ߞߐ߬ߓߊ߬ߟߏ߲ ߛߎ ߟߋ߬ ߘߐ߫߸ ߂߀߂߆ ߞߏ߲ߞߏߜߍ ߕߋ߬ߟߋ߫ ߂߃ ߞߵߊ߬ ߛߌ߰ ߞߐ߬ߟߏ߲ ߠߊ߫ ߞߏ߲ߞߏߜߍ ߕߋ߬ߟߋ߫ ߂߄߸ ߓߌ߬ߟߊ߬ߒ߬ߘߐ߬ߖߎ߰ߓߊ߫ ߟߋ߬ ߞߍ߫ ߘߊ߫ ߞߌ߲߬ߕߌ߬ߢߊ߲߫ ߡߙߊ߬ߘߊ߬ߙߋ߲ ߞߣߐ߫߸ ߞߊ߬ ߡߐ߰ ߄ ߓߐ߬ߣߐ߫ ߊ߬ ߣߌ ߘߐ߫، ߞߎߘߍ߫ ߃߀ ߟߋ߬ ߓߌ߬ߟߊ߬ߒ߬ߘߐ ߞߍ߫ ߦߙߐ ߣߌ߫ ߛߏߞߣߐߟߊ ߕߍ߫. ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߛߙߋߦߊ ߟߎ߬ ߟߊ߫ ߝߐߟߌ߫ ߘߐ߫߸ ߞߊ߲ߓߋ߲ ߘߊ߲߬ߞߊ߬ߞߎߟߎ߲ ߘߏ߫ ߣߌ߫ ߔߏߔߏ߫ ߥߊߟߌߥߊߟߌ ߘߏ߫ ߟߋ߬ ߞߵߊ߬ ߛߌ߰ ߢߐ߲߮ ߞߎ߲߬߸ ߞߵߊ߬ ߛߐ߬ߘߐ߲߬ ߡߏ߬ߛߏ ߘߏ߫ ߛߌ߰ߣߍ߲߫ ߔߏߔߏ߫ ߕߌ߮ ߏ߬ ߞߐߟߊ߫߸ ߡߍ߲ ߞߣߐ ߕߎ߲߬ ߓߘߊ߫ ߖߊ߲߬ߝߊ߬ ߣߍ߲ߞߍ߫߸ ߞߵߊ߬ ߟߊ߫ ߘߋߗߍߣߍ߲ ߞߊ߲߬߸ ߏ߬ ߡߍ߲ ߛߊ߲߬ ߁ ߦߋ߫ ߕߋ߲߬.
ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߢߌ߬ߣߌ߲߬ߞߊ߬ߣߍ߲߸ ߊ߬ߟߋ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߊߓߋ߬ߛߋ߸ ߣߴߊ߬ ߦߋ߫ ߛߌ߯ߙߌ߲߫ ߡߙߊ߬ߓߊ߰ߘߊ ߘߊ߲ߘߊߛߏ ߘߊ߲ߘߊߟߌ߫ ߘߐߜߊ߬ߣߍ߲ ߠߎ߬ ߘߐ߬ߓߛߏ߬ߟߌ ߓߏ߲ߘߊ ߓߟߏߡߊߘߍߡߍ߲ߠߊ߫ ߘߌ߫߸ ߏ߬ ߞߊ߬ ߘߏ߫ ߝߐ߫ ߞߵߊ߬ ߓߍ߲߬ ߞߏߕߐ ߢߌ߲߬ ߠߎ߬ ߡߊߟߐ߲߫ ߢߊ ߡߊ߬.
