ߘߌ߲߬ߞߌߙߊ ߟߎ߬ ߣߝߊ߬ߢߐ߲߰ߦߊ ߣߊ߲߬ߝߟߏ߬ߦߊ߬ߟߌ ߖߋ߬ߕߌ߰ߘߊ߫ ߝߊ߬ߛߏ߬ߟߊ߬ߞߊ (ߊߣߊߝߌߞ) ߓߘߊ߫ ߛߋ߲߬ߕߊ߬ ߞߎߘߊ߫ ߞߍ߫ ߞߊ߲ߞߊ߲߫ ߞߣߐ߫߸ ߞߊ߬ ߞߐߜߍ߫ ߞߎߘߊ߫ ߕߊ߬، ߎߡߊߙߎ߫ ߛߙߋ߬ߝߎ ߞߊߙߏ߫ ߕߊ߲ߣߌߝߌ߬ߟߊ ߟߋ߬ ߕߎ߲߬ ߦߋ߫ ߘߍ߲߬ߞߍ߬ߕߎ߲߬ ߓߟߏ ߡߊ߬ ߕߋ߲߬߸ ߊ߬ ߛߊ߲ߘߐ߫ ߡߐ߮ ߟߎ߫ ߞߵߊ߬ߟߎ߬ ߟߊ߫ ߟߊߒߠߦߊ ߟߴߊ߬ ߘߐ߫ ߞߊߙߏ߫ ߕߊ߲ߣߌߝߌ߬ߟߊ ߏ߬ ߞߏߟߊߕߊ߯ߡߢߊ ߞߏߛߐ߲߬߸ ߊ߬ߟߎ߬ ߓߘߊ߫ ߕߌ߲߬ߞߎߘߎ߲ ߖߋ߬ߕߌ߰ߘߊ ߞߎ߲߬ߕߌ߰ߦߊ ߞߊ߬ߙߌ߬ߝߴߊ߬ ߟߊ߫ ߡߎ߬ߕߎ߲߬߸ ߞߵߊ߬ ߞߍ߫ ߗߋߕߌ߮ ߘߌ߫، ߏ߬ ߖߊ߲߬ߖߏ߲ ߠߋ߬ ߕߎ߲߬ ߦߋ߫ ߛߋ߲߬ߠߊ߫ ߂߀߂߆ ߞߏ߲ߞߏߜߍ ߕߟߋ߬ ߁߀ ߡߊ߬ ߞߊ߲ߞߊ߲߫ ߓߙߌߞߌߕߋߙߌ ߞߌ߲߬ߘߊ ߟߊ߫߸ ߊ߬ߟߎ߬ ߟߊ߫ ߝߊ߲ߓߊ ߦߋ߫ ߦߋ߲߬ ߡߍ߲ ߘߐ߫.
ߖߊ߲߬ߖߏ߲ ߣߌ߲߬ ߞߍ߫ ߘߊ߫ ߞߊ߲ߞߊ߲߫ ߞߏߟߊߕߍ߮ ߛߌߦߊߡߊ߲߫ ߠߋ߬ ߢߣߊ߫߸ ߝߊ߰ߡߊ ߟߎ߫ ߕߊ߬ߣߍ߲ ߞߵߊ߬ ߟߊ߫ ߘߌ߲߬ߞߌߙߊ ߞߐߦߌߘߊߓߊ߮ ߟߎ߫ ߞߊ߲߬، ߝߣߊ߫߸ ߊߣߊߝߌߞ ߝߘߏ߬ߓߊ߬ ߗߋ߬ߕߌ߰ ߛߙߍߞߍ ߕߘߍ߬ ߕߊ߯ߡߊ߫ ߛߘߍ ߘߐ߫߸ ߞߏ߲߬ߓߏ߫ ߟߊ߱ߦߌ߬ ߞߡߊ߬ߙߊ߬. ߟߊ߬ߛߌ߰ߟߌ ߣߌ߲߬ ߞߎ߲߬ߠߊߛߌ߰ ߘߊ߫ ߞߊ߲ߞߊ߲߫ ߞߎ߲߬ߠߊ߬ߛߌ߰ߟߊ߫ ߞߎߓߋߘߐ ߞߎ߲߬ߕߌ߮ ߟߋ߬ ߓߟߏ߫.
ߎߡߊߙߎ߫ ߛߙߋ߬ߝߎ ߟߐ߬ߘߎ߰ ߞߏ ߣߌ߲߬ ߔߘߋߔߘߋߟߊߕߍ߱ ߣߌ߲߬ ߢߊ߸ ߏ߬ ߓߍ߲߬ ߘߊ߫ ߟߋ߬ ߞߏߛߓߍ߫، ߞߊ߬ߕߎ߲߯߸ ߊߣߊߝߌߞ ߓߘߊ߫ ߓߏ߲߬ߓߊ߫ ߟߋ߬ ߞߍ߫ ߞߊ߲ߞߊ߲߫ ߕߌ߲߬ߞߎߘߎ߲ ߟߊߥߙߎߞߌ ߓߊ߯ߙߊ ߟߎ߬ ߘߐ߫߸ ߊ߬ ߕߌ߯ߕߌ߯ ߘߊ߬ߡߊ߲߬ ߕߣߐ ߘߐ߫߸ ߊ߬ ߣߌ߫ ߖߊ߬ߕߋ߬ߘߐ߬ߛߌ߰ ߛߌߦߊߡߊ߲߫߸ ߡߍ߲ ߦߴߊ߬ߟߎ߬ ߓߟߏ߫ ߛߋ߲߬ߠߊ߫.
