ߟߊ߬ߞߐ߰ߟߌ߬ ߕߏ߲ߜߏ ߘߏ߫ ߟߋ߬ ߘߊߦߟߍ߬ ߘߊ߫ ߒߛߙߍߜߘߍ߬ ߞߍ߲ߘߍߟߏ߲ ߂߀߂߆ ߞߏ߲ߞߏߜߍ ߕߟߋ߬ ߇ ߡߊ߬߸ ߞߵߊ߬ ߞߎ߲߭ߝߊ߰ ߞߊ߯ߙߌ ߞߏ߲ߞߏߜߍ ߕߟߋ߬ ߈ ߡߊ߬، ߕߟߋ߬ ߝߌ߬ߟߊ߬ ߟߊߞߐ߯ߟߌ ߏ߬ ߡߍ߲ ߞߍ߫ ߘߊ߫ ߢߌߣߌ߲ߞߏ ߛߎߥߊ߲ߘߌ߫ ߢߊ ߣߴߊ߬ ߝߊ߲߬ߝߘߊ߬ߦߊ߬ߟߌ ߞߊ߲߬.
ߟߊ߬ߞߐ߰ߟߌ߬ߟߊ ߞߍ߫ ߘߊ߫ ߌߓߙߊߤߌߡߊ߬ ߟߏ߲ߛߋߓߊߟߌߕߍ߫ ߞߏ߬ߣߊ߬ߕߍ߫ ߟߋ߬ ߓߟߏ߫߸ ߒߞߏ ߞߊߙߊ߲ߘߋ߲ ߣߴߊ߬ ߞߊ߬ߙߊ߲߬ߡߐ߮ ߛߌߦߊߡߊ߲߫ ߛߐ߬ߘߐ߲߬ ߘߊ߫ ߡߍ߲ ߘߐ߫߸ ߊ߬ ߣߌ߫ ߒߞߏߟߊ߲ߘߌ ߟߎ߬، ߞߊ߬ߕߎ߲߯߸ ߟߊ߬ߞߐ߰ߟߌ ߞߍ߫ ߘߊ߫ ߟߊ߬ߞߐ߰ߟߌ߫ ߕߣߐ߬ߡߊ߫ ߟߋ߬ ߘߌ߫߸ ߊ߬ ߟߊߞߙߐ߬ߛߌ߬ ߘߊ߫ ߞߏ߫ ߊ߬ ߝߙߋߞߋ ߦߋ߫ ߓߍ߯ ߟߋ߬ ߡߊߛߐ߬ߘߐ߲߬ ߠߊ߫ ߝߊߦߌߘߊ߫.
ߏ߬ ߟߋ ߘߐ߫߸ ߊ߬ ߢߊߦߋ߫ ߘߊ߫ ߟߊ߬ߞߐ߰ߟߌ ߣߌ߲߬ ߘߐ߫߸ ߞߏ߫ <<ߢߌߣߌ߲ߞߏ ߛߎߥߊ߲ߘߌ߫ ߞߏߖߎ߮ ߘߌ߫ ߛߋ߫ ߓߊ߯ߙߊ ߡߎ߰ߡߍ ߞߍ߫ ߟߊ߫ ߖߌ ߘߐ߫߸ ߞߵߊ߬ ߛߐ߬ߘߐ߲߬ ߢߌߣߌ߲ߞߏ߫ ߓߘߍ ߦߋ߫ ߛߌߟߊ߫ ߞߍ߲ߘߍ ߟߋ߬ ߞߊ߲߬ ߛߎߘߊ߲ ߡߊߜߍ߲ ߘߐ߫.>> ߟߊ߬ߞߐ߰ߟߌ߬ߟߊ ߞߵߏ߬ ߟߋ ߢߊߝߐ߫ ߊ߬ ߟߊ߫ ߟߊ߬ߞߐ߰ߟߌ ߣߌ߲߬ ߘߐ߫߸ ߞߊ߬ ߡߐ߱ ߟߎ߬ ߦߟߌ ߟߊߞߊ߬ ߞߏߛߓߍ߫.