<<ߡߐ߰ ߝߊ߰ ߓߌߟߊߒߘߐߖߎ߮ ߣߌ߲߬ ߘߐ߫߸ ߡߐ߰ ߄ ߠߋ߬ ߓߣߐ߬ ߘߴߊ߬ ߣߌ ߘߐ߫߸ ߝߟߐߡߊ ߦߋ߫ ߥߊߟߌߥߊߟߌ߫ ߓߏߙߌߟߊ ߟߋ߬ ߘߌ߫߸ ߏ߬ ߟߋ ߕߘߍ߬ ߔߏߔߏ ߓߏ߬ߙߌ ߞߊ߲߬߸ ߊ߬ ߕߐ߯ ߞߏ߫ ߌߓߙߊߤߌߡߊ߬ ߞߋߕߊ߬߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߃߀ ߢߐ߲߰ ߘߐ߫߸ ߊ߬ ߛߌ߰ߣߍ߲߫ ߝߊ߬ߕߐ߬ߦߊ߫ ߟߋ߬، ߊ߬ ߝߌߟߊߣߊ߲ ߣߌ߫ ߛߓߊߣߊ߲߸ ߏ߬ ߦߋ߫ ߔߏߔߏ ߞߐߝߍ߫ ߛߌ߯ߟߊ ߟߋ߬ ߘߌ߫߸ ߡߍ߲ ߕߍ߬ߘߍ߫ ߡߛߏ߬ ߞߣߐߡߊ߫ ߞߣߐ ߞߊߙߏ߫ ߇ ߘߏ߫ ߘߌ߫߸ ߏ߬ ߣߴߊ߬ ߢߋ߬ߟߋ ߓߍ߯ ߟߋ߬ ߕߏ߫ ߘߴߊ߬ ߘߐ߫، ߊ߬ߟߋ ߕߐ߯ ߞߏ߫ ߖߋ߰ߛߎ߬ ߞߐ߲ߘߍ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߭ ߂߆ ߘߐ߫߸ ߊ߬ ߦߋ߫ ߛߌ߱ ߘߐ߫ ߓߟߊߕߏ߫ ߟߋ߬، ߊ߬ ߣߊ߯ߣߌ߲ߣߊ߲ ߛߊ߫߸ ߏ߬ ߕߐ߯ ߟߋ߬ ߞߏ߫ ߡߏߙߌ߬ ߞߋߕߊ߬߸ ߏ߬ ߛߌ߬ߞߛߊߓߌ ߦߋ߫ ߛߊ߲߬ ߁ ߢߐ߲߰ ߘߐߐ߫߸ ߏ߬ ߦߋ߫ ߖߋ߰ߛߎ߬ ߘߋ߲ߞߍߣߍ߲ ߠߋ߬ ߘߌ߫߸ ߊ߬ߟߎ߬ ߓߍ߯ ߟߋ߬ ߕߘߍ߬ ߢߐ߲߯ ߝߍ߬، ߊ߬ߟߎ߫ ߞߊ߬ ߛߊ߬ߦߊ ߡߊߛߐ߬ߘߐ߲߫ ߞߌ߬ߣߌ߲߬ߞߌ߬ߣߌ߲߬ߞߏ߬ߓߊ߫ ߟߋ߬ ߘߐ߫.>> ߞߟߍ߬ߡߐ߰ ߘߊ߲ߘߊߟߌߟߊ ߞߵߏ߬ ߟߋ ߝߐ߫.
ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߦߙߐ ߘߐ߫ ߦߋ߲߬ ߌߞߘߐ߫߸ ߘߎ߰ߘߋ߲ ߡߍ߲ ߠߎ߬ ߕߍ߬ߘߍ߫ ߦߋ߲߬߸ ߏ߬ ߟߎ߫ ߞߊ߬ ߕߊ ߓߌ߬ߟߊ߫ ߘߊ߲߬ߞߊ߬ߞߎߟߎ߲ ߏ߬ ߟߊ߫߸ ߞߵߊ߬ ߖߋ߬ߣߌ߲߬، ߊ߬ ߟߊ߬ߓߏ߬ߙߟߌ߬ߟߊ ߞߵߊ߬ ߖߘߍ߬ ߢߌߣߌ߲߫߸ ߞߊ߬ ߕߊ߲߫ ߛߊ߲߬ ߝߢߐ ߟߊ߫.
ߛߟߊߕߌ߮ ߞߕߌߞߊ߲ߘߊ ߡߍ߲ ߦߋ߫ ߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߟߊ߫߸ ߏ߬ ߞߊ߬ ߖߊ߬ߡߊߙߌ ߘߌ߫ ߞߏ߫ ߞߊ߬ ߘߐ߬ߛߏ߰ߙߋ߬ߟߌ߫ ߛߌ߰ ߛߋ߲߬ߠߊ߫߸ ߞߵߊ߬ߟߋ߬ ߓߌ߬ߟߊ߬ߒ߬ߘߐ߬ߖߎ߮ ߞߍߢߊ߫ ߖߐ߲ߖߐ߲ ߟߐ߲߫.
ߌߓߙߊߤߌߡߊ߬ ߞߊߡߊ߲߫ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.