ߎߡߊߙߎ߫ ߛߙߋ߬ߝߎ ߟߊ߫ ߛߙߊ߬ߣߎ߲ ߘߐ߫߸ ߊ߬ ߞߊ߬ ߞߎ߲߬ߠߊ߬ߛߌ߮ ߟߎ߬ ߥߊߟߢߌߡߊߟߐ߲߫߸ ߞߵߊ߬ ߛߊ߲ߝߍ߫ ߡߐ߮ ߟߎ߫ ߝߏ߬ ߸ ߊ߬ߟߎ߬ ߞߍ ߘߐ߫ ߞߵߊ߬ߟߎ߬ ߟߊ߫ ߟߊߒߠߦߊ ߟߊߞߎߘߦߊ߫ ߊ߬ߟߋ ߘߐ߫.
<<ߞߍߕߊ ߟߎ߬ ߞߊ߫ ߛߌߦߊ߫߸ ߢߊ ߘߏ߲߬ ߟߐ߬ߣߍ߲߬ ߒ ߤߊ߲ߞߟߌ ߟߋ߬ ߘߐ߫߸ ߞߏ߫ ߒ ߘߌ߫ ߛߴߊ߬ ߞߘߐ߫، ߏ߬ ߟߋ ߘߐ߫߸ ߝߏ߫ ߒ ߧߋ߫ ߒ ߘߐߖߊ߬ ߟߋ߬ ߞߊ߬ ߖߌ߱ ߏ߬ ߡߝߊ߫، ߏ߬ ߘߐ߫߸ ߒ ߧߴߊ߬ ߦߌ߬ߘߊ߬ ߟߴߊߟߎ߫ ߟߊ߫߸ ߒ ߘߌ߫ ߓߊ߯ߙߊ߫ ߘߐ߬ߖߊ ߟߊ߫߸ ߞߊ߬ ߓߊ߯ߙߊ߫ ߖߘߍ߬ߡߊ߬ߖߌ߮ ߘߐ߫߸ ߛߊ߫ ߟߊߒߠߦߊ ߟߊߣߍ߲߫ ߒ ߘߐ߫ ߞߏ߫ ߘߌ߫ ߛߋ߫ ߡߍ߲ ߠߊ߫߸ ߒ ߔߋ߫ ߛߴߏ߬ ߟߎ߬ ߞߍ߫ ߟߊ߫.>> ߊ߬ ߞߵߏ߬ ߟߋ ߝߐ߫ ߖߊ߬ߡߊ ߢߊߞߘߐ߫ ߦߋ߲߬.
ߞߏ߲߬ߓߏ ߟߊ߱ߦߌ߬ ߞߡߊ߬ߙߊ߬ ߟߊ߫ ߞߎ߲߬ߠߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߊ߲ߞߊ߲߫ ߕߍ߫ ߦߙߐ߫ ߘߋ߲ߣߍ߲߫ ߘߌ߫ ߊߣߊߝߌߞ ߟߊ߫ ߞߏ ߘߐ߫.
<<ߞߊ߲ߞߊ߲߫ ߕߍ߫ ߦߙߐ߫ ߘߋ߲ߣߍ߲߫ ߘߌ߫߸ ߊ߬ ߡߙߊ߬ߓߊ߰ߘߊ ߘߏ߫ ߟߎ߫ ߓߍ߫߸ ߘߊ߬ߡߊ߲߬ߘߊ ߟߋ߬ ߦߋ߲߬ ߠߎ߬ ߘߌ߫߸ ߘߌ߲߬ߞߌߙߊ ߛߐ߬ߘߐ߲ ߠߊߥߙߎߞߌ ߞߏ߲߬ߘߏ ߣߌ߫ ߘߌ߲߬ߞߌߙߊ ߟߊߥߙߎߞߌ ߝߊ߬ߛߏ߬ ߞߏ߲ߘߏ (ߝߏߘߍߟ ߣߌ߫ ߍߝ.ߍߣ.ߘߋ.ߍߟ) ߟߎ߬ ߦߋ߫ ߘߌ߲߬ߞߌߙߊ ߟߎ߬ ߟߊߥߙߎߞߌ ߡߊߣߊ߲ߞߎ߲ߘߊ ߟߎ߫ ߟߋ߬ ߘߌ߫߸ ߖߊ߬ߕߋ߬ߘߐ߬ߛߌ߰ ߛߌߦߊߡߊ߲߫ ߘߏ߲߬ ߝߣߊ߫ ߦߋ߫ ߛߋ߲߬ߠߊ߫߸ ߡߍ߲ ߠߎ߬ ߟߊߞߘߎ߬ߣߍ߲߬ ߘߊߞߎ߲߫ ߛߌߦߊߡߊ߲߫ ߡߊ߬، ߣߌ߫ ߞߊ߬ߝߏ߬ߙߋ߲ ߠߎ߬ ߛߋ߫ ߘߴߊ߬ߟߎ߫ ߖߘߍ߬ߞߊ߬ߣߌ߲߬ ߕߣߐ߬ ߟߊ߬ߘߏ߲߬ߘߊ ߟߎ߬ ߟߊߥߙߎߞߌ߫ ߟߊ߫߸ ߏ߬ ߕߐ߬ߣߐ ߞߊ߫ ߓߏ߲߬ ߞߏߛߓߍ߫.>> ߊ߬ ߞߵߏ߬ ߟߋ ߦߌ߬ߘߊ߬.
