ߖߌ߬ߣߍ߫ ߖߌ߬ߦߊ߬ߞߊ߲߬ߛߏ ߣߴߊ߬ ߥߎߢߊ߲ߖߍ߲ߛߍ߲ ߠߊ߫ ߟߊ߬ߖߍ߲߬ߛߍ߲߬ߠߌ߲߬ ߘߌ߲ߞߌߙߊ ߡߍ߲ ߦߋ߫ ߘߌ߲ߜ߭ߌߙߊߦߌ߫߸ ߛߏ߲߭ ߠߎ߬ ߕߊ߯ߣߍ߲߫ ߕߌߢߍߟߌ ߞߍ߫ ߟߊ߫ ߦߋ߲߬ ߠߋ߬ ߓߌߟߏ߲ ߛߎ ߞߵߊ߬ ߘߎ߰ߛߊ ߜߍ߫ ߛߌ߬ߣߌ߲߬ߟߏ߲ ߠߊ߫، ߊ߬ߟߎ߬ ߕߊ߯ ߘߊ߫ ߓߊ߲ߘߦߊߟߊ߲ ߣߌߘߐ ߟߋ߬ ߕߊ߬߸ ߏ߬ ߡߍ߲ ߦߋ߫ ߛߋߒߞߏߟߦߊ߫ ߦߙߐ ߟߊߛߎߡߊ߫ ߟߊ߫ ߞߊ߬ ߛߎߡߦߊ ߟߊߖߌ߰ ߞߏ߲ߞߏߘߐߕߊ ߥߎߢߊ߲ߖߍ߲ߛߍ߲ ߞߟߋߞߟߋߟߊ ߞߊ߲߬߸ ߊ߬ ߣߌ߫ ߝߊ߬ߛߏ߬ ߖߌ߬ߦߊ߬ߞߊ߲߬ߛߏ߬ߓߊ ߖߐ߯ߙߊ߲ ߠߎ߬߸ ߏ߬ ߟߎ߬ ߟߊ߫ ߓߊ߯ߙߊ ߟߋ߬ ߓߘߊ߫ ߓߌ߬ߟߊ߫ ߖߐ߬ߘߐ ߘߐ߫ ߏ߬ ߘߌ߫ ߛߍߣߍ߲߬ ߛߊ߫.
ߟߊ߬ߞߙߐ߬ߛߌ߬ߟߌ߫ ߞߎ߲߬ߝߟߐ ߟߎ߬ ߘߐ߫߸ ߕߌߢߍߟߌߟߊ ߢߌ߲߬ ߠߎ߫ ߞߵߊ߬ߟߎ߫ ߟߐ߬ ߕߏ߬ߝߊ ߟߋ߬ ߞߊ߲߬߸ ߞߊ߬ ߓߊ߲ߘߦߊߟߊ߲ ߡߟߊߡߟߊ ߟߎ߫ ߕߍ߰߸ ߞߵߊ߬ ߕߊ߬ ߞߊ߬ ߥߴߊ߬ ߘߌ߫، ߓߊ߲ߘߦߊߟߊ߲ ߣߌ߲߬ ߘߏ߲߬ ߕߐ߬ߣߐ ߞߊ߫ ߓߏ߲߬ ߦߋ߲߬ ߞߏߛߓߍ߫، ߓߊߏ߬߸ ߊ߬ߟߋ ߟߋ߬ ߛߋߒߞߏߟߦߊ߫ ߘߌ߲ߞߌߙߊ ߓߊ߲ߘߦߊ ߓߊߛߌ߰ ߟߊ߫߸ ߞߊ߬ ߛߎߡߦߊ ߟߊߖߌ߰ ߞߟߋߞߟߋߟߊ ߞߊ߲߬، ߞߊ߬ߕߎ߲߯߸ ߖߐ߯ߙߊ߲ ߡߍ߲ ߠߎ߬ ߦߋ߫ ߦߋ߲߬߸ ߏ߬ ߟߎ߬ ߦߋ߫ ߞߟߊߦߊ߫ ߟߊ߫ ߓߊߟߋ߬߸ ߣߌ߫ ߓߊ߲ߘߦߊߟߊ߲ ߕߍ߫߸ ߊ߬ߟߎ߬ ߟߊ߫ ߞߟߊߦߊ߫ ߞߏߖߎ߮ ߘߌ߫ ߝߙߋߞߋ ߟߊߛߴߊ߬ߟߎ߫ ߡߊ߬.
ߡߊ߬ߡߊߘߎ߬ ߛߥߊ߬ߣߍ߬ ߛߋ߫ ߘߊ߫ ߡߊߛߐ߬ߘߐ߲߬ ߠߊ߫߸ ߊ߬ߟߋ ߡߍ߲ ߘߐ߱ߘߏ߲߬ߣߍ߲߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߘߐ߬ߓߍ߲߬ߠߌ߲ ߞߏߢߊ ߟߎ߬ ߟߊ߫ ߘߌ߲ߜ߭ߌߙߊߦߌ߫ ߞߣߐ߫߸ ߊ߬ ߞߵߊ߬ ߦߦߌ߬ߘߊ߬ ߞߏ߫ ߊ߬ߟߋ ߞߍ߫ ߘߊ߫ ߖߊ߲߬ߖߏ߲ ߣߌ߲߬ ߞߊ߬ߟߊߡߊ߬ ߖߎߡߊ߫ ߛߊߟߌ߫ ߞߐ ߟߋ߬ ߘߐ߫.
<<߁߇ߙߋ߲ ߝߊ߲߬ߝߍ߬ߟߊ ߟߋ߬ ߘߐ߫߸ ߒ ߣߊ߬ ߘߊ߫ ߟߊ߬ߞߙߐ߬ߛߟߌ߬ ߞߊ߲ߡߊ߬ ߘߌ߲߬ߞߌߙߊ ߘߐ߫، ߒ ߞߵߊ߬ ߦߋ߫߸ ߊ߬ߟߎ߬ ߓߘߊ߫ ߓߊ߲ߘߦߊߟߊ߲ ߣߌߘߐ ߕߊ߬ ߞߊ߬ ߥߴߊ߬ ߘߌ߫، ߊ߬ߟߎ߫ ߞߵߊ߬ߟߎ߫ ߟߐ߬ ߕߏ߬ߝߊ ߟߋ߬ ߞߊ߲߬߸ ߞߵߊ߬ ߟߊߖߌ߰ ߞߊ߬ ߥߴߊ߬ ߘߌ߫߸ ߓߊߏ߬ ߞߍߟߊ߲ ߦߋ߫ ߛߊ߲ߝߍ߬ ߟߋ߬.>> ߘߐ߬ߓߍ߲߬ߠߌ߲߬ߠߊ ߞߵߏ߬ ߟߋ ߝߐ߫.
ߊ߬ ߞߵߊ߬ ߦߌ߬ߘߊ߬ ߞߏ߫ ߕߌߢߍߟߌ ߢߌ߲߬ ߠߊߞߙߐ߬ߛߌ ߊ߬ ߓߟߏ߫ ߌߞߘߐ߫߸ ߊ߬ ߞߊ߬ ߛߋߒߞߏߟߊ ߟߎ߬ ߞߟߌ߫:
<<ߖߡߊ߬ߣߊ ߟߊ߫ ߖߐ߯ߙߊ߲߫ ߛߊ߲߬ߣߍ߲ ߠߎ߬ ߟߋ߬، ߓߌ߬߸ ߞߎ߲߬ߠߊ߬ߛߌ߮ ߦߋ߫ ߛߍ߬ߘߏ߲ ߖߍ߬ߘߍߖߍ߬ߘߍ ߟߋ߬ ߞߊ߲߬߸ ߛߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߣߴߊ߬ ߥߎߢߊ߲ߛߏ ߘߌ߫ ߛߌ߰ ߛߋ߲߬ߠߊ߫ ߘߌ߲ߜ߭ߌߙߊߦߌ߫ ߞߣߐ߫، ߐ߲߬ߤߐ߲߫߸ ߣߌ߫ ߡߐ߱ ߟߎ߫ ߣߊ߬ ߘߊ߫ ߖߐ߯ߙߊ߲ ߏ߬ ߟߎ߫ ߕߊ߬ ߏ߬ ߘߐ߫߸ ߏ߬ ߦߴߊ߲ ߠߊ߫ ߓߊ߯ߙߊ ߛߋ߲߬ߠߊߛߘߌ߬ ߞߏ ߟߋ߬ ߘߌ߫߸ ߞߊ߬ ߖߌ߬ߦߊ߬ߞߊ߲߬ߛߏ߬ ߞߏ ߣߌ߫ ߞߎߡߊߛߏ߫ ߞߏ ߓߌ߬ߟߊ߫ ߞߎ߲߬ߓߊߟߊ߲ ߠߊ߫.>>
ߛߋߒߞߏߟߊ ߞߵߊ߬ߟߎ߬ ߞߊ߲ߠߊߘߌ߫ ߓߊ߯ߙߊߞߍߟߊ ߟߎ߬ ߣߌ߫ ߘߌ߲߬ߞߌߙߊ ߝߊ߰ߡߊ ߟߎ߫ ߡߊ߬߸ ߞߏ߫ ߓߍ߯ ߦߴߊ߬ ߛߋߞߏ߫ ߞߍ߫ ߣߌߘߐ ߣߌ߲߬ ߦߋ߫ ߞߏ ߘߐ߫:
<<ߞߍߟߊ߲ ߞߎߘߊ ߟߋ߬، ߊ߲ ߧߴߊ߬ ߢߌߣߌ߲߫ ߠߊ߫ ߣߍߣߍߘߊ߯ ߘߐߓߍ߲ߠߊ ߟߎ߫ ߝߍ߬߸ ߊ߬ ߣߌ߫ ߡߐ߰ ߛߌ߫߸ ߡߍ߲ ߺ ߍ ߺ ߡߍ߲߫ ߞߊ߬ ߓߊ߲ߘߦߊߟߊ߲߫ ߣߌߘߐ ߘߏ߫ ߦߋ߫ ߓߟߏߊ߫߸ ߏ߬ ߦߋ߫ ߝߊ߰ߡߊ ߟߎ߬ ߟߊߟߐ߲ߠߌ߲߫، ߕߐ߲ߓߟߏߡߊ ߟߎ߬߸ ߞߟߍ߬ߡߐ߮ ߟߎ߬߸ ߞߵߏ߬ ߟߊ߫ ߡߙߊ߬ߓߊ߰ߘߊ ߞߊ߲߬߸ ߏ߬ ߟߎ߬ ߦߴߊ߲ ߘߍ߬ߡߍ߲߫ ߕߍ߮ ߟߊ߫ ߟߊ߫ ߣߌ߲߬ ߘߐ߫ ߖߊ߱ߣߌ߲߬߸ ߞߵߊ߲ ߘߍ߬ߡߍ߲߬ ߦߙߐ ߣߌ߲߬ ߝߣߊ߫ ߟߊߞߊ߲ߘߊ߫ ߟߊ߫.>>
ߛߏ߲߬ߧߊ߬ߟߌ ߣߌ߲߬ ߞߍߣߍ߲߫ ߞߵߊ߬ ߛߐ߬ߘߐ߲߬ ߦߙߐ ߓߊ߯ߙߊ ߟߋ߬ ߦߴߌߘߐ߫߸ ߛߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߣߴߊ߬ ߞߎߡߊߛߏ ߘߌ߫ ߛߋ߫ ߡߊߛߐ߬ߘߐ߲߬ ߠߊ߫ ߘߌߜ߭ߌߙߊߦߌ߫ ߢߊ ߡߍ߲ ߡߊ߬ ߓߘߍߞߍ߭، ߓߊߏ߬߸ ߊ߬ ߓߘߊ߫ ߦߌ߬ߘߊ߬ ߞߏ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߟߊ߫ ߝߐ߰ߓߍ ߦߋ߫ ߡߊߛߐ߬ߘߐ߲߬ ߠߊ߫ ߞߏ߲ߞߏߘߐߕߊ ߥߎߢߊ߲ߖߍ߲ߛߍ߲ ߠߋ߬ ߛߘߊߘߐ߫ ߦߋ߲߬، ߊ߬ ߞߏ߬ߣߌ߲߸ ߢߊߢߌߣߌ߲ߠߌ߲߫ ߓߘߊ߫ ߛߌ߰ ߛߋ߲߬ߠߊ߫߸ ߞߵߊ߬ ߞߍߓߊ߮ ߟߎ߬ ߟߐ߲߫.
ߛߏ߲߬ߧߊ߬ߟߌ ߞߏ ߣߌ߲߬ ߓߘߴߊ߬ ߦߌ߬ߘߊ߬߸ ߞߏ߫ ߢߊ ߞߊ߫ ߞߊ߲߫ ߞߊ߬ ߡߊߖߌ߰ ߞߎ߲߬ߠߊ߬ߛߌ߮ ߓߟߏߝߋ߲ ߠߎ߬ ߟߊߞߊ߲ߘߊ߫ ߞߏ ߞߘߐ߫ ߖߡߊ߬ߣߊ ߞߣߐߟߊ ߘߐ߫، ߘߌ߲ߜ߭ߌߙߊߦߌ߫ ߞߣߐ߫ ߕߋ߲߬߸ ߣߌ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߣߴߊ߬ ߞߎߡߊߛߏ ߡߊ߫ ߢߊ߬ ߛߌ߱ ߞߐ߫ ߛߋ߲߬ߠߊ߫ ߦߋ߲߬߸ ߝߏ߫ ߢߊ ߦߋ߫ ߟߐ߬ ߊ߬ ߓߊ߯ߙߊ߫ ߦߙߐ ߟߊߞߊ߲ߘߊ߫ ߞߏ ߞߘߐ߫ ߟߋ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
