ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߕߊ߯ ߘߊ߫ ߟߋ߬ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߞߎ߲߬ߠߊ߬ߛߌ߮ ߟߎ߬ ߣߌ߫ ߞߊ߬ߝߏ߬ ߞߎ߲ߕߌ߮ ߟߎ߬ ߟߊ߫ ߜߊ߬ߙߊ ߃߉߲ ߘߐ߫߸ ߊ߬ߘߌߛߊ߬ߓߋ߬ߓߊ߫ ߟߊ߬ߘߍ߬ ߝߏ߮ ߘߏ߫ ߞߣߐ߫߸ ߞߏ߫ ߣߍߟߑߛߐ߲߫ ߡߊ߲ߘߋߟߊ߫ ߟߊ߬ߘߍ߬ ߕߊ߲ߓߊ߲، ߢߍߥߟߊ ߘߏ߫ ߟߋ߬ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߓߟߏ߫߸ ߡߍ߲ ߟߐ߬ߣߍ߲߫ ߝߘߊ߬ߝߌ߲߬ߠߊ߬ ߜߙߋ ߟߊߥߙߎߞߌ ߡߊ߬ ߛߊ߲߬ ߅߀ ߣߊ߬ߕߐ ߣߌ߲߬ ߞߣߐ߫߸ ߡߍ߲ ߓߎ߲ߓߎ߲ߣߍ߲߫ ߥߙߎߞߌ ߛߌߟߊ ߟߎ߬ ߟߊߞߊ߭ ߡߊ߬߸ ߞߍ߲ߘߍߦߊ߫ ߢߌߡߊ ߛߐ߬ߘߐ߲ ߠߊ߫߸ ߊ߬ ߣߌ߫ ߘߍ߲߰ߘߊ ߟߎ߬ ߣߌ߫ ߖߘߍ߬ߛߊ߬ߙߌ߬ߦߊ߬ߕߌ߰ߦߊ ߛߐ߬ߘߐ߲، ߏ߬ ߟߋ ߘߐ߫߸ ߊ߬ߟߎ߬ ߟߊ߫ ߢߌ߬ߣߊ߲߫ ߜߊ߬ߙߊ ߣߌ߲߬ ߞߎ߲߬ߕߐ߮ ߟߋ߬ ߞߏ߫: <<ߞߊ߬ ߖߌ ߣߌ߫ ߛߊߣߌ߲ߧߊ߫ ߖߐ߲ߖߐ߲߫ ߘߎߡߊߣߍ߲ ߓߟߏߡߦߊ߫߸ ߛߊ߫ ߂߀߆߃ ߢߍߥߟߊ ߢߌߣߌ߲ߞߏ ߟߎ߬ ߘߌ߫ ߓߐߢߟߊ߫.>> ߒ߬ߓߊ߬߸ ߝߘߊ߬ߝߌ߲߬ߠߊ߬ ߜߙߋ ߞߊ߲ߕߌ߮ ߟߎ߬ ߣߴߊ߬ ߞߎ߲߬ߠߊ߬ߛߌ߮ ߟߎ߬ ߟߊߘߍ߬ߣߍ߲߫ ߏ߬ ߟߋ ߜߙߊ߬ ߓߟߋߓߟߋ ߞߊ߲ߡߊ߬ ߓߌ߬ ߣߌ߫ ߛߌߣߌ߲߫߸ ߖߐ߲߰ߛߴߊ߬ߟߎ߬ ߘߌ߫ ߞߎߡߊ߫ ߝߘߊ߬ߝߌ߲߬ ߖߡߊߣߊ ߟߎ߬ ߟߊ߫ ߜߟߍ߬ߦߊ ߟߎ߬ ߞߊ߲߬߸ ߞߊ߬ ߥߙߎߞߌ ߛߋ߲߬ߠߊ߬ߛߎ߬ߡߦߊ߬ ߞߏ ߟߎ߬ ߢߊߛߌߝߊ߫.