ߟߊ߬ߞߐ߰ߟߌ ߣߌ߲߬ ߘߐ߫߸ ߡߐ߰ߓߊ ߟߎ߬ ߣߌ߫ ߘߋ߲ߡߌߛߍ߲ ߛߌߦߊߡߊ߲߫ ߠߋ߬ ߞߵߊ߬ ߢߣߊߓߊ߯ߦߊ߫߸ ߒߛߙߍߜߘߍ߬ ߒ.ߢ.ߦ.ߘ ߛߓߍߘߊ ߟߵߏ߬ ߛߐ߰ߒ߬ߡߊ ߘߌ߫߸ ߞߵߏ߬ ߟߊ߫ ߞߊ߬ߙߊ߲߬ߝߊ ߛߊߘߊ߲߫ ߊߡߙߊ ߞߊ߲ߕߍ߫ ߣߴߊ߬ ߟߊ߫ ߞߊ߬ߙߊ߲߬ߘߋ߲ ߠߎ߫ ߞߊ߲߬، ߏ߬ ߡߍ߲ ߓߍ߯ ߞߵߊ߬ ߦߌ߬ߘߊ߬ ߞߏ߫ ߊ߬ ߞߎ߲ߝߊ߲ ߕߍ߬ߘߍ߫ ߡߐ߱ ߟߎ߬ ߟߊ߫߸ ߊ߬ߟߎ߫ ߘߏ߲߬ ߞߵߊ߬ ߢߣߊߓߊ߯ߦߊ߫.
ߟߊ߬ߞߐ߰ߟߌ ߞߎ߲߭ߝߊ߰ ߘߊ߫ ߞߝߊ߬ ߞߎ߲߬ߠߊ߬ߓߐ ߟߋ߬ ߡߊ߬߸ ߏ߬ ߡߍ߲ ߛߓߍߣߍ߲߫ ߟߊ߬ߞߐ߰ߟߌ߬ߟߊ ߖߍ߬ߘߍ ߓߟߏ߫߸ ߣߴߊ߬ߟߋ߬ ߞߊ߬ߝߊ ߕߐ߯ ߞߏ߫ ߛߎߘߊ߲ ߣߌ߫ ߗߌߙߏ߲ ߞߎ߲߬ ߖߐ߲ߖߐ߲، ߞߊ߬ߝߊ ߏ߬ ߦߋ߫ ߞߝߊ߬ ߞߣߐ߫ ߘߎ߲ ߠߋ߬ ߘߌ߫߸ ߡߐ߱ ߟߊ߫ ߢߣߊߡߦߊ ߞߣߐ߫ ߛߎߘߊ߲ ߠߊߛߐ߬ߘߐ߲ ߘߐ߫߸ ߊ߬ ߣߌ߫ ߗߌߙߏ߲ ߡߊߕߊ߲߬ߞߊ ߘߐ߫.
ߟߊ߬ߞߐ߰ߟߌ ߟߊߓߊ߲ ߘߐ߫߸ ߡߐ߰ߓߊ ߟߎ߫ ߞߊ߬ ߕߌ߲ߞߌ߫ ߓߎ߰ߓߎ߰ߣߍ߲ ߠߎ߬ ߞߍ߫߸ ߘߋ߲ߡߌߛߍ߲ ߠߎ߬ ߞߟߊߓߎߘߏ߲߬ ߘߊ߫ ߕߌ߲ߞߌ ߏ߬ ߝߍ߬ ߞߏߛߓߍ߫، ߏ߬ ߟߋ ߞߐ߫߸ ߟߊ߬ߞߐ߰ߟߌ߬ ߛߙߋߓߍ ߟߊߕߊ߬ߡߌ߲߬ ߘߊ߫ ߟߊ߬ߞߐ߰ߓߊ߰ߕߐ ߟߎ߫ ߡߊ߬߸ ߞߵߏ߬ ߞߍ߫ ߖߊ߲߬ߖߏ߲ ߞߎ߲߬ߘߏ߲ ߘߌ߫ ߡߎ߬ߕߎ߲߬ ߛߊ߫. ߊ߬ ߞߍ߫ ߘߊ߫ ߟߊ߬ߥߛߊ߬ߓߊ߫ ߟߋ߬ ߘߌ߫ ߒߞߏߞߏ ߡߊ߬ߘߎ߮ ߘߐ߫ ߒߛߙߍߜߍ߬ߘߍ߫ ߦߋ߲߬.
ߡߎߛߑߕߝߊ߬ ߛߎߥߊ߲ߘߌ߫ ߛߊ߬ߣߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߒߛߙߍߜߘߍ߬
