ߖߋ߬ߟߌ߬ߓߊߊ߬ߟߊ߫ ߞߊ߬ߙߊ߲߬ߠߊ߬ߘߋ߲ ߂߃߀ ߡߍ߲ ߠߎ߬ ߕߎ߲߬ ߘߌߦߊߜߏߦߊ߫ ߡߌߣߊ߫ ߘߊ߫ ߡߙߊ߬ߒ߬ߡߊ߬ߟߌ߬ߟߊ ߟߎ߬ ߓߟߏ߫ ߣߍߣߍߓߊ ߕߊ߬ߡߌ߲ߣߍ߲߫ ߡߊ߬߸ ߣߌ߫ ߊ߬ߟߎ߬ ߓߘߊ߫ ߟߊߓߌ߬ߟߊ߫ ߊ ߺ ߍߝ ߺ ߔߋ ߞߌ߬ߓߊ߬ߙߏ߬ߘߊ ߟߊ߫ ߛߍ߯ߛߍ߯ߟߌ ߘߏ߫ ߛߋ߲߭ߝߍ߬߸ ߒ߬ߓߊ߬߸ ߥߊߘߌ߫ ߓߙߍ߬ߦߊ ߘߏ߫ ߟߋ߬ ߘߌ߫ ߘߊ߫ ߓߞߏ߫ ߤߙߊߡ ߓߊ߰ߓߊ߰ߟߌ߬ ߞߙߎ ߟߎ߫ ߡߊ߬߸ ߞߵߏ߬ ߥߟߏ߫ ߡߐ߰ ߡߍ߲߬ ߠߎ߬ ߟߊߓߌ߬ߟߊ ߟߊ߫߸ ߊ ߺ ߍߝ ߺ ߔߋ ߟߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߘߏߟߊߙߌ߫ ߥߊߘߌ ߞߋ߲߬ߥߟߎ߬ ߦߙߌߞߊ ߟߋ߬ ߘߌ߫ ߘߊ߫ ߓߞߏ߫ ߤߙߊߡ ߡߊ߬߸ ߓߊ߬ߙߌ߫߸ ߘߊ߲߬ߠߊ߬ߕߍ߰ ߞߋߟߋ߲߫ ߕߍ߫ ߊ߬ ߥߊߘߌ߫ ߞߏ ߟߊ߫.
ߓߊߏ߬߸ ߛߙߋ ߘߏ߫ ߝߣߊ߫ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߘߏߟߊߙߌ߫ ߥߊߘߌ ߞߋ߲߬ߥߟߎ߬ ߥߐߙߐ߲ߝߌ߬ߟߊ߫ ߟߋ߬߸ ߘߏ߫ ߝߣߊ߫ ߞߊ߲߫ ߞߏ߫ ߞߋ߲߬ߥߟߎ߬ ߞߋߟߋ߲߫ ߣߌ߫ ߞߐ ߟߋ߬ ߘߌ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߫ ߡߊ߬߸ ߓߊ߬ߙߌ߫߸ ߞߌ߬ߓߊ߬ߙߏ߬ߘߊ ߣߌ߲߬ ߠߊ߫ ߝߐߟߌ߫ ߘߐ߫߸ ߞߏ߫ ߥߊߘߌ ߕߊ߯ ߘߊ߫ ߛߊ߲ߡߊߞߎߟߎ߲ ߠߋ߬ ߞߣߐ߫߸ ߞߊ߬ ߕߊ߯ ߘߌ߫ ߓߞߏ߫ ߤߙߊߡ ߗߋߘߊߘߌ߮ ߘߏ߫ ߡߊ߬߸ ߣߴߊ߬ ߕߐ߯ ߦߋ߫ ߊ߬ߟߌ ߒߜ߭ߏߟߋ߫ ߘߌ߫߸ ߖߋ߬ߟߌ߬ߓߊ߬ߟߊ߫ ߕߟߋ߬ߓߐ ߣߴߊ߬ ߞߐߘߐ߲ ߝߊ߲߭ߝߍ߬߸ ߥߏߖ߭ߊ߫ ߡߊ߬ߙߊ ߘߐ߫߸ ߦߙߐ߫ ߏ߬ ߘߏ߲߬ ߖߊ߬ߕߋ߬ߣߍ߲߫ ߡߐ߱ ߟߎ߬ ߓߟߏ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߘߊ߮ ߞߙߍߞߙߍߣߍ߲ ߘߏ߫ ߟߋ߬ ߘߌ߫.
