫ ߟߊ߬ߢߌߣߌ߲ ߞߣߐߡߊ߬.
ߏ߬ ߞߍ߫ ߘߊ߫ ߝߊ߬ߙߊ߲߬ߛߌ߬ߞߊ ߘߏ߫ ߡߌ߬ߣߊ ߟߋ߬ ߞߐ ߘߐ߫߸ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߠߊ߫، ߣߴߊ߬ ߕߐ߯ ߦߋ߫ ߔߌߦߍߙ ߥߙߏߓߍߙ ߘߌ߫߸ ߊ߬ߟߋ ߡߌ߬ߣߊ߬ ߞߎ߲ ߠߋ߬߸ ߞߏ߫ ߗߍ߬ߣߌ߬ߡߛߏ߬ߦߊ ߖߌ߬ߦߊ߬ߖߟߎ ߛߌߦߊߡߊ߲߫ ߠߋ߬ ߦߴߊ߬ ߞߎ߲߬߸ ߊ߬ ߘߊ߲߫ ߕߴߏ߬ ߘߌ߫ ߘߋ߬߸ ߞߏ߫ ߘߍ߬ߞߙߎ߬ ߛߌߦߊߡߊ߲߫ ߠߋ߬ ߦߴߊ߬ ߓߟߏ߫ ߛߣߍ߬ߜ߭ߊ߬ߟߌ߫ ߞߣߐ߫߸ ߡߍ߲ ߠߎ߬ ߓߟߏߡߊߞߊ߬ߣߍ߲߫ ߞߏߢߊ ߡߍ߲߬ ߠߎ߬ ߞߊ߲ߡߊ߬߸ ߟߌ߬ߤߟߊ ߛߐ߬ߘߐ߲߬ߣߍ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߓߊ߯ߙߊߢߐ߲߰ߦߊ ߦߋ߫ ߔߌߦߍߙ ߥߙߏߓߍߙ ߣߌ߫ ߡߐ߰ ߣߊ߯ߣߌ߲߫ ߜߘߍ߫ ߟߋ߬ ߕߍ߫߸ ߊ߬ ߕߘߍ߬ ߦߋ߫ ߡߍ߲ ߠߊߢߌߣߌ߲߫ ߠߊ߫ ߏ߬ ߟߎ߫ ߝߍ߬߸ ߏ߬ ߟߎ߬ ߦߋ߫ ߘߋߣߍ߲߫ ߗߍ߬ߡߊ߲߬ߣߍ߲߫ ߝߎߣߎ߲ߞߋߣߍ߲ ߠߎ߬ ߢߌߣߌ߲߫߸ ߞߊ߬ ߏ߬ ߟߎ߫ ߞߊ߬ߙߊ߲߬ ߗߍ߬ߣߌ߬ߡߛߏ߬ߦߊ ߟߊ߫߸ ߏ߬ ߞߐ߫ ߞߣߊ߬ߕߴߏ߬ ߖߌ߬ߦߊ߬ߖߟߎ ߟߎ߬ ߕߊ߯ ߟߊ߫ ߊ߬ߟߋ ߡߊ߬.
ߊ߬ ߘߏ߲߬ ߕߘߍ߬ ߦߋ߫ ߖߌ߬ߦߊ߬ߖߟߎ ߏ߬ ߟߎ߫ ߝߙߋ߬ ߟߊ߫ ߥߊߘߌ ߟߋ߬ ߟߊ߫، ߊ߬ ߘߏ߲߬ ߡߐ߰ ߁߄ ߠߋ߬ ߕߊ߯ ߘߊ߫ ߞߕߌߘߊ ߢߊߞߘߐ߫ ߞߏߢߊ ߣߌ߲߬ ߞߍߓߊ߮ ߟߎ߬ ߘߐ߫߸ ߞߊ߬ߕߎ߲߯߸ ߞߏ߫ ߊ߬ߟߎ߬ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߛߌߘߊ߫ ߖߊ߲ߞߊߙߏ ߟߊߛߋ߫ ߘߋ߲ߣߍ߲߫ ߠߎ߫ ߡߊ߬߸ ߊ߬ ߣߌ߫ ߞߊ߬ ߞߏ߫ ߞߍ߫ ߡߍ߲ ߖߍ߬ߘߍ ߦߋ߫ ߟߊ߲߬ߘߊ ߟߎ߬ ߕߌߢߍ߫ ߞߏ ߘߌ߫߸ ߊߘߡߊߘߋ߲ ߠߎ߬ ߝߙߋ߬ߟߌ ߞߊ߬ߝߏ߬ߢߐ߲߰ߦߊ ߓߟߏߡߊ߬߸ ߊ߬ ߣߌ߫ ߞߣߊ߬ ߛߋ߫ ߘߋ߲ߣߍ߲ ߠߎ߬ ߠߊ߫ ߞߊ߬ߝߏ߬ߢߐ߲߰ߦߊ߫ ߖߌߦߊߖߟߎ ߟߎ߬ ߟߊߖߍ߲ߛߍ߲ ߡߊ߬، ߛߣߍ߬ߜ߭ߊ߬ߟߌ߫ ߕߐ߲߫ ߓߟߏߡߊ ߟߎ߬ ߞߏ߬ߣߌ߲ ߓߘߴߊ߬ ߦߌ߬ߘߊ߬߸ ߞߏ߫ ߊ߬ߟߎ߬ ߦߋ߫ ߢߊߢߌߣߌ߲ߠߌ߲ ߞߊ߲߬ ߝߟߐ߫߸ ߞߊ߬ ߡߐ߬ ߟߎ߫ ߡߌ߬ߣߊ߬ ߡߍ߲ ߠߎ߬ ߛߋ߲߬ ߦߋ߫ ߞߏߢߊ ߣߌ߲߬ ߘߐ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