ߕߟߋ߬ ߝߟߐ ߣߌ߲߬ ߘߐ߫߸ ߖߌ߬ߣߍ߫ ߞߊ߬ߝߏ߬ ߞߎ߲ߕߌ߮ ߞߊ߬ ߓߏ߲߬ߓߊ߬ ߞߍ߫ ߏ߬ ߞߏ ߘߐ߫، ߞߵߊ߬ ߦߌ߬ߘߊ߬ ߞߏ߫ : <<ߖߌ߬ߣߍ߬ ߕߐ߮ ߣߴߊ߬ ߞߍߥߊߟߌ ߕߍ߫ ߘߏ߲߰ ߝߋ߲߫ ߘߌ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊߘߊ߲ ߣߴߊ߬ ߟߊߥߙߎߞߌ ߘߐ߫߸ ߡߍ߲ ߓߐߣߍ߲߫ ߝߘߊ߬ߝߌ߲߬ߠߊ߫ ߞߍߞߋߟߋ߲ߘߌ ߛߌ߲߬ߝߏ߲߬ߧߊߟߌ ߘߐ߫ ߞߊ߬ߣߌ߲߬.>> ߘߎ߲߬ߓߎߦߊ߬ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߓߌߣߍ߲߫ ߛߎ ߣߌ߫ ߕߋ߬ߟߋ߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߟߊ߫ ߢߍߕߊ߯ ߞߏ ߟߎ߬ ߞߐߡߊߓߌ߲ߓߌ߲ ߘߐ߫.
ߊߟߎ߫ ߦߴߊ߬ ߟߐ߲߫߸ ߝߘߊ߬ߝߌ߲߬ ߖߡߊߣߊ ߡߍ߲ ߠߎ߬ ߞߊ߬ ߝߘߊ߬ߝߌ߲߬ߠߊ߫ ߞߍߞߋߟߋ߲ߘߌ ߛߌ߲߬ߝߏ߲߬ߧߊ߬ߟߌ ߟߊߘߊ߲߫ ߁߉߆߃ ߟߊ߫߸ ߊߡߊߘߎ߫ ߛߋߞߎ߫ ߕߎ߬ߙߋ߬ ߦߴߏ߬ ߘߏ߫ ߟߋ߬ ߘߌ߫߸ ߊ߬ ߣߌ߫ ߞߎߥߊߡߍ߫ ߞߎ߬ߙߎߡߊ߬ ߣߌ߫ ߜ߭ߊ߬ߡߊߟ ߊߓߑߘߍߟ ߣߊߛߍߙ ߣߌ߫ ߤߊߦߌߟߋ ߛߋߟߊߛߌ߫. ߂߀߀߂ ߟߋ߬ ߟߊ߫߸ ߝߘߊ߬ߝߌ߲߬ߠߊ߫ ߞߍߞߋߟߋ߲ߘߌ ߛߌ߲߬ߝߏ߲߬ߧߊ߬ߟߌ ߦߟߍ߬ߡߊ߲߬ ߘߊ߫ ߞߵߊ߬ ߞߍ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߌ߫، ߓߊ߬ߙߌ߬߸ ߢߍߥߟߊ ߡߍ߲ ߕߎ߲߬ ߦߋ߫ ߝߘߊ߬ߝߌ߲߬ߠߊ߫ ߞߍߞߋߟߋ߲ߘߌ ߘߍ߭ ߓߟߏ߫߸ ߏ߬ ߞߋߟߋ߲ ߠߋ߬ ߝߣߊ߫ ߦߴߊ߬ߟߋ ߞߘߐ߫ ߖߐ߫، ߏ߬ ߟߋ ߞߏߛߐ߲߬߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߦߌ߬ߘߊ߬ ߞߏ߫ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߦߋ߫ ߝߘߊ߬ߝߌ߲߬ߠߊ߬ ߞߍߞߋߟߋ߲ߘߌ ߛߌ߲߬ߝߏ߲߬ߧߊ߬ߟߌ ߗߍߕߊߓߊ߮ ߟߋ߬ ߘߌ߫.
ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߖߊ߬ ߦߙߐߣߍ߲ ߘߏ߫ ߞߊ߲߬߸ ߞߏ߫: <<ߢߊ ߞߊ߫ ߞߊ߲߫ ߞߊ߬ ߡߊߖߌ߰ ߝߘߊ߬ߝߌ߲߬ߠߊ߫ ߡߌ߬ߙߌ߲߬ߘߌ ߤߊߡߌߣߊ߲ߞߏ ߟߎ߬ ߞߘߐ߫.>> ߞߊ߬ ߓߊ߲߫ ߞߊ߬ ߞߟߌߟߌ ߞߍ߫ <<ߥߙߎߞߌ߫ ߖߐ߲ߖߐ߲ ߡߊ߬߸ ߊ߬ ߣߌ߫ ߟߐ߯ߟߓߊߟߌ ߣߌ߫ ߓߟߏߕߍ߰ߓߊߟߌ>>߸ ߞߵߊ߬ ߓߍ߲߬ ߂߀߆߃ ߢߍߥߟߊ ߡߊ߬، ߏ߬ ߟߋ ߛߌߟߊ߫ ߞߋߟߋ߲ ߞߊ߲߬߸ ߊ߬ ߞߊ߬ ߛߌߡߊ߲ߘߎ߯ ߂߀߄߀ ߖߊ߬ߕߋ߬ߘߐ߬ߛߌ߮ ߢߊߝߐ߫߸ ߞߵߊ߬ ߦߌ߬ߘߊ߬ ߞߏ߫ ߛߌߡߊ߲ߘߎ߯ ߢߍߥߟߊ ߏ߬ ߦߋ߫ <<ߛߐ߬ߘߐ߲ ߣߌ߫ ߊߘߡߊߦߊ ߘߐߦߟߍ߬ߡߊ߲ ߞߍߞߌߦߊ߫ ߓߟߋߓߟߋ߫ ߟߋ߬ ߘߌ߫߸ ߡߍ߲ ߡߊ߫ ߟߊߘߊ߲߫ ߞߎ߲߬ߝߍ߬߸ ߊ߬ ߘߏ߲߬ ߠߊߥߟߌ߬ߣߍ߲߫ ߝߊ߬ߛߏ ߘߎ߰ߘߐ߬ߝߋ߲ ߠߎ߬ ߡߐ߬ߟߐ߲ ߞߘߐߕߊ߭ ߟߋ߬ ߡߊ߬߸ ߞߵߊ߬ ߛߌ߰ ߓߐ߲ߛߐ߲ߘߊ߫ ߣߊ߬ߕߐ ߟߎ߬ ߦߋ߫.>>
ߛߌ߲߬ߝߏ߲߬ߧߊ߬ߟߌ߬ߟߊ ߟߎ߬ ߟߊ߫ ߝߐߟߌ߫ ߘߐ߫߸ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߛߙߊ߬ߣߎ߲ ߞߍ߫ ߘߊ߫ ߞߎߡߊ߫ ߞߟߏߡߊ߫ ߟߎ߫ ߟߋ߬ ߘߌ߫߸ ߡߍ߲ ߕߊ߲߬ߘߏ߬ ߘߊ߫ ߡߐ߰ ߛߌߦߊߡߊ߲߫ ߓߟߏ߫߸ ߊ߬ ߞߊ߬ ߡߐ߱ ߟߎ߬ ߢߊߞߘߐߛߋ߫ ߞߏߛߓߍ߫، ߊ߬ ߟߊ߫ ߞߎߡߊ ߘߏ߲߬ ߘߊ߫ ߡߐ߱ ߟߎ߫ ߡߊ߬߸ ߊ߬ ߕߐ߬ߣߐ ߞߏߛߐ߲߬.
ߟߊ߬ߘߍ ߣߌ߲߬ ߘߐ߫߸ ߗߋߢߊ߫ ߟߕߊߡߌ߲ ߞߍ߫ ߘߊ߫߸ ߞߊ߬ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߞߎ߲߬ߕߌ߮ ߡߊߝߊ߬ߟߋ߲߬، ߊ߲ߜ߭ߏߟߊ߫ ߞߊ߲ߕߌ߮ ߗ߭ߎߥߊߐ߲ ߟߎߙߍ߲ߛߏ߫ ߡߍ߲ ߕߍ߬ߘߍ߫ ߊ߬ ߞߎ߲߬ߠߊ߫ ߞߊ߬ߦߌ߯ ߂߀߂߅ ߞߏ߲ߞߏߜߍ ߟߊ߫߸ ߏ߬ ߞߊ߬ ߟߐ߬ߘߎ߮ ߏ߬ ߟߊߕߊ߬ߡߌ߲߬ ߓߎߙߎ߲ߘߌ߫ ߞߊ߲ߕߌ߮ ߡߊ߬߸ ߋߝ߭ߊߙߌߛ ߒߘߊߦߛ߭ߌߡߌߦߋ߫، ߏ߬ ߟߋ ߦߋ߫ ߝߘߊ߬ߝߌ߲ߠߊ߫ ߞߋ߬ߟߋ߲߬ߧߊ ߞߎ߲߬ߠߊ߫ ߛߊ߲߬ ߞߋߟߋ߲ ߣߌ߲߬ ߞߣߐ߫ ߡߎ߬ߕߎ߲߬ ߛߍߣߍ߲߬.
ߓߊ߯ߙߊ ߘߊߞߎ߲ ߘߐ߫߸ ߞߊ߲ߕߌ߯ ߡߊ߬ߡߊ߬ߘߎ߬ ߘߎ߲ߓߎߦߊ߫ ߞߎߡߊ߫ ߘߴߊ߬ ߞߊ߲ߕߌ߯ ߢߐ߲߮ ߠߎ߬ ߣߌ߫ ߡߐ߰ߘߐ߬ߜߍ ߟߎ߫ ߝߍ߬߸ ߛߴߊ߬ߟߎ߬ ߣߌ߫ ߖߌ߬ߣߍ߬ ߘߌ߫ ߕߊ߬ߡߌ߲߫ ߊ߬ߟߎ߬ ߓߟߏ ߘߌ߫ ߟߊ߫ ߢߐ߲߮ ߡߊ߬߸ ߕߍߓߊ߯ߦߊ ߣߌ߫ ߥߙߎߞߌ ߘߊߞߎ߲ ߘߐ߫.
ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߊ߯ߟߌ ߣߌ߲߬ ߡߊ߫ ߞߍ߫ ߕߊ߯ߡߊ߫ ߝߎ߯ ߘߌ߫ ߖߡߊ߬ߣߊ ߡߊ߬߸ ߊ߬ ߕߊ߬ߡߌ߲߬ ߘߊ߫ ߕߍߓߊ߯ߦߊ ߝߊ߲߬ߞߊߘߏ߲߬ ߠߊ߫ ߟߋ߬ ߝߘߊ߬ߝߌ߲߬ߠߊ߬ ߞߣߐ߫، ߘߐ߬ߕߊߡߌ߲ ߓߊ߲ ߞߐ ߣߌ߲߬ ߘߐ߫߸ ߖߌ߬ߣߍ߬ ߣߌ߫ ߝߘߊ߬ߝߌ߲߬ ߖߡߊߣߊ ߕߐ߭ ߟߎ߬ ߓߘߴߊ߬ ߕߊ߬ ߕߏ߬ߘߊ߬ ߞߋߟߋ߲߫ ߘߐ߫ ߡߎ߬ߕߎ߲߬߸ ߛߴߊ߬ߟߎ߬ ߘߌ߫ ߛߋ߫ ߓߏ߲߬ߓߊ߬ ߞߍ߫ ߟߊ߫ ߝߘߊ߬ߝߌ߲߬ߠߊ߬ ߟߊ߫ ߥߙߎߞߌ ߖߎ߬ߟߎ ߓߊ߲ߓߊ߲ ߘߐ߫ ߦߊ߬ߣߌ߫ ߂߀߆߃ ߕߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