ߡߛߍ߬ߞߍ߬ߡߛߍߞߍ ߏ߬ ߟߎ߫ ߟߋ߬ ߓߍ߯ ߞߐߝߍ߬߸ ߊ߬ߟߎ߫ ߞߊ߬ ߕߌ߲߬ߞߎߘߎ߲ ߞߏ߲߬ߘߏ߬ߕߌ߮ ߟߊߛߌ߰߸ ߞߊ߬ ߕߊ߬ߡߌ߲߬ ߊ߬ߟߎ߬ ߟߊ߫ ߥߊ߬ߣߌ߲߬ߞߋ߬ ߓߘߍ߬ߦߊ ߦߌ߬ߘߊ߬ ߟߊ߫ ߜߍߦߊ ߣߌ߫ ߕߋߟߋ߲ ߛߌߟߊ ߞߊ߲߬.
ߗߍ߭ ߢߌ߲߬ ߞߍ ߓߌ߬ߟߊ ߊߣߊߝߌߞ ߞߎ߲߬ߠߊ߬ ߞߊ߲ߞߊ߲߫ ߕߌ߲߬ߞߎߘߎ߲ ߘߐ߫߸ ߏ߬ ߞߍߣߍ߲߫ ߞߏ ߟߎ߬ ߟߊߣߐ߰ߦߊ߬ ߛߌߟߊ ߘߏ߫ ߟߋ߬ ߘߌ߫، ߓߊߏ߬߸ ߞߊ߲ߞߊ߲߫ ߦߋ߫ ߦߙߐ߫ ߟߋ߬ ߘߌ߫߸ ߛߐ߬ߘߐ߲ ߖߊ߬ߕߋ߬ߘߐ߬ߛߌ߰ ߞߎ߲ߓߊ ߟߎ߬ ߞߊ߫ ߛߌߦߊ߫ ߝߊ߲߭ ߡߍ߲ ߘߐ߫، ߏ߬ ߘߐ߫߸ ߓߊ߯ߙߊ߫ ߛߌߦߊߡߊ߲߫ ߠߋ߬ ߊ߬ߟߎ߫ ߛߋ߲߬ߘߐ߫߸ ߞߊ߬ ߛߋ߫ ߝߘߏ߬ߓߊ߬ ߞߏ߲ߘߏ ߡߊߡߙߊ߬ ߞߏ߬ߢߌߡߊ ߞߍ߫ ߟߊ߫߸ ߞߊ߬ ߛߋ߫ ߞߊ߬ߝߏ߬ߙߋ߲ ߠߎ߬ ߡߊߘߍ߬ߡߍ߲߬ ߠߊ߫߸ ߊ߬ߟߎ߬ ߦߴߊ߬ߟߎ߬ ߘߍ߲߫ ߊ߬ߟߎ߫ ߖߘߍ߬ ߟߊ߫ ߛߐ߬ߘߐ߲ ߛߌߟߊ ߝߍ߬.
ߎߡߊߙߎ߫ ߛߙߋ߬ߝߎ ߕߊ߬ߣߍ߲߫ ߠߋ߬ ߞߵߊ߬ ߟߐ߬ߘߎ߮ ߟߤߊߕߍߦߊ߫߸ ߛߴߊ߬ ߘߌ߫ ߛߋ߫ ߊߣߊߝߌߞ ߞߍ߫ ߟߊ߫ ߊߣߊߝߌߞ ߘߌ߫߸ ߞߊ߬ ߛߋ߫ ߘߌ߲߬ߞߌ߬ߙߊ߬ ߓߐߣߍ߲߫ ߢߐ߲߰ ߡߊ ߟߎ߬ ߡߊߘߍ߬ߡߍ߲߬ ߠߊ߫߸ ߞߊ߬ ߦߟߍ߬ߡߊ߲ ߖߍ߬ߘߍߖߍ߬ߘߍ ߟߊߘߏ߲߬ ߞߏ ߟߎ߬ ߘߐ߫.