ߞߌ߬ߓߊ߬ߙߏ߬ߘߊ ߣߌ߲߬ ߠߊ߫ ߝߐߟߌ߫ ߘߐ߫߸ ߓߞߏ߫ ߤߙߊߡ ߞߟߍ߬ߘߋ߲߫ ߝߌ߬ߟߊ߬ ߝߣߊ߫ ߟߊߓߌ߬ߟߊ߬ ߘߊ߫ ߟߋ߬ ߖߋ߬ߟߌ߬ߓߊ߬ߟߊ߫ ߞߏߕߌ߮ ߟߎ߬ ߓߟߏ߫ ߓߍ߲߬ߞߊ߲ ߣߌ߲߬ ߛߋ߲߭ߝߍ߬߸ ߊ߬ߟߎ߬ ߣߌ߫ ߓߊ߰ߓߊ߰ߟߌ߬ߟߊ ߡߍ߲߬ ߠߎ߬ ߣߌ߫ ߢߐ߲߯ ߕߍ߫، ߝߣߊ߫ ߞߏ߫ ߞߊ߬ߙߊ߲߬ߠߊ߬ߘߋ߲ ߡߍ߲߬ ߠߎ߬ ߟߊ߫ ߘߌߦߊߜߏߦߊ߫ ߡߌߣߊߟߌ ߞߎ߲߬ ߖߐ߲ߖߐ߲ ߘߏ߫ ߟߋ߬ ߦߋ߫ ߓߞߏ߫ ߤߙߊߡ ߗߋߘߊߕߌ߯ ߜߘߍ߫ ߘߌ߫ ߣߴߊ߬ ߦߋ߫ ߛߊߘߌߞߎ߫ ߘߌ߫߸ ߏ߬ ߡߍ߲ ߡߊߟߐ߲ߣߍ߲߫ ߖߋ߬ߟߌ߬ߓߊ߬ߟߊ߫ ߓߊ߰ߓߊ߰ߟߌ߬ ߛߌߦߊߡߊ߲߫ ߘߐ߫߸ ߊ߬ߟߋ ߘߊ߯ߣߍ߲߫ ߖߋ߬ߟߌ߬ߓߊ߬ߘߎ߰ ߡߙߊ ߟߋ߬ ߘߐ߫߸ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬، ߞߊ߬ߙߊ߲߬ߘߋ߲߫ ߂߃߀ ߡߍ߲߬ ߠߎ߬ ߣߴߊ߬ߟߎ߬ ߟߊ߫ ߞߊ߬ߙߊ߲߬ߡߐ߮ ߟߎ߬ ߡߌ߬ߣߊ߬ߣߍ߲߫ ߕߘߍ߬ ߦߋ߫ ߔߊߔߙߌ߫ ߞߊ߬ߙߊ߲߬ߛߏ ߟߋ߬ ߟߊ߫ ߞߏ”ߛߊ߲ߕߋ߫ ߡߊߙߌ߫” ߏ߬ ߞߍ߫ ߘߊ߫ ߛߊߙߏ߲߬ ߣߍߣߍߓߊ ߕߋ߬ߟߋ߫ ߂߁ ߠߋ߬ ߟߊ߫߸ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߘߊ߲߬ߕߍ߰ߟߌ߬ ߖߐ߲ߖߐ߲߫ ߝߏߛߌ߬ ߟߋ߬ ߞߍ߫ ߡߐ߱ ߡߍ߲߬ ߠߎ߬ ߟߊߓߌ߬ߟߊ߬ߟߌ߬ ߞߏ ߞߊ߲߬ ߥߟߊ߫ ߞߊ߬ ߓߐ߫ ߝߙߍ߬ ߘߌ߫ ߡߍ߲ ߘߌ߫ ߕߵߊ߬ ߞߏ ߞߊ߲߬.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
